ਮੁੰਬਈ (ਬਿਊਰੋ)— 52 ਸਾਲ ਦੇ ਬਾਲੀਵੁੱਡ ਅਭਿਨੇਤਾ ਮਿਲਿੰਦ ਸੋਮਣ ਇਨ੍ਹੀਂ ਦਿਨੀਂ ਆਪਣੀ 25 ਸਾਲ ਛੋਟੀ ਗਰਲਫਰੈਂਡ ਅੰਕਿਤਾ ਕੰਵਰ ਨੂੰ ਲੈ ਕੇ ਚਰਚਾ 'ਚ ਹਨ। ਅਜਿਹੀਆਂ ਖਬਰਾਂ ਆ ਰਹੀਆਂ ਸਨ ਕਿ ਅੰਕਿਤਾ ਨੇ ਮਿਲਿੰਦ ਨਾਲ ਬ੍ਰੇਕਅੱਪ ਕਰ ਲਿਆ ਹੈ ਤੇ ਇਸ ਦੀ ਵਜ੍ਹਾ ਅਚਾਨਕ ਲੱਗੀ ਲਾਟਰੀ ਦੱਸੀ ਜਾ ਰਹੀ ਸੀ ਪਰ ਅੰਕਿਤਾ ਨੇ ਇਨ੍ਹਾਂ ਖਬਰਾਂ 'ਤੇ ਆਪਣੀ ਚੁੱਪੀ ਤੋੜ ਦਿੱਤੀ ਹੈ। ਹਾਲ ਹੀ 'ਚ ਉਸ ਨੇ ਸਾਰਿਆਂ ਦੇ ਮੂੰਹ ਬੰਦ ਕਰਦਿਆਂ ਇੰਸਟਾਗ੍ਰਾਮ 'ਤੇ ਮਿਲਿੰਦ ਨਾਲ ਇਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ ਦੀ ਕੈਪਸ਼ਨ 'ਚ ਉਸ ਨੇ ਲਿਖਿਆ, 'ਤੁਹਾਡੇ ਰਿਲੇਸ਼ਨਸ਼ਿਪ ਦੀ ਸਭ ਤੋਂ ਚੰਗੀ ਚੀਜ਼ ਸਮਾਂ, ਗੱਲ, ਸਮਝ ਤੇ ਈਮਾਨਦਾਰੀ ਹੈ।' ਅੰਕਿਤਾ ਨੇ ਕਿਤੇ ਨਾ ਕਿਤੇ ਇਸ ਤਸਵੀਰ ਨਾਲ ਲਗਾਤਾਰ ਸੋਸ਼ਲ ਮੀਡੀਆ 'ਤੇ ਆ ਰਹੇ ਯੂਜ਼ਰਸ ਦੇ ਕੁਮੈਂਟਸ ਦਾ ਮੂੰਹ ਬੰਦ ਕਰ ਦਿੱਤਾ ਹੈ। ਪਹਿਲਾਂ ਇਹ ਦਾਅਵਾ ਕੀਤਾ ਗਿਆ ਸੀ ਕਿ ਇਸੇ ਹਫਤੇ 27 ਸਾਲ ਦੀ ਅੰਕਿਤਾ ਦਾ ਮਿਲਿੰਦ ਨਾਲ ਬ੍ਰੇਕਅੱਪ ਹੋ ਗਿਆ ਹੈ, ਜਿਸ ਦੀ ਵਜ੍ਹਾ ਅਚਾਨਕ ਲੱਗੀ ਉਸ ਦੀ ਲੱਖਾਂ ਦੀ ਲਾਟਰੀ ਸੀ। ਇਸ ਦੇ ਮੁਤਾਬਕ ਅੰਕਿਤਾ 26 ਹਜ਼ਾਰ ਰੁਪਏ ਮਹੀਨਾ ਤਨਖਾਹ 'ਤੇ ਫਲਾਈਟ ਅਟੈਂਡੇਂਟ ਦੀ ਨੌਕਰੀ ਕਰ ਰਹੀ ਸੀ। ਕੰਮ ਵਿਚਾਲੇ ਅੰਕਿਤਾ ਖਾਲੀ ਸਮੇਂ 'ਚ ਫੋਨ 'ਤੇ ਆਨਲਾਈਨ ਕੈਸੀਨੋ ਖੇਡਦੀ ਸੀ। ਇਸੇ ਗੇਮ ਤੋਂ ਹਾਲ ਹੀ 'ਚ ਉਸ ਦਾ 8,73,982 ਰੁਪਏ ਦਾ ਜੈਕਪਾਟ ਲੱਗਾ ਹੈ। ਜੈਕਪਾਟ ਮਿਲਣ ਤੋਂ ਬਾਅਦ ਉਸ ਨੇ ਮਿਲਿੰਦ ਨਾਲ ਸੰਪਰਕ ਕਰਨਾ ਬੰਦ ਕਰ ਦਿੱਤਾ ਸੀ। ਇਥੋਂ ਤਕ ਕਿ ਉਹ ਮਿਲਿੰਦ ਦੀਆਂ ਕਾਲਸ ਤੇ ਮੈਸਿਜ ਦਾ ਵੀ ਜਵਾਬ ਨਹੀਂ ਦੇ ਰਹੀ ਸੀ। ਹਾਲਾਂਕਿ ਹੁਣ ਅੰਕਿਤਾ ਨੇ ਸਭ ਸਾਫ ਕਰ ਦਿੱਤਾ ਹੈ ਕਿ ਅਜਿਹਾ ਕੁਝ ਨਹੀਂ ਹੈ ਤੇ ਇਹ ਖਬਰਾਂ ਸਿਰਫ ਅਫਵਾਹਾਂ ਹਨ।