ਮੁੰਬਈ— ਹਾਲੀਵੁੱਡ ਪੌਪ ਸਿੰਗਰ ਮਾਈਕਲ ਜੈਕਸਨ ਨੂੰ ਗੁਜਰੇ 8 ਸਾਲ ਹੋ ਗਏ ਹਨ। 25 ਜੂਨ ਨੂੰ ਉਨ੍ਹਾਂ ਦੀ ਮੌਤ ਹੋਈ ਸੀ। ਲਾਸ ਏਂਜਲਸ, ਕੈਲੀਫੋਰਨੀਆ 'ਚ ਦਿਲ ਦਾ ਦੌਰਾ ਪੈਣ ਨਾਲ ਉਨ੍ਹਾਂ ਦੀ ਮੌਤ ਹੋ ਗਈ ਸੀ। ਜੈਕਸਨ ਨੇ ਕਈ ਵਾਰ ਆਪਣਾ ਨਾਂ ਗਿੰਨੀਜ ਬੁੱਕ ਆਫ ਵਰਲਡ ਰਿਕਾਰਡ 'ਚ ਦਰਜ ਕਰਾਇਆ। ਉਂਝ ਤਾਂ ਉਨ੍ਹਾਂ ਦੀ ਲਾਈਫ ਕਿਸੇ ਰਹੱਸ ਤੋਂ ਘੱਟ ਨਹੀਂ ਸੀ ਪਰ ਉਨ੍ਹਾਂ ਦੀ ਜ਼ਿੰਦਗੀ 'ਚ ਇਕ ਅਜਿਹੀ ਘਟਨਾ ਘਟੀ, ਜਿਸ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੂੰ ਪਰੇਸ਼ਾਨੀ 'ਚ ਪਾ ਦਿੱਤਾ ਸੀ।
ਗੱਲ 27 ਜਨਵਰੀ, 1984 ਦੀ ਹੈ। ਜੈਕਸਨ, ਇਸ ਦਿਨ ਲਾਸ ਏਂਜਲਸ 'ਚ ਇਕ ਕੋਲਡ ਡ੍ਰਿੰਕ ਲਈ ਵਿਗਿਆਪਨ ਦੀ ਸ਼ੂਟਿੰਗ ਕਰ ਰਹੇ ਸਨ। ਇਸ ਵਿਗਿਆਪਨ 'ਚ ਕਈ ਸਪੈਸ਼ਲ ਇਫੈਕਟ ਪਾਉਣੇ ਸਨ, ਜਿਸ 'ਚੋਂ ਇਕ ਇਫੈਕਟ 'ਚ ਅਜਿਹੀ ਗੜਬੜੀ ਹੋਈ ਕਿ ਜੈਕਸਨ ਦੇ ਸਿਰ 'ਚ ਅੱਗ ਲੱਗ ਗਈ। ਉਸ ਸਮੇਂ ਉੱਥੇ ਲਗਭਗ 3000 ਲੋਕ ਸਨ, ਜੋ ਸ਼ੂਟਿੰਗ ਦੇਖ ਰਹੇ ਸਨ। ਉਨ੍ਹਾਂ ਨੇ ਜੈਕਸਨ ਦੇ ਸਿਰ 'ਚ ਲੱਗੀ ਅੱਗ ਨੂੰ ਦੇਖਿਆ।
ਅੱਗ ਵੱਧਦੀ ਜਾ ਰਹੀ ਸੀ ਅਤੇ ਜੈਕਸਨ ਆਪਣੀ ਮਸਤੀ 'ਚ ਪਰਫਾਰਮੈਂਸ ਦੇ ਰਹੇ ਸਨ। ਇਸ ਦੌਰਾਨ ਉਹ ਬਿਲਕੁੱਲ ਵੀ ਪਰੇਸ਼ਾਨ ਨਹੀਂ ਹੋਏ। ਜ਼ਿਕਰਯੋਗ ਹੈ ਕਿ ਦੇਖਣ ਵਾਲਿਆਂ ਦੀ ਮੰਨੀਏ ਤਾਂ ਉਹ ਉਸ ਸਮੇਂ ਅਜਿਹਾ ਬਿਹੇਵ ਕਰ ਰਹੇ ਸਨ, ਜਿਵੇਂ ਅੱਗ ਸਿਰ 'ਚ ਨਾ ਲੱਗੀ ਹੋਵੇ, ਬਲਕਿ ਸ਼ੋਅ ਦਾ ਇਕ ਹਿੱਸਾ ਹੋਵੇ।
ਲੋਕਾਂ ਨੇ ਕਿਸੇ ਤਰ੍ਹਾਂ ਅੱਗ ਬੁਝਾਈ ਅਤੇ ਉਨ੍ਹਾਂ ਨੂੰ ਮੈਡੀਕਲ ਸੈਂਟਰ ਪਹੁੰਚਾਇਆ ਗਿਆ। ਹਾਲਾਂਕਿ, ਜੈਕਸਨ ਨੇ ਅਦਾਲਤ ਦੇ ਬਾਹਰ ਹੀ ਇਸ ਮਾਮਲੇ ਦਾ ਨਿਪਟਾਰਾ ਕਰ ਲਿਆ ਅਤੇ ਮੁਆਵਜ਼ੇ 'ਚ ਜੋ ਰਾਸ਼ੀ ਮਿਲੀ ਉਹ ਮੈਡੀਕਲ ਸੈਂਟਰ ਨੂੰ ਦਾਨ ਕਰ ਦਿੱਤੀ, ਜਿਸ ਵਾਰਡ 'ਚ ਜੈਕਸਨ ਨੂੰ ਭਰਤੀ ਕਰਾਇਆ ਗਿਆ ਸੀ, ਉਸ ਦਾ ਨਾਂ ਮਾਈਕਲ ਜੈਕਸਨ ਬਰਨ ਸੈਂਟਰ ਰੱਖ ਦਿੱਤਾ ਗਿਆ। ਇਹ ਨਾਂ ਖੁਦ ਮੈਡੀਕਲ ਸੈਂਟਰ ਨੇ ਜੈਕਸਨ ਨੂੰ ਸਨਮਾਨ ਦਿੰਦੇ ਹੋਏ ਰੱਖਿਆ।
