ਮੁੰਬਈ— ਅਮਰੀਕੀ ਅਭਿਨੇਤਰੀ ਮਰਲਿਨ ਮੁਨਰੋ ਦਾ ਅੱਜ ਜਨਮਦਿਨ ਹੈ। ਹੁਣ ਉਹ ਇਸ ਦੁਨੀਆ 'ਤੇ ਨਹੀਂ ਰਹੀ। 36 ਸਾਲ ਦੀ ਉਮਰ 'ਚ 1962 'ਚ ਮਰਲਿਨ ਮੁਨਰੋ ਦੀ ਮੌਤ ਹੋ ਗਈ ਸੀ। ਅੱਜ ਮਰਲਿਨ ਮੁਨਰੋ ਦੇ ਜਨਮਦਿਨ ਮੌਕੇ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਕਿ ਕਿਵੇਂ ਮਰਲਿਨ ਖੁਦ ਨੂੰ ਫਿੱਟ ਰੱਖਦੀ ਸੀ। ਦੁਨੀਆ ਭਰ 'ਚ ਮਸ਼ਹੂਰ ਮਰਲਿਨ ਮੁਨਰੋ ਯੋਗਾ ਦੀ ਦੀਵਾਨੀ ਸੀ। ਉਹ ਆਪਣੀ ਫਿੱਗਰ ਫਿੱਟ ਰੱਖਣ ਲਈ ਰੋਜ਼ਾਨਾ ਯੋਗਾ ਕਰਦੀ ਸੀ। ਦੱਸਣਯੋਗ ਹੈ ਕਿ 1952 'ਚ ਇਕ ਇੰਟਰਵਿਊ ਦੌਰਾਨ ਮਰਲਿਨ ਨੇ ਇਸ ਗੱਲ ਨੂੰ ਕਬੂਲ ਕੀਤਾ ਸੀ ਕਿ ਉਹ ਰੋਜ਼ਾਨਾ ਅੱਧਾ ਘੰਟਾ ਯੋਗਾ ਕਰਦੀ ਹੈ। ਇਸ ਨਾਲ ਉਹ ਨਾ ਸਿਰਫ ਫਿੱਟ ਰਹਿੰਦੀ ਹੈ, ਸਗੋਂ ਉਹ ਆਪਣੀ ਪ੍ਰੇਸ਼ਾਨੀ ਨੂੰ ਵੀ ਦੂਰ ਕਰਦੀ ਹੈ। ਮਰਲਿਨ ਮੁਨਰੋ ਨੇ ਯੋਗ ਗੁਰੂ ਇੰਦਿਰਾ ਦੇਵੀ ਤੋਂ ਯੋਗਾ ਦੀ ਟਰੇਨਿੰਗ ਲਈ ਸੀ। ਯੋਗ ਗੁਰੂ ਨੂੰ ਮਿਲਣ ਤੋਂ ਪਹਿਲਾਂ ਵੀ ਮਰਲਿਨ ਯੋਗਾ ਕਰਦੀ ਸੀ ਪਰ ਉਸ ਸਮੇਂ ਸਿਰਫ 10 ਤੋਂ 15 ਮਿੰਟਾਂ ਲਈ ਹੀ ਉਹ ਯੋਗਾ ਕਰਦੀ ਸੀ। ਯੋਗਾ ਨੂੰ ਪ੍ਰਮੋਟ ਕਰਨ ਲਈ ਮਰਲਿਨ ਮੁਨਰੋ ਨੇ ਕਈ ਫੋਟੋਸ਼ੂਟ ਵੀ ਕਰਵਾਏ ਸਨ।