ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਾ ਮਨੋਜ ਵਾਜਪਾਈ ਅੱਜ ਆਪਣਾ 50ਵਾਂ ਜਨਮਦਿਨ ਮਨਾ ਰਹੇ ਹਨ। ਮਨੋਜ ਵਾਜਪਾਈ ਦੀ ਨਿੱਜ਼ੀ ਜ਼ਿੰਦਗੀ 'ਤੇ ਨਜ਼ਰ ਮਾਰੀਏ ਤਾਂ ਉਨ੍ਹਾਂ ਨੂੰ ਮਨੋਰੰਜਨ ਜਗਤ 'ਚ ਨਾਂ ਕਮਾਉਣ ਲਈ ਕਾਫੀ ਸੰਘਰਸ਼ ਕਰਨਾ ਪਿਆ, ਪਰ ਜਦੋਂ ਵੀ ਮੌਕਾ ਮਿਲਿਆ ਤਾਂ ਉਨ੍ਹਾਂ ਆਪਣੀ ਅਦਾਕਾਰੀ ਨਾਲ ਸਭ ਨੂੰ ਆਪਣਾ ਮੁਰੀਦ ਬਣਾ ਲਿਆ। ਅੱਜ ਅਸੀਂ ਉਨ੍ਹਾਂ 'ਦੇ ਜਨਮਦਿਨ ਮੌਕੇ ਜੀਵਨ ਨਾਲ ਜੁੜੇ ਕਈ ਕਿੱਸੇ ਸ਼ੇਅਰ ਕਰਨ ਜਾ ਰਹੇ ਹਾਂ।
ਉਨ੍ਹਾਂ ਦਾ ਜਨਮ ਬਿਹਾਰ ਦੇ ਛੋਟੇ ਜਿਹੇ ਪਿੰਡ 'ਚ 23 ਅਪ੍ਰੈਲ, 1969 ਨੂੰ ਇਕ ਕਿਸਾਨ ਪਰਿਵਾਰ 'ਚ ਹੋਇਆ ਸੀ। ਮਨੋਜ ਦੇ ਪਿਤਾ ਇਕ ਕਿਸਾਨ ਸਨ। ਮਨੋਜ ਦੇ ਜੀਵਨ ਦੀ ਸ਼ੁਰੂਆਤ ਵੀ ਫਿਲਮੀ ਸਟਾਇਲ 'ਚ ਹੋਈ। ਉਨ੍ਹਾਂ ਦਾ ਨਾਂ ਬਾਲੀਵੁੱਡ ਦੇ ਸੁਪਰਸਟਾਰ ਮਨੋਜ ਕੁਮਾਰ ਦੇ ਨਾਂ 'ਤੇ ਰੱਖਿਆ ਗਿਆ। ਮਨੋਜ ਨੇ ਬਚਪਨ ਤੋਂ ਇਹ ਤੈਅ ਕਰ ਲਿਆ ਸੀ ਕਿ ਉਨ੍ਹਾਂ ਫਿਲਮਾਂ 'ਚ ਅਭਿਨੈ ਕਰਨਾ ਹੈ। ਇਕ ਵਾਰ ਉਨ੍ਹਾਂ ਦਾ ਇਕ ਦੋਸਤ ਦਿੱਲੀ ਆ ਰਿਹਾ ਸੀ। ਉਸ ਨੇ ਮਨੋਜ ਨੂੰ ਨਾਲ ਚੱਲਣ ਲਈ ਕਿਹਾ ਸੀ। ਮਨੋਜ ਅੰਦਰ ਫਿਲਮਾਂ 'ਚ ਕੰਮ ਕਰਨ ਦੀ ਇੰਨੀ ਇੱਛਾ ਸੀ ਕਿ ਉਨ੍ਹਾਂ ਕੋਲੋਂ ਰਿਹਾ ਨਾ ਗਿਆ ਅਤੇ ਉਹ ਬਿਨਾਂ ਕੁਝ ਸੋਚੇ-ਸਮਝੇ ਇਸ ਸਫਰ ਲਈ ਨਿਕਲ ਪਏ।
ਮਨੋਜ ਵਾਜਪਾਈ ਨੇ ਆਪਣੀ ਜਵਾਨੀ ਦੇ ਦਿਨ ਬਹੁਤ ਮੁਸ਼ਕਲਾਂ ਨਾਲ ਬਤੀਤ ਕੀਤੇ ਸਨ। ਪਹਿਲਾਂ ਉਹ ਦਿੱਲੀ ਯੂਨੀਵਰਸਿਟੀ ਦੇ ਕਾਲਜ 'ਚ ਛੋਟੇ ਨਾਟਕਾਂ 'ਚ ਹਿੱਸਾ ਲੈਂਦੇ ਸਨ। ਇਸ ਤੋਂ ਇਲਾਵਾ ਨੁੱਕੜ ਨਾਟਕ ਵੀ ਕਰਦੇ ਸਨ। ਮਨੋਜ ਨੇ ਨੈਸ਼ਨਲ ਸਕੂਲ ਆਫ ਡਰਾਮਾ ਦਾ ਖੂਬ ਨਾਂ ਸੁਣਿਆ ਸੀ। ਇੱਥੋਂ ਹੀ ਨਸੀਰੂਦੀਨ ਸ਼ਾਹ ਅਤੇ ਓਮ ਪੂਰੀ ਵਰਗੇ ਦਿੱਗਜ ਅਭਿਨੇਤਾਵਾਂ ਨੇ ਅਭਿਨੈ ਦੀ ਸਿਖਿਆ ਲਈ ਸੀ ਪਰ ਮਨੋਜ ਦੀਆਂ ਪ੍ਰੇਸ਼ਾਨੀਆਂ ਘੱਟ ਨਹੀਂ ਹੋਈਆਂ। ਉਨ੍ਹਾਂ 4 ਵਾਰ ਆਡੀਸ਼ਨ ਦਿੱਤਾ ਅਤੇ ਚੌਥੀ ਵਾਰ ਵੀ ਰਿਜੈਕਟ ਕਰ ਦਿੱਤੇ ਗਏ। ਇਹ ਉਹ ਸਮਾਂ ਸੀ ਜਿੱਥੇ ਮਨੋਜ ਨੂੰ ਆਪਣੇ ਸੁਪਨੇ ਟੁੱਟਦੇ ਦਿਖਾਈ ਦੇ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਨੂੰ ਮਹਾਨ ਥਿਏਟਰ ਗੁਰੂ ਅਤੇ ਰੰਗਕਰਮੀ ਬੈਰੀ ਜੌਨ ਦਾ ਸਾਥ ਮਿਲਿਆ। ਉਨ੍ਹਾਂ ਨੂੰ ਵਰਕਸ਼ਾਪ 'ਚ 1200 ਰੁਪਏ ਦੀ ਸੈਲਰੀ 'ਚ ਫੈਕੇਲੇਟੀ ਟੀਚਰ ਦੇ ਰੂਪ 'ਚ ਰੱਖਿਆ ਗਿਆ। ਐੱਨ. ਐੱਸ. ਜੀ. 'ਚ 3 ਵਾਰ ਰਿਜੈਕਟ ਹੋਣ ਤੋਂ ਬਾਅਦ ਜਦੋਂ ਉਹ ਚੌਥੀ ਵਾਰ ਆਡੀਸ਼ਨ ਲਈ ਪਹੁੰਚੇ ਤਾਂ ਉਨ੍ਹਾਂ ਨੂੰ ਨਹੀਂ ਲਿਆ ਗਿਆ ਪਰ ਨਾਲ ਹੀ ਇਕ ਦਿਲਚਸਪ ਕਿੱਸਾ ਇਹ ਵੀ ਹੈ ਕਿ ਉਨ੍ਹਾਂ ਨੂੰ ਕਿਹਾ ਗਿਆ ਕਿ ਤੁਹਾਨੂੰ ਇੰਨਾ ਤਜ਼ਰਬਾ ਹੋ ਚੁੱਕਿਆ ਹੈ, ਅਸੀਂ ਤੁਹਾਡੀ ਟੀਚਿੰਗ ਫੈਕੇਲੇਟੀ ਲਈ ਚੋਣ ਕਰ ਸਕਦੇ ਹਾਂ। ਫਿਲਮ ਨਿਰਦੇਸ਼ਕ ਤਿਗਮਾਂਸ਼ੂ ਧੁਲੀਆ ਦੀ ਵਜ੍ਹਾ ਨਾਲ ਮਨੋਜ ਨੂੰ 'ਬੈਂਡੇਟ ਕਵੀਨ' 'ਚ ਇਕ ਅਹਿਮ ਕਿਰਦਾਰ ਮਿਲਿਆ ਸੀ। ਤਿਗਮਾਸ਼ੂ ਉਸ ਸਮੇਂ ਫਿਲਮ ਦੇ ਕਾਸਟਿੰਗ ਨਿਰਦੇਸ਼ਨ ਸਨ ਅਤੇ ਉਨ੍ਹਾਂ ਹੀ ਸ਼ੇਖਰ ਕਪੂਰ ਨੂੰ ਮਨੋਜ ਨੂੰ ਕਾਸਟ ਕਰਨ ਦੀ ਸਲਾਹ ਦਿੱਤੀ ਸੀ। ਫਿਲਮ 'ਸੱਤਿਆ' 'ਚ ਭੀਕੂ ਮਾਤਰੇ ਦੇ ਕਿਰਦਾਰ ਨਾਲ ਇਨ੍ਹਾਂ ਦੇ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਇਸ ਫਿਲਮ 'ਚ ਆਪਣੇ ਸ਼ਾਨਦਾਰ ਅਭਿਨੈ ਨਾਲ ਉਹ ਬੈਸਟ ਸਪੋਟਿੰਗ ਐਕਟਰ ਦਾ ਨੈਸ਼ਨਲ ਐਵਾਰਡ ਜਿੱਤ ਚੁੱਕੇ ਸਨ। ਇਸ ਤੋਂ ਬਾਅਦ 'ਸ਼ੂਲ', 'ਪਿੰਜ਼ਰ', 'ਗੈਂਗਸ ਆਫ ਵਾਸੇਪੁਰ', 'ਅਲੀਗੜ੍ਹ' ਵਰਗੀਆਂ ਫਿਲਮਾਂ 'ਚ ਅਭਿਨੈ ਕਰਕੇ ਇਹ ਸਾਬਤ ਕਰਕੇ ਚੁੱਕੇ ਸਨ ਕਿ ਉਹ ਬਾਲੀਵੁੱਡ ਦੇ ਚਮਕਦੇ ਸਿਤਾਰਿਆਂ 'ਚੋਂ ਇਕ ਹਨ।