ਮੁੰਬਈ(ਬਿਊਰੋ)— 52 ਸਾਲ ਦੇ ਐਕਟਰ ਮਿਲਿੰਦ ਸੋਮਨ 27 ਸਾਲ ਦੀ ਪ੍ਰੇਮਿਕਾ ਅੰਕਿਤਾ ਕੰਵਰ ਨਾਲ 21 ਅਪ੍ਰੈਲ ਨੂੰ ਵਿਆਹ ਦੇ ਬੰਧਨ 'ਚ ਬੱਝਣ ਜਾ ਰਹੇ ਹਨ। ਦੋਵੇਂ ਅਲੀਬਾਗ 'ਚ ਪਰਿਵਾਰ ਤੇ ਕਰੀਬੀ ਦੋਸਤਾਂ ਦੀ ਮੌਜ਼ੂਦਗੀ 'ਚ ਵਿਆਹ ਕਰਵਾਉਣਗੇ। ਵਿਆਹ ਦੀਆਂ ਤਿਆਰੀਆਂ ਨਾਲ ਜੁੜੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਇਨ੍ਹਾਂ ਤਸਵੀਰਾਂ ਅੰਕਿਤਾ ਨੇ ਹਥਾਂ 'ਤੇ ਮਹਿੰਦੀ ਲਾਈ ਹੋਈ ਹੈ। ਇਸ ਦੌਰਾਨ ਅੰਕਿਤਾ ਨੇ ਪੀਲੇ ਰੰਗ ਦੀ ਡਰੈੱਸ ਪਾਈ ਹੈ, ਜਿਸ 'ਚ ਉਹ ਕਾਫੀ ਖੂਬਸੂਰਤ ਨਜ਼ਰ ਆ ਰਹੀ ਹੈ। ਕੇਲੇ ਦੇ ਪੱਤਿਆਂ ਤੇ ਫੁੱਲਾਂ ਨਾਲ ਸਾਰੀ ਡੇਕੋਰੇਸ਼ਨ ਕੀਤੀ ਹੋਈ ਹੈ। ਦੱਸਣਯੋਗ ਹੈ ਕਿ ਮਿਲਿੰਦ ਦਾ ਇਹ ਦੂਜਾ ਵਿਆਹ ਹੈ। ਮਿਲਿੰਦ ਨੇ ਜੁਲਾਈ 2006 'ਚ ਫ੍ਰੇਂਚ ਅਦਾਕਾਰਾ 'Mylene Jampanoi' ਨਾਲ ਵਿਆਹ ਕਰਵਾਇਆ ਸੀ। ਹਾਲਾਂਕਿ ਤਿੰਨ ਸਾਲ ਇਕੱਠੇ ਰਹਿਣ ਤੋਂ ਬਾਅਦ ਇਹ ਕੱਪਲ 2009 'ਚ ਵੱਖ ਹੋ ਗਿਆ ਸੀ। ਮਿਲਿੰਦ ਕਰੀਬ ਡੇਢ ਸਾਲ ਤੋਂ ਅੰਕਿਤਾ ਨੂੰ ਡੇਟ ਕਰ ਰਿਹਾ ਹੈ। ਦੋਵਾਂ ਦੇ ਪਰਿਵਾਰ ਇਸ ਰਿਸ਼ਤੇ ਤੋਂ ਖੁਸ਼ ਹਨ।