ਮੁੰਬਈ(ਬਿਊਰੋ)— ਮਿਲਿੰਦ ਸੋਮਨ ਨੇ 22 ਅਪ੍ਰੈਲ ਨੂੰ ਆਪਣੀ ਪ੍ਰੇਮਿਕਾ ਅੰਕਿਤਾ ਕੋਂਵਰ ਨਾਲ ਧੂਮ-ਧਾਮ ਨਾਲ ਵਿਆਹ ਕੀਤਾ ਸੀ। ਵਿਆਹ ਦੇ 5 ਦਿਨਾਂ ਬਾਅਦ ਫਿਟਨੈੱਸ ਫ੍ਰੀਕ ਮਿਲਿੰਗ ਪਤਨੀ ਨਾਲ ਪਹਿਲੀ ਵਾਰ ਮਾਰਨਿੰਗ ਵਾਕ 'ਤੇ ਗਏ। ਹਾਲ ਹੀ 'ਚ ਮਿਲਿੰਦ ਅਤੇ ਅੰਕਿਤਾ ਨੇ ਅੰਡਰਵਾਟਰ ਸੈਲਫੀ ਇੰਸਟਾਗਰਾਮ ਅਕਾਊਂਟ 'ਤੇ ਪੋਸਟ ਕੀਤੀ ਹੈ।
ਮਿਲਿੰਦ ਸੋਮਨ ਨੇ ਤਸਵੀਰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਲਿਖਿਆ, ''First time underwater with @earthy_5 😊😊 #Fitterin2018 #Fitwomen4fitfamilies''
ਮਿਲਿੰਦ ਸੋਮਨ ਵਾਂਗ ਉਨ੍ਹਾਂ ਦੀ ਪਤਨੀ ਵੀ ਵਰਕਆਊਟ ਅਤੇ ਫਿਟਨੈੱਸ ਦਾ ਖਾਸ ਧਿਆਨ ਰੱਖਦੀ ਹੈ।
ਉਨ੍ਹਾਂ ਦੀ ਇਹ ਅੰਡਰਵਾਟਰ ਵਾਲੀ ਤਸਵੀਰ ਪ੍ਰਸ਼ੰਸਕਾਂ ਵਿਚਕਾਰ ਕਾਫੀ ਵਾਇਰਲ ਹੋ ਰਹੀ ਹੈ।
ਮਿਲਿੰਦ ਅਤੇ ਅੰਕਿਤਾ ਦੀ ਫੇਅਰੀਟੇਲ ਵੈਡਿੰਗ ਦੇ 2 ਦਿਨ ਬਾਅਦ ਇਸ ਕੱਪਲ ਨੇ ਅਜਿਹਾ ਅਨੌਖਾ ਕੰਮ ਕੀਤਾ ਸੀ, ਜਿਸ ਦੀ ਹਰ ਕਿਸੇ ਨੇ ਤਾਰੀਫ ਕੀਤੀ।
ਅਸਲ 'ਚ ਮਿਲਿੰਦ ਸੋਮਨ ਨੇ ਇੰਸਟਾ 'ਤੇ ਇਕ ਤਸਵੀਰ ਸ਼ੇਅਰ ਕੀਤੀ, ਜਿਸ 'ਚ ਉਹ ਆਪਣੀ ਪਤਨੀ ਅੰਕਿਤਾ ਨਾਲ ਪੌਦੇ ਲਗਾਉਂਦੇ ਹੋਏ ਦਿਖੇ।
ਤਸਵੀਰ ਦੇ ਕੈਪਸ਼ਨ 'ਚ ਉਨ੍ਹਾਂ ਨੇ ਦੱਸਿਆ ਕਿ ਉਹ ਆਪਣੇ ਵਿਆਹ 'ਚ ਆਏ ਹਰ ਮਹਿਮਾਨ ਦੇ ਨਾਂ 'ਤੇ ਇਕ ਰੁੱਖ ਲਗਾਉਣਗੇ। ਉਹ 11 ਦਰੱਖਤ ਲਗਾ ਵੀ ਚੁੱਕੇ ਹਨ।
ਜ਼ਿਕਰਯੋਗ ਹੈ ਕਿ ਮਿਲਿੰਦ ਅਤੇ ਅੰਕਿਤਾ ਵਿਆਹ ਤੋਂ ਬਾਅਦ ਵੀ ਆਪਣੇ ਪਿਆਰ ਦਾ ਇਜ਼ਹਾਰ ਸੋਸ਼ਲ ਮੀਡੀਆ 'ਤੇ ਕਰਦੇ ਦਿਖਦੇ ਰਹਿੰਦੇ ਹਨ।
ਪੂਰਾ ਇੰਸਟਾਗਰਾਮ ਅਕਾਊਂਟ ਇਨ੍ਹਾਂ ਦੀਆਂ ਖੂਬਸੂਰਤ ਤਸਵੀਰਾਂ ਨਾਲ ਭਰਿਆ ਪਿਆ ਹੈ।
