ਮੁੰਬਈ(ਬਿਊਰੋ)— ਅੱਜ ਅਸੀਂ ਤੁਹਾਨੂੰ ਇਕ ਅਜਿਹੀ ਸ਼ਖਸੀਅਤ ਦੇ ਬਾਰੇ 'ਚ ਦੱਸਾਂਗੇ, ਜੋ ਨਾਂ ਹੀ ਫਿਲਮਾਂ 'ਚ ਐਕਟਿੰਗ ਕਰਦੀ ਅਤੇ ਨਾ ਹੀ ਫਿਲਮਾਂ ਦਾ ਨਿਰਦੇਸ਼ਨ ਕਰਦੀ ਹੈ ਪਰ ਬਾਲੀਵੁੱਡ ਦੀ ਬਹੁਤ ਵੱਡੀ ਸੈਲੀਬ੍ਰਿਟੀ ਕਹਾਉਂਦੀ ਹੈ। ਇਸ ਸ਼ਖਸੀਅਤ ਦਾ ਨਾਂ ਹੈ ਵੀਨਾ ਨਾਗਦਾ। ਵੀਨਾ ਇਕ ਮਹਿੰਦੀ ਡਿਜ਼ਾਈਨਰ ਹੈ। ਸੋਨਮ ਕਪੂਰ ਦੀ ਮਹਿੰਦੀ ਦੀ ਰਸਮ ਲਈ ਵੀਨਾ ਨੂੰ ਹੀ ਹਾਇਰ ਕੀਤਾ ਗਿਆ ਸੀ।
ਵੀਨਾ ਨੂੰ ਬਾਲੀਵੁੱਡ ਦੀ ਮਹਿੰਦੀ ਕੁਈਨ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਵੀਨਾ ਦਾ ਜਨਮ ਜੈਨ ਪਰਿਵਾਰ 'ਚ ਹੋਇਆ ਸੀ। ਵੀਨਾ ਪੰਜ ਭੈਣਾਂ 'ਚੋਂ ਸਭ ਤੋਂ ਛੋਟੀ ਸੀ। ਵੀਨਾ ਦੀ ਫੈਮਿਲੀ ਬਹੁਤ ਕੰਜਰਵੇਟਿਵ ਸੀ। ਵੀਨਾ ਦੀ ਮਾਂ ਹਾਊਸ ਵਾਈਫ ਅਤੇ ਪਿਤਾ ਪੁਜਾਰੀ ਸਨ। 10ਵੀਂ ਤੋਂ ਬਾਅਦ ਵੀਨਾ ਨੂੰ ਪੜਣ ਨਹੀਂ ਦਿੱਤਾ ਗਿਆ ਪਰ ਫਿਰ ਵੀ ਵੀਨਾ ਨੇ ਹਿੰਮਤ ਨਹੀਂ ਹਾਰੀ। ਉਹ ਘਰ 'ਚ ਹੀ ਸਾੜ੍ਹੀ 'ਤੇ ਐਂਬ੍ਰਾਇਡਰੀ ਕਰਦੀ ਹੁੰਦੀ ਸੀ।
ਹੌਲੀ-ਹੌਲੀ ਉਨ੍ਹਾਂ ਨੇ ਮਹਿੰਦੀ ਡਿਜ਼ਾਈਨ ਕਰਨੀ ਸ਼ੁਰੂ ਕਰ ਦਿੱਤੀ। ਵੀਨਾ ਨੂੰ ਮਹਿੰਦੀ 'ਚ ਕਰੀਅਰ ਬਣਾਉਣ ਦਾ ਖਿਆਲ ਆਇਆ। 