ਮੁੰਬਈ(ਬਿਊਰੋ)— 'ਬਿੱਗ ਬੌਸ 11' ਦੀ ਸਾਬਕਾ ਮੁਕਾਬਲੇਬਾਜ਼ ਮਹਿਜ਼ਬੀ ਸਿੱਦਿਕੀ ਨੇ ਹਾਲ ਹੀ 'ਚ ਪਤੀ ਨਾਲ ਆਪਣੇ ਵਿਆਹ ਦੀ ਵਰੇਗੰਢ ਮਨਾਈ।
ਉਨ੍ਹਾਂ ਨੇ 'ਬਿੱਗ ਬੌਸ 11' ਦੇ ਘਰ ਗੁਆਂਢੀ ਬਣ ਕੇ ਐਂਟਰੀ ਲਈ ਸੀ।
ਸ਼ੋਅ 'ਚ ਉਨ੍ਹਾਂ ਨੂੰ ਆਪਣੇ ਰੰਗ-ਰੂਪ ਕਾਰਨ ਕਾਫੀ ਕੁਝ ਸੁਣਨਾ ਪਿਆ ਸੀ।
ਘਰ 'ਚ ਉਨ੍ਹਾਂ ਨੂੰ ਕਾਲੀ ਡੈਨ ਤੱਕ ਕਹਿ ਦਿੱਤਾ ਗਿਆ ਸੀ।
ਹੁਣ 'ਬਿੱਗ ਬੌਸ' ਦੇ ਘਰੋਂ ਬਾਹਰ ਆਉਣ ਤੋਂ ਬਾਅਦ ਉਨ੍ਹਾਂ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ, ਜਿਨ੍ਹਾਂ 'ਚ ਉਹ ਇਕਦਮ ਵੱਖਰੇ ਅੰਦਾਜ਼ 'ਚ ਨਜ਼ਰ ਆ ਰਹੀ ਹੈ।
ਹਾਲ ਹੀ 'ਚ ਮਹਿਜ਼ਬੀ ਨੇ ਆਪਣੇ ਵਿਆਹ ਦੀ 12ਵੀਂ ਵਰੇਗੰਢ ਮਨਾਈ। ਪਤਨੀ ਨਾਲ ਇਸ ਸੈਲੀਬ੍ਰੇਸ਼ਨ ਦੀਆਂ ਤਸਵੀਰਾਂ ਅਜੀਮ ਸ਼ੇਖ ਨੇ ਆਪਣੇ ਫੇਸਬੁੱਕ ਅਕਾਊਂਟ 'ਤੇ ਸ਼ੇਅਰ ਕੀਤੀਆਂ ਹਨ।
ਮਾਡਲ ਪਤੀ ਅਜੀਮ ਸ਼ੇਖ ਨਾਲ ਇਨ੍ਹਾਂ ਤਸਵੀਰਾਂ 'ਚ ਉਹ ਕਾਫੀ ਬਦਲੀ ਹੋਈ ਦਿਖ ਰਹੀ ਹੈ। ਦੋਹਾਂ ਦੀ ਡੇਢ ਸਾਲ ਹੀ ਬੇਟੀ ਆਇਤ ਹੈ, ਜਿਸ ਦਾ ਮਹਿਜ਼ਬੀ ਨੇ ਕਈ ਵਾਰ 'ਬਿੱਗ ਬੌਸ' ਹਾਊਸ 'ਚ ਜ਼ਿਕਰ ਕੀਤਾ ਸੀ।
ਜਾਣਕਾਰੀ ਮੁਤਾਬਕ ਉਨ੍ਹਾਂ ਦੇ ਵਿਆਹ ਦੇ 10 ਸਾਲ ਬਾਅਦ ਆਇਤ ਨੇ ਜਨਮ ਲਿਆ ਸੀ। ਮਹਿਜ਼ਬੀ ਦੇ ਪਤੀ ਅਜੀਮ ਸ਼ੇਖ ਕਾਫੀ ਸਮਾਰਟ ਹਨ।ਇਕ ਵਾਰ ਵੀਕੈਂਡ ਦੇ ਵਾਰ 'ਚ ਮਹਿਜ਼ਬੀ ਨੇ ਕਿਹਾ ਸੀ ਕਿ ਉਨ੍ਹਾਂ ਦੇ ਪਤੀ ਬਿਲਕੁੱਲ ਮਨੂੰ ਪੰਜਾਬੀ ਵਾਂਗ ਦਿਖਦੇ ਹਨ।
ਅਜੀਮ ਪੇਸ਼ੇ ਤੋਂ ਮਾਡਲ ਹਨ ਤੇ ਇਕ ਮਿਊਜ਼ਿਕ ਵੀਡੀਓ 'ਚ ਕੰਮ ਕਰ ਚੁੱਕੇ ਹਨ। ਮਹਿਜ਼ਬੀ 'ਬਿੱਗ ਬੌਸ 11' 'ਚ ਖੁਦ ਨੂੰ ਐਨਾਕੌਂਡਾ ਦੱਸਦੀ ਸੀ। ਸ਼ੋਅ ਨਾਲ ਉਨ੍ਹਾਂ ਨੂੰ ਕਾਫੀ ਫੇਮ ਮਿਲਿਆ ਹੈ।
ਉਹ ਕਈ ਇਵੈਂਟਸ 'ਚ ਬਤੌਰ ਗੈਸਟ ਇਨਵਾਈਟੇਡ ਹੁੰਦੀ ਹੈ।ਯਕੀਨਨ ਹੀ ਮਹਿਜ਼ਬੀ ਦਾ ਇਹ ਅਵਤਾਰ ਦੱਸਦਾ ਹੈ ਕਿ ਜਿਸ ਤਰ੍ਹਾਂ ਉਹ 'ਬਿੱਗ ਬੌਸ' 'ਚ ਨਜ਼ਰ ਆਈ ਸੀ, ਉਸ ਤੋਂ ਇਹ ਬਿਲਕੁੱਲ ਵੱਖਰੀ ਪਰਸਨੈਲਿਟੀ ਹੈ।
ਉਂਝ ਇਕ ਵਾਰ ਉਨ੍ਹਾਂ ਨੇ ਕਿਹਾ ਵੀ ਸੀ ਕਿ, ''ਜਦੋਂ ਮੈਂ ਮੇਕਅੱਪ ਕਰ ਲੈਂਦੀ ਹਾਂ ਤਾਂ ਲੋਕ ਦੇਖਦੇ ਹੀ ਰਹਿ ਜਾਂਦੇ ਹਨ।