ਮੁੰਬਈ (ਬਿਊਰੋ)— ਬਾਲੀਵੁੱਡ ਐਕਟਰ ਸ਼ਾਹਿਦ ਕਪੂਰ ਤੇ ਮੀਰਾ ਰਾਜਪੂਤ ਹਾਲ ਹੀ 'ਚ ਬੇਟੇ ਦੇ ਮਾਂ-ਪਿਓ ਬਣੇ ਹਨ। ਦੋਹਾਂ ਨੇ ਬੇਟੇ ਦਾ ਨਾਂ ਜ਼ੈਨ ਕਪੂਰ ਰੱਖਿਆ ਹੈ। ਇਸ ਤੋਂ ਬਾਅਦ ਸਭ ਨੂੰ ਅਜੇ ਤੱਕ ਜ਼ੈਨ ਦੀ ਪਹਿਲੀ ਝਲਕ ਦਾ ਇੰਤਜ਼ਾਰ ਹੈ।
ਬੀਤੇ ਦਿਨੀਂ ਮੀਰਾ ਰਾਜਪੂਤ ਆਪਣੇ ਬੇਟੇ ਜ਼ੈਨ ਤੇ ਧੀ ਮੀਸ਼ਾ ਨਾਲ ਮੁੰਬਈ 'ਚ ਸਪਾਟ ਹੋਈ। ਇਹ ਜ਼ੈਨ ਦੇ ਜਨਮ ਤੋਂ ਬਾਅਦ ਪਹਿਲੀ ਵਾਰ ਹੈ ਜਦੋਂ ਮੀਰਾ ਤੇ ਜ਼ੈਨ ਨੂੰ ਜਨਤਕ ਤੌਰ 'ਤੇ ਸਪਾਟ ਕੀਤਾ ਗਿਆ ਹੋਵੇ।
ਤਸਵੀਰਾਂ 'ਚ ਜ਼ੈਨ ਆਪਣੀ ਮਾਂ ਮੀਰਾ ਦੀ ਗੋਦ 'ਚ ਹੈ ਜਦਕਿ ਮੀਸ਼ਾ ਨੂੰ ਨੈਨੀ ਨੇ ਚੁੱਕਿਆ ਹੋਇਆ ਹੈ। ਇੱਥੇ ਵੀ ਜ਼ੈਨ ਦੀ ਝਲਕ ਸਾਫ ਦੇਖਣ ਨੂੰ ਨਹੀਂ ਮਿਲੀ ਸੀ।
ਸ਼ਾਹਿਦ ਨੇ ਧੀ ਮੀਸ਼ਾ ਦੀ ਪਹਿਲੀ ਝਲਕ ਵੀ ਉਸ ਦੇ ਜਨਮ ਦੇ ਕਾਫੀ ਮਹੀਨਿਆਂ ਬਾਅਦ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਸੀ। ਹੁਣ ਸਭ ਨੂੰ ਉਡੀਕ ਹੈ ਕਿ ਸ਼ਾਹਿਦ ਜਾਂ ਮੀਰਾ ਦੋਹਾਂ 'ਚੋਂ ਕੋਣ ਪਹਿਲਾਂ ਜ਼ੈਨ ਦੀ ਝਲਕ ਫੈਨਸ ਨੂੰ ਦਿਖਾਉਂਦਾ ਹੈ।