ਮੁੰਬਈ(ਬਿਊਰੋ)— 'ਬਾਜੀਰਾਓ ਮਸਤਾਨੀ' ਤੇ 'ਸ਼ੈਫ' ਸਮੇਤ ਕਈ ਵੱਡੀਆਂ ਫ਼ਿਲਮਾਂ ਵਿੱਚ ਨਜ਼ਰ ਆਉਣ ਵਾਲੇ ਪ੍ਰਸਿੱਧ ਅਦਾਕਾਰ ਮਿਲਿੰਦ ਸੋਮਨ ਇਨ੍ਹੀਂ ਦਿਨੀਂ ਆਪਣੀ ਲਵ ਲਾਈਫ ਕਾਰਨ ਸੁਰਖੀਆਂ ਵਿੱਚ ਹਨ।
ਬੀਤੇ ਚਾਰ ਨਵੰਬਰ ਨੂੰ ਮਿਲਿੰਦ ਸੋਮਨ ਨੇ ਆਪਣਾ 52ਵਾਂ ਜਨਮਦਿਨ ਆਪਣੀ ਪ੍ਰੇਮਿਕਾ ਅੰਕਿਤਾ ਕੋਨਵਾਰ ਤੇ ਕੁਝ ਦੋਸਤਾਂ ਨਾਲ ਮਨਾਇਆ।
ਇਸ ਸਮਾਗਮ ਦੀਆਂ ਤਸਵੀਰਾਂ ਉਸ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਵੀ ਕੀਤੀਆਂ। ਸੋਸ਼ਲ ਮੀਡੀਆ 'ਤੇ ਇਹ ਤਸਵੀਰਾਂ ਵੇਖ ਲੋਕਾਂ ਨੇ ਉਸ ਨੂੰ ਟਰੋਲ ਕਰ ਦਿੱਤਾ।
ਇਸ ਪਿੱਛੇ ਕਾਰਨ ਇਹ ਹੋ ਸਕਦਾ ਹੈ ਕਿ ਉਸ ਦੀ ਪ੍ਰੇਮਿਕਾ ਅੰਕਿਤਾ ਮਿਲਿੰਦ ਤੋਂ 34 ਸਾਲ ਛੋਟੀ ਹੈ।
ਜਾਣਕਾਰੀ ਮੁਤਾਬਕ ਅੰਕਿਤਾ ਸਿਰਫ 18 ਸਾਲ ਦੀ ਹੈ, ਜਿਸ ਨਾਲ ਮਿਲਿੰਦ ਨੇ ਆਪਣਾ 52ਵਾਂ ਜਨਮਦਿਨ ਮਨਾਇਆ।
ਦੋਵਾਂ ਦੀ ਉਮਰ ਵਿੱਚ 34 ਸਾਲ ਦਾ ਫਰਕ ਹੈ। ਲੋਕਾਂ ਨੇ ਇਸ ਕਾਰਨ ਉਨ੍ਹਾਂ ਨੂੰ ਖ਼ੂਬ ਟਰੋਲ ਕੀਤਾ ਤੇ ਟਵੀਟ ਵੀ ਕੀਤੇ ਹਨ।
ਹੁਣ ਮਿਲਿੰਦ ਤੇ ਅੰਕਿਤਾ ਨਾਰਵੇ ਵਿੱਚ ਹਨ ਤੇ ਛੁੱਟੀਆਂ ਮਨਾ ਰਹੇ ਹਨ। ਟਰੋਲ ਕਰਨ ਵਾਲਿਆਂ ਤੋਂ ਬੇਪਰਵਾਹ ਮਿਲਿੰਦ ਸੋਮਨ ਨੇ ਅੰਕਿਤਾ ਨਾਲ ਬੀਤੇ ਦਿਨ ਮੁੜ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ।
ਜ਼ਿਕਰਯੋਗ ਹੈ ਕਿ ਦੱਸ ਦਈਏ ਕਿ ਅੰਕਿਤਾ ਕੋਨਵਾਰ ਏਅਰਹੋਸਟੈੱਸ ਹੈ। ਕੁਝ ਸਮਾਂ ਪਹਿਲਾਂ ਮਿਲਿੰਦ ਸੋਮਨ ਨੇ ਹੀ ਆਪਣੀ ਇਸ ਲਵ ਸਟੋਰੀ ਨੂੰ ਜੱਗ ਜ਼ਾਹਰ ਕੀਤਾ ਸੀ।
ਮਿਲਿੰਦ ਸੋਮਨ ਅਕਸਰ ਅੰਕਿਤਾ ਨਾਲ ਆਪਣੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਕਰਦੇ ਰਹਿੰਦੇ ਹਨ।