ਮੁੰਬਈ(ਬਿਊਰੋ)— ਟੀ.ਵੀ. ਸ਼ੋਅ 'ਯੇ ਰਿਸ਼ਤਾ ਕਿਆ ਕਹਿਲਾਤਾ ਹੈ' ਫੇਮ ਮੋਹਿਨਾ ਕੁਮਾਰੀ ਜਲਦ ਹੀ ਵਿਆਹ ਦੇ ਬੰਧਨ 'ਚ ਬੱਝਣ ਵਾਲੀ ਹੈ। ਗੋਆ 'ਚ ਸ਼ੁੱਕਰਵਾਰ ਨੂੰ ਉਨ੍ਹਾਂ ਨੇ ਸੂਯਸ਼ ਰਾਵਤ ਨਾਲ ਮੰਗਣੀ ਕਰ ਲਈ। ਉਨ੍ਹਾਂ ਦੀਆਂ ਮੰਗਣੀ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਦੱਸ ਦੇਈਏ ਕਿ ਮੋਹਿਨਾ 'ਯੇ ਰਿਸ਼ਤਾ ਕਿਆ ਕਹਿਲਾਤਾ ਹੈ' 'ਚ ਕੀਰਤੀ ਦਾ ਕਿਰਦਾਰ ਨਿਭਾ ਰਹੀ ਹੈ। ਉਹ ਨਾਇਰਾ ਦੀ ਭਰਜਾਈ ਅਤੇ ਕਾਰਤਿਕ ਦੀ ਭੈਣ ਦੇ ਰੋਲ 'ਚ ਹੈ। ਸ਼ੋਅ 'ਚ ਉਹ ਹਾਲ ਹੀ 'ਚ ਕੋਮਾ ਤੋਂ ਬਾਹਰ ਆਈ ਹੈ। ਉਨ੍ਹਾਂ ਦੀ ਐਕਟਿੰਗ ਨੂੰ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ।
ਆਪਣੀ ਮੰਗਣੀ 'ਚ ਮੋਹਿਨਾ ਬੇਹੱਦ ਹੀ ਖੂਬਸੂਰਤ ਦਿਸੀ। ਉਨ੍ਹਾਂ ਨੇ ਆਫ ਵਾਈਟ ਕਲਰ ਦਾ ਲਹਿੰਗਾ ਪਾਇਆ ਹੋਇਆ ਸੀ। ਹੈਵੀ ਜਿਊਲਰੀ ਉਨ੍ਹਾਂ ਦੇ ਲੁੱਕ ਨੂੰ ਕੰਪਲੀਟ ਕਰ ਰਹੀ ਸੀ। ਉੱਥੇ ਹੀ ਸੂਜਸ਼ ਵੀ ਕਲਰ ਕਾਰਡੀਨੇਟੇਡ ਆਊਟਫਿੱਟ 'ਚ ਦਿਖਾਈ ਦਿੱਤੇ।
ਯਸ਼ ਨੇ ਗੋਡਿਆਂ ਭਾਰ ਬੈਠ ਕੇ ਮੋਹਿਨਾ ਨੂੰ ਰਿੰਗ ਪਹਿਨਾਈ। ਉਨ੍ਹਾਂ ਦੀ ਮੰਗਣੀ 'ਚ ਪਰਿਵਾਰ ਵਾਲੇ ਅਤੇ ਕਰੀਬੀ ਰਿਸ਼ਤੇਦਾਰ ਸ਼ਾਮਿਲ ਹੋਏ। ਮੰਗਣੀ 'ਚ ਸ਼ੋਅ 'ਯੇ ਰਿਸ਼ਤਾ...' ਦੇ ਨੂੰ ਸਟਾਰ ਰਿਸ਼ੀ ਦੇਵ ਅਤੇ ਮੋਹਸਿਨ ਖਾਨ ਅਤੇ ਸ਼ਿਵਾਂਗੀ ਜੋਸ਼ੀ ਨੇ ਵੀ ਸ਼ਿਰਕਤ ਕੀਤੀ।
ਦੱਸ ਦੇਈਏ ਕਿ ਮੋਹਿਨਾ ਟੀ.ਵੀ. ਦੀ ਦੁਨੀਆ ਦਾ ਜਾਣਿਆ ਪਛਾਣਿਆ ਚਿਹਰਾ ਹੈ। ਉਹ ਸਭ ਤੋਂ ਪਹਿਲਾਂ 'ਡਾਂਸ ਇੰਡੀਆ ਡਾਂਸ-3' 'ਚ ਨਜ਼ਰ ਆਈ ਸੀ। ਉਹ ਇਕ ਵਧੀਆ ਡਾਂਸਰ ਅਤੇ ਕੋਰੀਓਗਰਾਫਰ ਹੈ।