ਵਾਸ਼ਿੰਗਟਨ— ਹਾਲੀਵੁੱਡ ਦੀ ਮਸ਼ਹੂਰ ਸਟਾਰ ਮਾਈਲੀ ਸਾਇਰਸ ਅਜੇ ਵਿਆਹ ਨਹੀਂ ਕਰਨਾ ਚਾਹੁੰਦੀ ਹਾਲਾਂਕਿ ਉਹ ਆਪਣੇ ਮੰਗੇਤਰ ਲਿਆਮ ਹੇਮਲਵਰਥ ਦੇ ਨਾਲ ਕਾਫੀ ਖੁੱਸ਼ ਹੈ। ਦੋਵੇਂ ਸਾਲ 2009 ਤੋਂ ਇਕੱਠੇ ਹਨ। ਹਾਲ ਹੀ 'ਚ ਜਦੋਂ ਮਾਈਲੀ ਨੂੰ ਵਿਆਹ ਬਾਲੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਕਿਹਾ ਕਿ ਉਸ ਨੇ ਵਿਆਹ ਬਾਰੇ ਅਜੇ ਕੁਝ ਨਹੀਂ ਸੋਚਿਆ।
ਇਕ ਵੈੱਬਸਾਈਟ ਨੂੰ ਦਿੱਤੇ ਇੰਟਰਵਿਊ ਦੌਰਾਨ ਮਾਈਲੀ ਨੇ ਕਿਹਾ ਕਿ ਮੈਂ ਵਿਆਹ ਕਰਨ ਤੋਂ ਪਹਿਲਾਂ ਬਹੁਤ ਕੁਝ ਕਰਨਾ ਚਾਹੁੰਦੀ ਹਾਂ। ਮੈਨੂੰ ਨਹੀਂ ਪਤਾ ਅੱਗੇ ਕੀ ਹੋਵੇਗਾ ਪਰ ਜੇਕਰ ਮੈਨੂੰ ਆਪਣੀ ਖੁਸ਼ੀ ਲਈ ਵਿਆਹ ਕਰਨਾ ਪਿਆ ਤਾਂ ਮੈਂ ਇਸ ਬਾਰੇ ਸੋਚਾਂਗੀ। ਫਿਲਹਾਲ ਤਾਂ ਮੈਨੂੰ ਨਹੀਂ ਲੱਗਦਾ ਕਿ ਮੈਂ ਅਜੇ ਵਿਆਹ ਕਰਾਂਗੀ।
ਦੱਸਣਯੋਗ ਹੈ ਕਿ ਅਜੇ ਮਾਈਲੀ ਆਪਣੇ 6ਵੇਂ ਸਟੂਡੀਓ ਐਲਬਮ ਯੰਗਰ ਨਾਓ ਨੂੰ ਲੈ ਕੇ ਬਹੁਤ ਉਤਸ਼ਾਹਿਤ ਹੈ। ਇਹ ਐਲਬਮ 29 ਸਤੰਬਰ ਨੂੰ ਰਿਲੀਜ਼ ਹੋਣ ਵਾਲੀ ਹੈ। ਉਨ੍ਹਾਂ ਦਾ ਪਹਿਲਾ ਸਟੂਡੀਓ ਐਲਬਮ ਸਾਲ 2007 'ਚ ਆਇਆ ਸੀ। ਇਸ ਦਾ ਨਾਂ ਮੀਟ ਮਾਈਲੀ ਸਾਇਰਸ ਸੀ, ਜੋ ਕਿ ਬਹੁਤ ਪਾਪੁਲਰ ਹੋਇਆ ਸੀ।