ਮੁੰਬਈ(ਬਿਊਰੋ)— ਰਾਣੀ ਮੁਖਰਜੀ ਆਪਣੀ ਆਉਣ ਵਾਲੀ ਫਿਲਮ 'ਹਿੱਚਕੀ' ਨੂੰ ਬਹੁਤ ਪ੍ਰਮੋਟ ਕਰ ਰਹੀ ਹੈ। ਇਸ 'ਚ ਉਹ 'ਡਾਂਸ ਇੰਡੀਆ ਡਾਂਸ' ਦੇ ਸੈੱਟ 'ਤੇ ਪਹੁੰਚੀ। ਸ਼ੋਅ ਦੌਰਾਨ ਰਾਣੀ ਨੇ ਮਿਥੂਨ ਦਾ ਕੋਲੋ ਇਕ ਅਜਿਹਾ ਸਵਾਲ ਪੁੱਛ ਲਿਆ ਜਿਸ ਨੂੰ ਸੁਣ ਕੇ ਮਸ਼ਹੂਰ ਐਕਟਰ ਦੀਆਂ ਅੱਖਾਂ ਭਰ ਆਈਆਂ।
ਦਰਅਸਲ, ਰਾਣੀ ਨੇ ਮਿਥੁਨ ਚੱਕਰਵਰਤੀ ਕੋਲੋ ਪੁੱਛਿਆ ਕਿ ਅਖੀਰ ਅਜਿਹੀ ਕਿਹੜੀ ਹਿੱਚਕੀ ਹੈ ਜਿਸ ਨੂੰ ਕਾਬੂ 'ਚ ਕਰਨ ਤੋਂ ਬਾਅਦ ਤੁਸੀਂ ਇਨ੍ਹੇ ਵੱਡੇ ਸਟਾਰ ਬਣੇ? ਇਸ ਸਵਾਲ ਨੂੰ ਸੁਣਦੇ ਹੀ ਮਿਥੁਨ ਭਾਵੁਕ ਹੋ ਗਏ। ਗੱਲਾਂ- ਗੱਲਾਂ 'ਚ ਉਨ੍ਹਾਂ ਨੇ ਰਾਣੀ ਸਾਹਮਣੇ ਆਪਣੇ ਦਿਲ ਦਾ ਅਜਿਹਾ ਦਰਦ ਬਿਆਨ ਕਰ ਦਿੱਤਾ ਜਿਸ ਨੂੰ ਸੁਣ ਕੇ ਉੱਥੇ ਮੌਜੂਦ ਸਾਰੇ ਲੋਕ ਹੈਰਾਨ ਰਹਿ ਗਏ।
ਮਿਥੁਨ ਦਾ ਨੇ ਕਿਹਾ,''ਜਦੋਂ ਮੈਂ ਆਇਆ ਸੀ ਤਾਂ ਲੋਕ ਮੇਰੇ ਰੰਗ ਨੂੰ ਲੈ ਕੇ ਕੁਮੈਂਟ ਕਰਦੇ ਸਨ। ਮੈਂ ਗੱਡੀ ਦੇ ਸ਼ੀਸ਼ੇ 'ਚ ਦੇਖ ਕੇ ਬਹੁਤ ਰੋਂਦਾ ਸੀ। ਉਸ ਵੇਲੇ ਮੈਂ ਸੋਚਿਆ ਕਿ ਮੈਂ ਅਜਿਹਾ ਡਾਂਸ ਕਰਾਂ ਕਿ ਲੋਕ ਮੇਰੇ ਰੰਗ ਨੂੰ ਨਹੀਂ ਸਗੋਂ ਪੈਰਾਂ ਨੂੰ ਦੇਖਣ ਅਤੇ ਮੈਂ ਅਜਿਹਾ ਕਰ ਦਿਖਾਇਆ।
ਮਿਥੁਨ ਦਾ ਇਹ ਜਵਾਬ ਸੁਣ ਦੇ ਹੀ ਕੁਝ ਦੇਰ ਤੱਕ ਤਾਂ ਲੋਕ ਚੁਪ ਰਹੇ ਪਰ ਬਾਅਦ ਵਿਚ ਉੱਥੇ ਮੌਜੂਦ ਲੋਕਾਂ ਨੇ ਮਿਥੁਨ ਦੇ ਇਸ ਜਜ਼ਬੇ ਦਾ ਤਾੜੀਆਂ ਨਾਲ ਸਵਾਗਤ ਕੀਤਾ। ਤੁਹਾਨੂੰ ਦੱਸ ਦਈਏ ਕਿ ਮਿਥੁਨ ਹੀ ਅਜਿਹੇ ਪਹਿਲਾਂ ਐਕਟਰ ਹਨ ਜੋ ਬਾਲੀਵੁੱਡ 'ਚ ਡਿਸਕੋ ਡਾਂਸ ਲੈ ਕੇ ਆਏ ਸਨ। ਇੱਥੋ ਤੱਕ ਕਿ ਉਹ ਡਿਸਕੋ ਡਾਂਸਰ ਦੇ ਰੂਪ 'ਚ ਵੀ ਜਾਣੇ ਜਾਂਦੇ ਹਨ।
ਇਸ ਤੋਂ ਪਹਿਲਾਂ ਰਾਣੀ ਆਪਣੀ ਫਿਲਮ ਦੇ ਪ੍ਰਮੋਸ਼ਨ ਲਈ ਸੌਰਭ ਗਾਂਗੂਲੀ ਦੇ ਬੰਗਾਲੀ ਟੀ.ਵੀ. ਸ਼ੋਅ 'ਚ ਪੁੱਝੀ ਸੀ। ਇਹ ਫਿਲਮ 23 ਮਾਰਚ ਨੂੰ ਬਾਕਸ ਆਫਿਸ 'ਤੇ ਰਿਲੀਜ਼ ਹੋਵੇਗੀ। ਇਸ ਫਿਲਮ 'ਚ ਰਾਣੀ ਨੈਨਾ ਮਾਥੂਰ ਨਾਮ ਦੀ ਟੀਚਰ ਦਾ ਕਿਰਦਾਰ ਨਿਭਾ ਰਹੀ ਹੈ।