17 ਸਾਲ ਦੀ ਉਮਰ 'ਚ ਮੁੰਬਈ ਦੀ ਇਸ ਲੜਕੀ ਨੇ ਆਪਣੀ ਹੌਬੀ ਨੂੰ ਆਪਣੀ ਕਰੀਅਰ ਬਣਾ ਲਿਆ। ਕਾਫੀ ਮਿਹਨਤ ਤੋਂ ਬਾਅਦ ਵੀਨਾ ਨੇ ਹੌਲੀ-ਹੌਲੀ ਆਪਣੇ ਬਿਜ਼ਨੈੱਸ ਨੂੰ ਵਧਾਉਣ ਦੀ ਸੋਚੀ। ਵੀਨਾ ਨਾਗਦਾ ਨੂੰ ਵਰਲਡ 'ਚ ਸਭ ਤੋਂ ਤੇਜ਼ ਮਹਿੰਦੀ ਲਗਾਉਣ ਦਾ ਖਿਤਾਬ ਮਿਲਿਆ ਹੋਇਆ ਹੈ।
ਵੀਨਾ ਦੀ ਪਹਿਲੀ ਸੈਲੀਬ੍ਰਿਟੀ ਕਸਟਮਰ ਪੂਨਮ ਢਿੱਲੋਂ ਸੀ। ਮਹਿੰਦੀ ਡਿਜ਼ਾਈਨ 'ਚ ਵੀਨਾ ਦੀ ਕ੍ਰਿਏਟੀਵਿਟੀ ਦੇਖ ਹਰ ਕੋਈ ਹੈਰਾਨ ਰਹਿ ਜਾਂਦਾ ਸੀ। ਵੀਨਾ ਨੂੰ ਬ੍ਰਾਈਡਲ ਮਹਿੰਦੀ, ਨੇਲ ਆਰਟ, ਸ਼ੇਡੇਡ ਮਹਿੰਦੀ, ਹੀਰਾ ਮੋਤੀ, ਜਰਦੋਸ਼ੀ, ਅਰੈਬਿਕ ਅਤੇ ਬਲੈਕ ਮਹਿੰਦੀ ਲਗਾਉਣ 'ਚ ਮਹਾਰਥ ਹਾਸਿਲ ਹੈ। ਆਪਣੇ ਇਸ ਹੁਨਰ ਕਾਰਨ ਵੀਨਾ ਨੂੰ ਦੇਸ਼-ਵਿਦੇਸ਼ 'ਚ ਸੱਦਿਆ ਜਾਂਦਾ ਹੈ। ਵੀ
ਨਾ ਦੇ ਗ੍ਰਾਹਕ ਬੈਲਜ਼ੀਅਮ, ਲੰਡਨ, ਮਾਰੀਸ਼ੀਅਸ, ਪੈਰਿਸ, ਸਿੰਗਾਪੁਰ ਅਤੇ ਯੂ. ਐੱਸ. ਏ. ਵਰਗੇ ਦੇਸ਼ਾਂ 'ਚ ਬਣੇ ਹੋਏ ਹਨ। ਵੀਨਾ ਦੇ ਗ੍ਰਾਹਕਾਂ 'ਚ ਡਾਇਮੰਡ ਕਿੰਗ ਵਿਜੈਭਾਈ ਸ਼ਾਹ ਤੋਂ ਲੈ ਕੇ ਕਈ ਰਾਜਾ-ਮਹਾਰਾਜਾ ਅਤੇ ਅੰਬਾਨੀ ਪਰਿਵਾਰ ਵੀ ਸ਼ਾਮਿਲ ਹੈ। ਬਾਲੀਵੁੱਡ ਇੰਡਸਟਰੀ 'ਚ ਜੇਕਰ ਕਿਸੇ ਦਾ ਵਿਆਹ ਹੈ ਤਾਂ ਮਹਿੰਦੀ ਰਸਮ 'ਚ ਵੀਨਾ ਨਾਗਦਾ ਤੋਂ ਇਲਾਵਾ ਕਿਸੇ ਹੋਰ ਨੂੰ ਹਾਇਰ ਨਹੀਂ ਕੀਤਾ ਜਾਂਦਾ ਹੈ।
