FacebookTwitterg+Mail

90 ਦੇ ਦਹਾਕੇ ਦੀ ਇਸ ਅਦਾਕਾਰਾ ਦੀ ਕੈਂਸਰ ਦੌਰਾਨ ਹੋ ਗਈ ਸੀ ਅਜਿਹੀ ਹਾਲਤ

manisha koirala
06 December, 2019 04:47:59 PM

ਮੁੰਬਈ(ਬਿਊਰੋ)- 90 ਦੇ ਦਹਾਕੇ ‘ਚ ਲੋਕਾਂ ਦੇ ਦਿਲਾਂ ‘ਤੇ ਰਾਜ ਕਰਨ ਵਾਲੀ ਅਦਾਕਾਰਾ ਜਿਸ ਨੇ ਬਹੁਤ ਹੀ ਘੱਟ ਸਮੇਂ ‘ਚ ਆਪਣੀ ਪਛਾਣ ਬਣਾ ਲਈ ਸੀ ਪਰ ਅੱਜ ਇਸ ਅਦਾਕਾਰਾ ਨੂੰ ਪਛਾਨਣਾ ਵੀ ਮੁਸ਼ਕਲ ਹੈ । ਜੀ ਹਾਂ ਅਸੀਂ ਗੱਲ ਕਰ ਰਹੇ ਹਾਂ ਅਦਾਕਾਰਾ ਮਨੀਸ਼ਾ ਕੋਇਰਾਲਾ ਦੀ । ਜਿਨ੍ਹਾਂ ਨੇ 90 ਦੇ ਦਹਾਕੇ ‘ਚ ਕਈ ਹਿੱਟ ਫਿਲਮਾਂ ਦਿੱਤੀਆਂ। ਮਨੀਸ਼ਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ “ਸੌਦਾਗਰ” ਫਿਲਮ ਦੇ ਨਾਲ ਕੀਤੀ ਸੀ । ਇਹ ਫਿਲਮ ਉਸ ਸਮੇਂ ਦੀ ਸੁਪਰ ਡੁਪਰ ਹਿੱਟ ਫਿਲਮ ਸਾਬਿਤ ਹੋਈ ਸੀ ।
Punjabi Bollywood Tadka
ਉਸ ਤੋਂ ਬਾਅਦ ਉਨ੍ਹਾਂ ਨੇ ‘1942 ਲਵ ਸਟੋਰੀ’,‘ਬਾਂਬੇ’,‘ਖਾਮੋਸ਼ੀ’,‘ਅਕੇਲੇ ਤੁਮ ਅਕੇਲੇ ਹਮ’ ਸਮੇਤ ਕਈ ਫਿਲਮਾਂ ‘ਚ ਕੰਮ ਕੀਤਾ ਅਤੇ ਆਪਣੇ ਫਿਲਮੀ ਕਰੀਅਰ ‘ਚ ਆਪਣੀ ਅਦਾਕਾਰੀ ਨਾਲ ਦਰਸ਼ਕਾਂ ਦੇ ਦਿਲਾਂ ‘ਤੇ ਡੂੰਘੀ ਛਾਪ ਛੱਡੀ ਪਰ ਮਨੀਸ਼ਾ ਦੀ ਕਾਮਯਾਬੀ ਦਾ ਇਹ ਦੌਰ ਉਸ ਸਮੇਂ ਠੱਲ ਜਿਹਾ ਗਿਆ ਜਦੋਂ ਉਨ੍ਹਾਂ ਦੀਆਂ ਕੁਝ ਫਿਲਮਾਂ ਫਲਾਪ ਹੋ ਗਈਆਂ, ਜਿਸ ਕਾਰਨ ਉਹ ਤਣਾਅ ‘ਚ ਰਹਿਣ ਲੱਗ ਪਈ ਸੀ । ਸ਼ਰਾਬ ਅਤੇ ਡਰੱਗਸ ਦੀ ਆਦਤ ਕਾਰਨ ਉਨ੍ਹਾਂ ਨੂੰ ਕੈਂਸਰ ਵਰਗੀ ਨਾ-ਮੁਰਾਦ ਬੀਮਾਰੀ ਨੇ ਆ ਘੇਰਿਆ। ਜਿਸ ਕਾਰਨ ਫਿਲਮੀ ਦੁਨੀਆ ਤੋਂ ਉਨ੍ਹਾਂ ਨੇ ਦੂਰੀ ਬਣਾ ਲਈ ।ਵਿਦੇਸ਼ ‘ਚ ਉਨ੍ਹਾਂ ਦੀ ਬੀਮਾਰੀ ਦਾ ਲੰਬਾ ਸਮਾਂ ਇਲਾਜ ਚੱਲਿਆ ।ਕੈਂਸਰ ਵਰਗੀ ਬੀਮਾਰੀ ਨੂੰ ਮਾਤ ਦੇਣ ਤੋਂ ਬਾਅਦ ਉਨ੍ਹਾਂ ਨੇ ਮੁੜ ਤੋਂ ਬਾਲੀਵੁੱਡ ‘ਚ ਕਮਬੈਕ ਕੀਤਾ ਅਤੇ ਫਿਲਮ ‘ਸੰਜੂ’ ‘ਚ ਨਜ਼ਰ ਆਈ ।
Punjabi Bollywood Tadka
ਇਸ ਬਾਇਓਪਿਕ ‘ਚ ਉਨ੍ਹਾਂ ਨੇ ਨਰਗਿਸ ਦਾ ਕਿਰਦਾਰ ਨਿਭਾਇਆ ਸੀ ।ਮਨੀਸ਼ਾ ਨੇ ਨੇਪਾਲ ਦੇ ਇਕ ਬਿੱਜਨਸ ਮੈਨ ਨਾਲ ਵਿਆਹ ਵੀ ਕਰਵਾਇਆ ਪਰ ਇਹ ਵਿਆਹ ਜ਼ਿਆਦਾ ਦਿਨ ਤੱਕ ਨਾ ਸੀ ਚੱਲ ਸਕਿਆ ਅਤੇ ਦੋਵੇਂ ਵੱਖ-ਵੱਖ ਹੋ ਗਏ। ਮਨੀਸ਼ਾ ਨੇ ਕੁਝ ਦਿਨ ਪਹਿਲਾਂ ਹੀ ਟਵਿੱਟਰ ‘ਤੇ ਇਕ ਤਸਵੀਰ ਸਾਂਝੀ ਕੀਤੀ ਹੈ ਜੋ ਉਨ੍ਹਾਂ ਦੇ ਇਲਾਜ ਦੇ ਦੌਰਾਨ ਦੀ ਹੈ । ਹੁਣ ਮਨੀਸ਼ਾ ਫਿਲਮੀ ਦੁਨੀਆ ਤੋਂ ਦੂਰ ਆਪਣੀ ਜ਼ਿੰਦਗੀ ਬਿਤਾ ਰਹੀ ਹੈ ।
Punjabi Bollywood Tadka


Tags: Manisha KoiralaCancerKehna Hai TumseO Yaara Dil LaganaMera Mann

About The Author

manju bala

manju bala is content editor at Punjab Kesari