ਮੁੰਬਈ(ਬਿਊਰੋ)— ਮੰਗਲਵਾਰ ਦੀ ਰਾਤ ਭਾਰਤ ਨੂੰ ਨਵੀ 'ਮਿਸ ਇੰਡੀਆ' ਮਿਲ ਗਈ। 55ਵੇਂ ਫੈਮਿਨਾ ਮਿਸ ਇੰਡੀਆ 2018 ਦਾ ਖਿਤਾਬ ਤਾਮਿਲਨਾਡੂ ਦੀ 19 ਸਾਲਾ ਦੀ ਅਨੁਕ੍ਰਿਤੀ ਵਾਸ ਨੇ ਆਪਣੇ ਨਾਂ ਕੀਤਾ। ਅਨੁਕ੍ਰਿਤੀ ਵਾਸ ਨੂੰ 'ਮਿਸ ਵਰਲਡ' ਮਾਨੁਸ਼ੀ ਛਿੱਲਰ ਨੇ 'ਮਿਸ ਇੰਡੀਆ 2018' ਦਾ ਤਾਜ ਪਹਿਨਾਇਆ।ਕਾਲਜ ਵਿਦਿਆਰਥਣ ਅਨੁਕ੍ਰਿਤੀ ਵਾਸ ਨੇ 29 ਮੁਕਾਬਲੇਬਾਜਾਂ ਨੂੰ ਹਰਾ ਕੇ ਮਿਸ ਇੰਡੀਆ ਦਾ ਤਾਜ਼ ਆਪਣੇ ਨਾਂ ਕੀਤਾ। ਇਸ ਦੌਰਾਨ ਕਈ ਬਾਲੀਵੁੱਡ ਸਟਾਰਜ਼ ਨੇ ਆਪਣੇ ਹੁਸਨ ਦੇ ਜਲਵੇ ਬਿਖੇਰੇ।ਸਮਾਗਮ ਦੌਰਾਨ ਕਰਨ ਜੌਹਰ, ਆਯੂਸ਼ਮਾਨ ਖੁਰਾਨਾ, ਬੌਬੀ ਦਿਓਲ, ਮਲਾਇਕਾ ਅਰੋੜਾ, ਫੈਸ਼ਨ ਡਿਜ਼ਾਈਨਰ ਗੌਰਵ ਗੁਪਤਾਰ, ਕ੍ਰਿਕਟਰ ਇਰਫਾਨ ਪਠਾਨ, ਲੋਕੇਸ਼ ਰਾਹੁਲ, 'ਮਿਸ ਵਰਲਡ' ਮਾਨੁਸ਼ੀ ਛਿੱਲਰ ਸਮੇਤ ਕਈ ਸਿਤਾਰੇ ਨਜ਼ਰ ਆਏ।ਇਸ ਦੌਰਾਨ ਜੈਕਲੀਨ ਫਰਨਾਂਡੀਜ਼, ਮਾਧੁਰੀ ਦੀਕਸ਼ਿਤ, ਕਰੀਨਾ ਕਪੂਰ ਵਰਗੀਆਂ ਹਸੀਨਾਵਾਂ ਨੇ ਧਮਾਕੇਦਾਰ ਪਰਫਾਰਮੈਂਸ ਦਿੱਤੀਆਂ।