ਮੁੰਬਈ (ਬਿਊਰੋ)— ਮਿਸ ਵਰਲਡ ਦਾ ਖਿਤਾਬ ਆਪਣੇ ਨਾਂ ਕਰਨ ਵਾਲੀ ਮਾਨੁਸ਼ੀ ਛਿੱਲਰ ਆਪਣੇ ਨਵੇਂ ਫੋਟੋਸ਼ੂਟ ਨੂੰ ਲੈ ਕੇ ਚਰਚਾ 'ਚ ਹੈ। ਉਸ ਨੇ ਹਾਲ ਹੀ 'ਚ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਸ ਫੋਟੋਸ਼ੂਟ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਉਸ ਨੇ ਇਹ ਫੋਟੋਸ਼ੂਟ ਪ੍ਰਸਿੱਧ ਮੈਗਜ਼ੀਨ ਗਰਾਜ਼ੀਆ ਲਈ ਕਰਵਾਇਆ ਹੈ। ਫੋਟੋਸ਼ੂਟ 'ਚ ਉਹ ਕਾਫੀ ਖੂਬਸੂਰਤ ਲੱਗ ਰਹੀ ਹੈ। ਮਾਨੁਸ਼ੀ ਦਾ ਇਹ ਫੋਟੋਸ਼ੂਟ ਮੈਗਜ਼ੀਨ ਦੇ ਮਾਰਚ ਮਹੀਨੇ ਦੇ ਅੰਕ ਲਈ ਕਰਵਾਇਆ ਗਿਆ ਹੈ। ਮਾਨੁਸ਼ੀ ਨੇ ਕੁਝ ਘੰਟੇ ਪਹਿਲਾਂ ਹੀ ਇਸ ਫੋਟੋਸ਼ੂਟ ਦੀਆਂ ਤਸਵੀਰਾਂ ਨੂੰ ਸ਼ੇਅਰ ਕੀਤਾ ਹੈ ਤੇ ਇਨ੍ਹਾਂ ਤਸਵੀਰਾਂ ਨੂੰ ਲੱਖਾਂ ਲੋਕ ਦੇਖ ਚੁੱਕੇ ਹਨ। ਉਥੇ ਉਸ ਨੂੰ ਆਪਣੇ ਨਵੇਂ ਫੋਟੋਸ਼ੂਟ ਕਾਰਨ ਸੋਸ਼ਲ ਮੀਡੀਆ 'ਤੇ ਟਰੋਲ ਵੀ ਕੀਤਾ ਜਾ ਰਿਹਾ ਹੈ। ਇਨ੍ਹਾਂ ਤਸਵੀਰਾਂ 'ਚ ਮਾਨੁਸ਼ੀ ਦੀ ਵੱਖਰੀ ਲੁੱਕ ਸਾਹਮਣੇ ਆ ਰਹੀ ਹੈ। ਮਾਨੁਸ਼ੀ ਦੇ ਕੁਝ ਫੈਨਜ਼ ਉਸ ਦੀਆਂ ਤਸਵੀਰਾਂ ਨੂੰ ਖੂਬਸੂਰਤ ਦੱਸ ਰਹੇ ਹਨ ਤਾਂ ਕੁਝ ਲੋਕ ਉਸ ਦੇ ਮੇਕਅੱਪ ਨੂੰ ਲੈ ਕੇ ਕੁਮੈਂਟ ਕਰ ਰਹੇ ਹਨ। ਮਾਨੁਸ਼ੀ ਦੀਆਂ ਇਨ੍ਹਾਂ ਤਸਵੀਰਾਂ 'ਤੇ ਉਸ ਨੂੰ ਕਾਫੀ ਟਰੋਲ ਕੀਤਾ ਜਾ ਰਿਹਾ ਹੈ। ਕੁਝ ਇੰਸਟਾਗ੍ਰਾਮ ਯੂਜ਼ਰਸ ਨੇ ਕੁਮੈਂਟ ਕਰਦਿਆਂ ਪੁੱਛਿਆ ਹੈ, 'ਕੀ ਇਹ ਤੁਸੀਂ ਹੀ ਹੋ?' ਉਥੇ ਕੁਝ ਦਾ ਕਹਿਣਾ ਹੈ, 'ਇਸ ਤੋਂ ਖਰਾਬ ਮੇਕਅੱਪ ਕਦੇ ਨਹੀਂ ਹੋਇਆ।' ਕੁਝ ਯੂਜ਼ਰਸ ਨੇ ਉਸ ਦੇ 'ਆਈ ਮੇਕਅੱਪ ਦੇ ਲਾਲ ਸ਼ੇਡ' 'ਤੇ ਵੀ ਸਵਾਲ ਕੀਤੇ ਹਨ।