ਮੁੰਬਈ (ਬਿਊਰੋ)— ਅਭਿਨੇਤਾ ਮਿਲਿੰਦ ਸੋਮਨ ਵੀ ਜਲਦ ਹੀ ਵਿਆਹ ਦੇ ਬੰਧਨ 'ਚ ਬੱਝ ਸਕਦੇ ਹਨ। ਉਹ ਪਿਛਲੇ ਕਾਫੀ ਲੰਬੇ ਸਮੇਂ ਤੋਂ ਆਪਣੀ ਪ੍ਰੇਮਿਕਾ ਅੰਕਿਤਾ ਕੁੰਵਰ ਨੂੰ ਡੇਟ ਕਰ ਰਹੇ ਹਨ। ਅੰਕਿਤਾ ਏਅਰ ਹੋਸਟੇਸ ਹੈ ਅਤੇ ਉਸਦੀ ਉਮਰ ਸਿਰਫ 23 ਸਾਲ ਹੈ। ਉਹ ਮਿਲਿੰਦ ਤੋਂ 28 ਸਾਲ ਛੋਟੀ ਹੈ। ਦੱਸ ਦੇਈਏ ਮਿਲਿੰਦ ਨੇ ਹਾਲ ਹੀ 'ਚ ਅੰਕਿਤਾ ਦੇ ਘਰ ਵਾਲਿਆਂ ਨਾਲ ਗੁਹਾਟੀ 'ਚ ਮੁਲਾਕਾਤ ਕੀਤੀ। ਉਹ ਜਲਦ ਹੀ ਸਭ ਦੀ ਸਹਿਮਤੀ ਨਾਲ ਵਿਆਹ ਕਰ ਸਕਦੇ ਹਨ। ਜਾਣਕਾਰੀ ਮੁਤਾਬਕ ਅਗਲੇ ਸਾਲ ਦੀ ਸ਼ੁਰੂਆਤ 'ਚ ਮਿਲਿੰਦ ਵਿਆਹ ਕਰ ਸਕਦੇ ਹਨ। ਮਿਲਿੰਦ ਨੇ ਅੰਕਿਤਾ ਦੇ ਭਤੀਜੇ ਦੇ ਬਰਥਡੇ ਸੈਲੀਬ੍ਰੇਸ਼ਨ 'ਚ ਸ਼ਾਮਿਲ ਹੋਣ ਦੀ ਯੋਜਨਾ ਬਣਾਈ ਸੀ। ਇਸ ਦੌਰਾਨ ਉਹ ਅੰਕਿਤਾ ਦੇ ਪਰਿਵਾਰ ਵਾਲਿਆਂ ਨੂੰ ਵੀ ਮਿਲੇ।
ਸੂਤਰਾਂ ਮੁਤਾਬਕ ਮਿਲਿੰਦ ਅਤੇ ਅੰਕਿਤਾ ਦੀ ਉਮਰ 'ਚ ਦੋਗੁਣਾ ਦਾ ਅੰਤਰ ਹੈ, ਇਹ ਪਹਿਲਾਂ ਅੰਕਿਤਾ ਦੇ ਪਰਿਵਾਰ ਵਾਲਿਆਂ ਲਈ ਵੱਡਾ ਮੁੱਦਾ ਸੀ, ਪਰ ਜਦੋਂ ਤੋਂ ਉਹ ਮਿਲਿੰਦ ਨੂੰ ਮਿਲੇ ਹਨ ਤਾਂ ਉਨ੍ਹਾਂ ਇਸ ਉਮਰ ਦੇ ਅੰਤਰ ਨੂੰ ਇਕ ਪਾਸੇ ਕਰਨ ਦਾ ਫੈਸਲਾ ਲਿਆ ਹੈ। ਮਿਲਿੰਦ ਦੇ ਵਿਵਹਾਰ ਤੋਂ ਪਰਿਵਾਰ ਕਾਫੀ ਖੁਸ਼ ਹੈ। ਜਦੋਂ ਮਿਲਿੰਦ ਅਤੇ ਅੰਕਿਤਾ ਦੀ ਡੇਟਿੰਗ ਦੀ ਖਬਰ ਆਈ ਤਾਂ ਮਿਲਿੰਦ ਨੂੰ ਇਹ ਕਹਿ ਕੇ ਟਰੋਲ ਕੀਤਾ ਗਿਆ ਕਿ ਉਹ 18 ਸਾਲ ਦੀ ਲੜਕੀ ਨੂੰ ਡੇਟ ਕਰ ਰਹੇ ਹਨ ਪਰ ਅੰਕਿਤਾ ਦੀ ਉਮਰ 23-24 ਸਾਲ ਦੱਸੀ ਜਾ ਰਹੀ ਹੈ।
ਦੱਸਣਯੋਗ ਹੈ ਕਿ ਇਹ ਮਿਲਿੰਦ ਦਾ ਦੂਜਾ ਵਿਆਹ ਹੋਵੇਗਾ। ਇਸ ਤੋਂ ਪਹਿਲਾਂ ਉਹ 2006 'ਚ ਅਭਿਨੇਤਰੀ ਮਿਲਿਨ ਜੈਮਪੋਨੋਈ ਨਾਲ ਵਿਆਹ ਕਰ ਚੁੱਕੇ ਹਨ ਪਰ ਦੋਵੇਂ ਤਿੰਨ ਸਾਲ ਬਾਅਦ ਵੱਖ ਹੋ ਗਏ ਅਤੇ ਦੋਵਾਂ ਵਿਚਕਾਰ ਤਲਾਕ ਹੋ ਗਿਆ।
