ਮੁੰਬਈ (ਬਿਊਰੋ)— ਟੀ.ਵੀ. ਅਦਾਕਾਰਾ ਮੌਨੀ ਰਾਏ ਇਨੀਂ ਦਿਨੀਂ ਆਪਣੀ ਸਲਿਮ ਫਿਗਰ ਨੂੰ ਲੈ ਚਰਚਾ 'ਚ ਹੈ। ਮੌਨੀ ਆਏ ਦਿਨ ਇੰਸਟਾਗ੍ਰਾਮ 'ਤੇ ਆਪਣੀਆਂ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ। ਮੌਨੀ ਦਾ ਨਵਾਂ ਸਲਿਮ ਅੰਦਾਜ਼ ਉਨ੍ਹਾਂ ਦੇ ਫੈਨਜ਼ ਨੂੰ ਬਿਲਕੁੱਲ ਵੀ ਪਸੰਦ ਨਹੀਂ ਆ ਰਿਹਾ। ਦਰਅਸਲ, ਇੰਸਟਾਗ੍ਰਾਮ 'ਤੇ ਮੌਨੀ ਨੇ ਲਹਿੰਗਾ ਪਹਿਨ ਕੇ ਇਕ ਤਸਵੀਰ ਸ਼ੇਅਰ ਕੀਤੀ ਸੀ। ਲਹਿੰਗੇ 'ਚ ਉਨ੍ਹਾਂ ਦੀ ਕਮਰ ਕਾਫੀ ਸਲਿਮ ਲੱਗ ਰਹੀ ਸੀ। ਇਸ ਦੇ ਨਾਲ ਹੀ ਮੌਨੀ ਨੇ ਬੋਲਡ ਮੇਕਅੱਪ ਵੀ ਕੀਤਾ ਹੋਇਆ ਸੀ। ਲੋਕਾਂ ਨੇ ਮੌਨੀ ਦੀ ਇਸ ਤਸਵੀਰ ਨੂੰ ਟਰੋਲ ਕਰਨਾ ਸ਼ੁਰੂ ਕਰ ਦਿੱਤਾ। ਕਿਸੇ ਨੇ ਮੌਨੀ ਨੂੰ ਬੀਮਾਰ ਕਿਹਾ ਅਤੇ ਕਿਸੇ ਨੇ ਦੁੱਧ ਪੀਣ ਦੀ ਸਲਾਹ ਦਿੱਤੀ। ਇਕ ਯੂਜ਼ਰ ਨੇ ਕਿਹਾ ਇੰਨ੍ਹੀ ਡਾਈਟਿੰਗ ਵੀ ਚੰਗੀ ਨਹੀਂ ਮੌਨੀ। ਉੱਥੇ ਹੀ ਇਕ ਹੋਰ ਯੂਜ਼ਰ ਨੇ ਕਿਹਾ ਕੁਝ ਖਾਇਆ ਕਰੋ ਯਾਰ। ਦੱਸ ਦੇਈਏ ਕਿ ਮੌਨੀ ਜਲਦ ਹੀ ਅਕਸ਼ੈ ਕੁਮਾਰ ਨਾਲ 'ਗੋਲਡ' ਫਿਲਮ 'ਚ ਨਜ਼ਰ ਆਉਣ ਵਾਲੀ ਹੈ।