ਮੁਬੰਈ (ਬਿਊਰੋ) : ਐਮਾਜ਼ਾਨ ਪ੍ਰਾਈਮ ਵੀਡੀਓ ਵੈੱਬ ਸੀਰੀਜ਼ 'ਮਿਰਜ਼ਾਪੁਰ' ਦਾ ਦੂਜਾ ਸੀਜ਼ਨ ਜਲਦ ਰਿਲੀਜ਼ ਕਰਨ ਵਾਲਾ ਹੈ। ਸਟ੍ਰੀਮਿੰਗ ਸੇਵਾਵਾਂ ਭਾਰਤੀ ਦਰਸ਼ਕਾਂ ਨੂੰ ਬਹੁਤ ਜ਼ਿਆਦਾ ਖਿੱਚ ਪਾ ਰਹੀਆਂ ਹਨ। ਮਿਰਜ਼ਾਪੁਰ ਦਾ ਪਹਿਲਾ ਸੀਜ਼ਨ ਨਵੰਬਰ 2018 ਵਿਚ ਰਿਲੀਜ਼ ਕੀਤਾ ਗਿਆ ਸੀ ਤੇ ਇਹ ਦਿਨਾਂ ਵਿਚ ਹੀ ਹਿੱਟ ਹੋ ਗਿਆ ਸੀ। ਮਿਰਜ਼ਾਪੁਰ ਦਾ ਪਹਿਲਾ ਸੀਜ਼ਨ ਪੂਰਾ ਦੇਖਣ ਤੋਂ ਬਾਅਦ ਪ੍ਰਸ਼ੰਸਕ ਹੈਰਾਨ ਸਨ ਕਿ ਇਸ ਦਾ ਅਗਲਾ ਕੋਈ ਹੋਰ ਸੀਜ਼ਨ ਆਵੇਗਾ ਜਾਂ ਨਹੀਂ? ਇਸ ਲਈ, ਅਸੀਂ ਤੁਹਾਨੂੰ ਇੱਥੇ ਅਗਲੇ ਸੀਜ਼ਨ ਬਾਰੇ ਸਾਰੀ ਜਾਣਕਾਰੀ ਦਿੰਦੇ ਹਾਂ।
ਦੱਸ ਦਈਏ ਕਿ ਦੂਜੇ ਸੀਜ਼ਨ ਦੀ ਤਰੀਕ ਦਾ ਤਾਂ ਹਾਲੇ ਐਲਾਨ ਨਹੀਂ ਹੋਇਆ ਪਰ ਇਹ ਉਮੀਦ ਕੀਤੀ ਜਾ ਰਹੀ ਹੈ ਕਿ ਨੰਵਬਰ ਜਾਂ ਦਸੰਬਰ ਦੇ ਨੇੜੇ ਇਹ ਸੀਜ਼ਨ ਰਿਲੀਜ਼ ਹੋ ਜਾਵੇਗਾ। ਇਸ ਨਾਲ ਸਬੰਧਤ ਐਮਾਜ਼ਾਨ ਪ੍ਰਾਈਮ ਨੇ ਇਕ ਛੋਟਾ ਟੀਜ਼ਰ ਵੀ ਲਾਂਚ ਕੀਤਾ ਹੈ, ਜੋ ਦੂਜੇ ਸੀਜ਼ਨ ਦੀ ਪੁਸ਼ਟੀ ਕਰਦਾ ਹੈ।