ਮੁੰਬਈ (ਬਿਊਰੋ) : ਪਾਕਿਸਤਾਨ 'ਚ ਇਕ ਵਿਆਹ 'ਚ ਪਰਫਾਰਮ ਕਰਨ ਲਈ ਮੀਕਾ ਸਿੰਘ ਨੇ ਫੈਡਰੇਸ਼ਨ ਤੇ ਦੇਸ਼ ਤੋਂ ਮੁਆਫੀ ਮੰਗੀ ਹੈ ਪਰ ਉਨ੍ਹਾਂ ਨੇ ਸਿੰਗਰ ਸੋਨੂੰ ਨਿਗਮ ਤੇ ਨੇਹਾ ਕੱਕੜ 'ਤੇ ਪਾਕਿਸਤਾਨ 'ਚ ਪਰਫਾਰਮ ਕਰਨ ਦਾ ਇਲਜ਼ਾਮ ਵੀ ਲਾਇਆ ਹੈ। 21 ਅਗਸਤ ਨੂੰ ਫੈਡਰੇਸ਼ਨ ਆਫ ਵੈਸਟਰਨ ਇੰਡੀਆ ਸਿਨੇ ਇੰਪਲਾਈਜ਼ ਐਸੋਸੀਏਸ਼ਨ ਨੇ ਮੁੰਬਈ 'ਚ ਪ੍ਰੈੱਸ ਕਾਨਫਰੰਸ ਕੀਤੀ ਸੀ। ਇਸ 'ਚ ਮੀਕਾ ਨੇ ਪਾਕਿਸਤਾਨ 'ਚ ਪਰਫਾਰਮ ਕਰਨ ਨੂੰ ਲੈ ਕੇ ਮੁਆਫੀ ਮੰਗੀ। ਮੀਕਾ ਨੇ ਕਿਹਾ ਕਿ ''ਮੈਂ 3 ਅਗਸਤ ਨੂੰ ਪਾਕਿਸਤਾਨ ਗਿਆ ਸੀ, ਜਦੋਂਕਿ 5 ਅਗਸਤ ਨੂੰ ਧਾਰਾ 370 ਹਟਾਈ ਗਈ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਕਿਹਾ ਕਿ ਮੈਂ ਮੁਆਫੀ ਮੰਗਦਾ ਹਾਂ ਅਤੇ ਦੁਬਾਰਾ ਅਜਿਹਾ ਨਹੀਂ ਕਰਾਂਗਾ।''
ਮੀਕਾ ਸਿੰਘ ਨੂੰ ਰਿਪੋਰਟਸ ਨੇ ਪੁੱਛਿਆ ਕਿ ਉਹ ਪਾਕਿਸਤਾਨ ਗਏ ਹੀ ਕਿਉਂ ਤਾਂ ਮੀਕਾ ਨੇ ਕਿਹਾ ਕਿ ''ਮੈਨੂੰ ਸਰਕਾਰ ਨੇ ਵੀਜ਼ਾ ਦਿੱਤਾ, ਇਸ ਲਈ ਜਾ ਸਕੇ।'' ਮੀਕਾ ਤੋਂ ਜਦੋਂ ਸਵਾਲ-ਜਵਾਬ ਦਾ ਸਿਲਸਿਲਾ ਵਧਿਆ ਤਾਂ ਉਨ੍ਹਾਂ ਨੇ ਕਿਹਾ ਕਿ ਦੋ ਮਹੀਨੇ ਪਹਿਲਾਂ ਨੇਹਾ ਕੱਕੜ ਨੇ ਆਤਿਫ ਅਸਲਮ ਨਾਲ ਪਾਕਿ 'ਚ ਪਰਫਾਰਮ ਕੀਤਾ ਸੀ। ਉਸ ਤੋਂ ਪਹਿਲਾਂ ਸੋਨੂੰ ਨਿਗਮ ਆਤਿਫ ਨਾਲ ਪਰਫਾਰਮ ਕਰ ਚੁੱਕੇ ਹਨ, ਉਦੋਂ ਮੀਡੀਆ ਨੇ ਮਾਮਲਾ ਨਹੀਂ ਚੁੱਕਿਆ। ਮੀਕਾ ਦਾ ਕਹਿਣਾ ਹੈ ਕਿ ਇਹ ਸਭ ਉਨ੍ਹਾਂ ਦੇ ਨਾਂ 'ਤੇ ਪਬਲੀਸਿਟੀ ਲੈਣ ਦਾ ਮੁੱਦਾ ਹੈ। ਪੀਸੀ 'ਚ ਮੀਕਾ ਨੇ ਇਹ ਸਵਾਲ ਵੀ ਚੁੱਕਿਆ ਕਿ ਬਾਲੀਵੁੱਡ 'ਚ ਆਪਣੇ ਇੱਥੇ ਦੇ ਸਿੰਗਰਸ ਨੂੰ ਕੰਮ ਨਹੀਂ ਦਿੱਤਾ ਜਾਂਦਾ ਜਦਕਿ ਪਾਕਿ ਸਿੰਗਰਾਂ ਨੂੰ ਲਗਾਤਾਰ ਕੰਮ ਮਿਲ ਰਿਹਾ ਹੈ। ਜੰਮੂ-ਕਸ਼ਮੀਰ 'ਚ ਧਾਰਾ 370 ਖਤਮ ਹੋਣ ਤੋਂ ਬਾਅਦ ਪਾਕਿਸਤਾਨ ਨੇ ਬਾਲੀਵੁੱਡ ਫਿਲਮਾਂ ਨੂੰ ਬੈਨ ਕਰ ਦਿੱਤਾ ਹੈ।