ਲੰਡਨ— ਆਸਟ੍ਰੇਲੀਆ ਮਾਡਲ ਮਿਰਾਂਡਾ ਕੇਰ ਨੇ ਦੂਜਾ ਵਿਆਹ ਕਰ ਲਿਆ ਹੈ। ਇਹ ਵਿਆਹ ਉਸ ਨੇ ਸਨੇਪਚੈਟ ਦੇ ਫਾਊਂਡਰ ਇਵਨ ਸਪਿਗਲ ਨਾਲ ਕਰਵਾਇਆ ਹੈ।
ਇਹ ਵਿਆਹ ਦੱਖਣ ਕੈਲੀਫੋਰਨੀਆ 'ਚ ਇੱਕ ਨਿੱਜੀ ਸਮਾਰੋਹ 'ਚ ਹੋਇਆ। ਇਸ 'ਚ ਕੇਵਲ ਦੋਵੇਂ ਪਰਿਵਾਰਾਂ ਦੇ ਮੈਂਬਰਸ ਅਤੇ ਕਰੀਬੀ ਦੋਸਤ ਮੌਜੂਦ ਸਨ।
ਇਵਨ ਦਾ ਇਹ ਪਹਿਲਾ ਵਿਆਹ ਹੈ ਜਦੋਂ ਕਿ ਮਿਰਾਂਡਾ ਦਾ ਦੂਜਾ। ਇਸ ਤੋਂ ਪਹਿਲਾ ਮਿਰਾਂਡਾ ਨੇ ਸਾਲ 2010 'ਚ ਆਰਲੈਂਡੋ ਬਲੂਮ ਨਾਲ ਵਿਆਹ ਕਰਵਾਇਆ ਸੀ। ਦੋਵਾਂ ਦਾ 6 ਸਾਲ ਦਾ ਬੇਟਾ ਫਲਿਨ ਹੈ।
ਦੱਸਣਯੋਗ ਹੈ ਕਿ ਮਿਰਾਂਡਾ ਅਤੇ ਇਵਨ ਦੀ ਲਵ ਸਟੋਰੀ ਸਾਲ 2014 'ਚ ਸ਼ੁਰੂ ਹੋਈ ਸੀ। ਦੋਵਾਂ ਦੀ ਮੁਲਾਕਾਤ ਇੱਕ ਕਾਮਨ ਫ੍ਰੈਂਡ ਦੇ ਜਰੀਏ ਹੋਈ ਸੀ। ਸਾਲ 2016 'ਚ ਦੋਵਾਂ ਨੇ ਮੰਗਣੀ ਕੀਤੀ ਸੀ, ਜਿਸ ਦਾ ਖੁਲਾਸਾ ਉਸ ਨੇ ਸਨੇਪਚੈਟ ਦੇ ਜਰੀਏ ਕੀਤਾ ਸੀ।
ਮੰਗਣੀ ਤੋਂ ਬਾਅਦ ਦੋਵਾਂ ਨੇ ਮਿਲ ਕੇ ਲਾਂਸ ਏਂਜਿਲਸ 'ਚ ਤਕਰੀਬਨ 77.5 ਕਰੋੜ ਰੁਪਏ ਦਾ ਘਰ ਖਰੀਦਿਆਂ ਸੀ, ਜੋ ਕਰੀਬ 7100 ਵਰਗ ਫੀਟ 'ਚ ਫੈਲਿਆ ਹੋਇਆ ਹੈ। ਵਿਆਹ ਤੋਂ ਬਾਅਦ ਦੋਵਾਂ ਇਥੇ ਹੀ ਰਹਿਣਗੇ।