ਨਵੀਂ ਦਿੱਲੀ (ਬਿਊਰੋ) : ਬਾਲੀਵੁੱਡ ਅਦਾਕਾਰ ਕਰਿਸ਼ਮਾ ਕਪੂਰ ਨੇ ਬਤੌਰ ਮਹਿਲਾ, ਕਪੂਰ ਖਾਨਦਾਨ ਦੀ ਪਰੰਪਰਾ ਨੂੰ ਤੋੜਦਿਆਂ ਫਿਲਮ ਜਗਤ 'ਚ ਸਫਲਤਾ ਹਾਸਲ ਕੀਤੀ। ਕਪੂਰ ਖਾਨਦਾਨ 'ਚ ਕਰਿਸ਼ਮਾ ਕਪੂਰ ਨੂੰ ਪਹਿਲੀ ਸਫਲ ਮਹਿਲਾ ਕਲਾਕਾਰ ਮੰਨਿਆ ਜਾਂਦਾ ਹੈ। ਉਹ 90 ਦਸ਼ਕ 'ਚ ਸਭ ਤੋਂ ਸਫਲ ਅਦਾਕਾਰਾਂ ਚੋਂ ਇਕ ਸੀ। ਉੱਥੇ ਹੀ ਹੁਣ ਕਰਿਸ਼ਮਾ ਕਪੂਰ ਡਿਜੀਟਲ ਦੁਨੀਆ 'ਚ ਡੈਬਿਊ ਕਰਨ ਜਾ ਰਹੀ ਹੈ। ਕਰਿਸ਼ਮਾ 'ਮੇਂਟਲਹੁੱਡ' ਵੈੱਬ ਸੀਰੀਜ਼ ਜ਼ਰੀਏ ਡਿਜੀਟਲ ਦੁਨੀਆ 'ਚ ਕਦਮ ਰੱਖਣ ਨੂੰ ਤਿਆਰ ਹੈ। ਆਲਟ ਬਾਲਾਜੀ ਦੇ ਬੈਨਰ ਹੇਠ 'ਮੇਂਟਲਹੁੱਡ' ਦਾ ਨਿਰਮਾਣ ਕੀਤਾ ਜਾ ਰਿਹਾ ਹੈ।
ਦੱਸ ਦਈਏ ਕਿ 'ਮੇਂਟਲਹੁੱਡ' ਵੈੱਬ ਸੀਰੀਜ਼ 'ਚ ਕਰਿਸ਼ਮਾ ਕਪੂਰ ਮੁੱਖ ਕਿਰਦਾਰ 'ਚ ਨਜ਼ਰ ਆਵੇਗੀ। ਵੈੱਬ ਸੀਰੀਜ਼ 'ਮੇਂਟਲਹੁੱਡ' ਦਾ ਨਵਾਂ ਪੋਸਟਰ ਜਾਰੀ ਕਰ ਦਿੱਤਾ ਗਿਆ ਹੈ। ਇਸ ਨੂੰ ਕਰਿਸ਼ਮਾ ਕਪੂਰ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ 'ਤੇ ਸ਼ੇਅਰ ਕੀਤਾ ਹੈ।