ਬਾਲੀਵੁੱਡ ਨਾਲ ਵੀਨਾ ਦਾ ਪੁਰਾਣਾ ਰਿਸ਼ਤਾ ਹੈ। ਕਈ ਬਾਲੀਵੁੱਡ ਫਿਲਮਾਂ ਜਿਵੇਂ 'ਕਭੀ ਖੁਸ਼ੀ ਕਭੀ ਗਮ', 'ਕਲ ਹੋ ਨਾ ਹੋ', 'ਮੇਰੇ ਯਾਰ ਕੀ ਸ਼ਾਦੀ ਹੈ', 'ਯੇ ਜਵਾਨੀ ਹੈ ਦੀਵਾਨੀ' ਅਤੇ 'ਪਟਿਆਲਾ ਹਾਊਸ' ਵਰਗੀਆਂ ਫਿਲਮਾਂ 'ਚ ਵੀ ਵੀਨਾ ਦਾ ਕੰਮ ਦੇਖਣ ਨੂੰ ਮਿਲਿਆ ਸੀ। ਇਨ੍ਹਾਂ ਫਿਲਮਾਂ ਨੂੰ ਹੀਰੋਇਨਾਂ ਨੂੰ ਵੀਨਾ ਨੇ ਹੀ ਮਹਿੰਦੀ ਲਗਾਈ ਸੀ। ਵੱਡੀਆਂ-ਵੱਡੀਆਂ ਅਖਬਾਰਾਂ ਅਤੇ ਨਿਊਜ਼ ਚੈਨਲਾਂ ਨੂੰ ਵੀ ਵੀਨਾ ਇੰਟਰਵਿਊ ਦੇ ਚੁੱਕੀ ਹੈ।
ਅਕਸ਼ੈ ਕੁਮਾਰ, ਅਮਿਤਾਭ ਬੱਚਨ, ਸੋਨੂੰ ਨਿਗਮ, ਜ਼ਰੀਨ ਖਾਨ, ਸ਼ਿਲਪਾ ਸ਼ੈਟੀ, ਫਰਾਹ ਖਾਨ, ਡਿੰਪਲ ਕਪਾੜੀਆ, ਜਯਾ ਪ੍ਰਦਾ, ਸ਼ਬਾਨਾ ਆਜ਼ਮੀ, ਫਰਦੀਨ ਖਾਨ, ਸ਼੍ਰੀਦੇਵੀ, ਰੇਖਾ, ਮਾਧੁਰੀ ਦੀਕਸ਼ਿਤ, ਆਸ਼ਾ ਭੋਸਲੇ, ਏਕਤਾ ਕਪੂਰ ਅਤੇ ਪੂਨਮ ਢਿੱਲੋਂ ਵਰਗੇ ਵੱਡੇ ਬਾਲੀਵੁੱਡ ਸਿਤਾਰੇ ਵੀਨਾ ਦੇ ਖਾਸ ਗ੍ਰਾਹਕ ਹਨ।
ਇਸ ਤੋਂ ਇਲਾਵਾ ਵੀਨਾ ਕਰੋੜਾਂ ਰੁਪਏ ਕਮਾਉਂਦੀ ਹੈ ਅਤੇ 50 ਹਜ਼ਾਰ ਵਿਦਿਆਰਥੀਆਂ ਨੂੰ ਵੀ ਇਹ ਆਰਟ ਸਿਖਾ ਚੁੱਕੀ ਹੈ। ਮੁੰਬਈ 'ਚ ਵੀਨਾ ਦਾ ਇਕ ਟ੍ਰੇਨਿੰਗ ਸੈਂਟਰ ਵੀ ਚੱਲਦਾ ਹੈ। ਇੰਟਰਨੈੱਟ 'ਤੇ ਵੀਨਾ ਨਾਗਦਾ ਨਾਂ ਨਾਲ ਉਨ੍ਹਾਂ ਦਾ ਇਕ ਪੇਜ਼ ਵੀ ਹੈ।