ਮੁੰਬਈ (ਬਿਊਰੋ)— ਬਾਲੀਵੁੱਡ ਦੀ ਸੁਪਰਸਟਾਰ ਅਭਿਨੇਤਰੀ ਅਦਾਕਾਰਾ ਸ਼੍ਰੀਦੇਵੀ ਦੇ ਫਰਵਰੀ 'ਚ ਦਿਹਾਂਤ ਨਾਲ ਪੂਰੀ ਬਾਲੀਵੁੱਡ ਇੰਡਸਟਰੀ ਹੁਣ ਵੀ ਸ਼ੋਕ 'ਚ ਹੈ। ਬੀਤੀ ਸੋਮਵਾਰ ਨੂੰ ਉਨ੍ਹਾਂ ਦਾ ਧੂੰਮਧਾਮ ਨਾਲ ਬਰਥਡੇਅ ਸੈਲੀਬ੍ਰੇਟ ਕੀਤਾ ਗਿਆ ਸੀ। ਪਿੱਛਲੇ ਸਾਲ ਪਰਿਵਾਰ ਅਤੇ ਕੁਝ ਕਰੀਬੀ ਦੋਸਤਾਂ ਨਾਲ ਮਿਲ ਕੇ ਸ਼੍ਰੀਦੇਵੀ ਲਈ ਸਰਪ੍ਰਾਈਜ਼ ਪਾਰਟੀ ਦਾ ਪਲਾਨ ਕੀਤਾ ਸੀ। ਸ਼੍ਰੀਦੇਵੀ ਨੂੰ ਯਾਦ ਕਰਦੇ ਹੋਏ ਦਿੱਲੀ 'ਚ 55 ਵੀਂ ਬਰਥ ਐਨੀਵਰਸਰੀ ਰੱਖੀ ਗਈ ਸੀ। ਇਸ ਦੌਰਾਨ ਸ਼੍ਰੀਦੇਵੀ ਦੇ ਪਤੀ ਬੋਨੀ ਕਪੂਰ, ਉਨ੍ਹਾਂ ਦੀਆਂ ਬੇਟੀਆਂ ਜਾਨਹਵੀ, ਖੁਸ਼ੀ ਤੋਂ ਇਲਾਵਾ ਕਪੂਰ ਪਰਿਵਾਰ ਦੇ ਕਰੀਬੀ ਦੋਸਤ ਵੀ ਨਜ਼ਰ ਆਏ। ਇਸ ਮੌਕੇ 'ਤੇ ਭਾਰਤ ਸਰਕਾਰ ਨੇ ਉਨ੍ਹਾਂ ਦੇ ਸਨਮਾਨ 'ਚ ਦਿੱਲੀ 'ਚ ਪ੍ਰੋਗਰਾਮ ਆਯੋਜਿਤ ਕੀਤਾ। ਇਸ 'ਚ ਫਿਲਮ 'ਮਿਸਟਰ ਇੰਡੀਆ' ਦੀ ਸਪੈਸ਼ਲ ਸਕ੍ਰੀਨਿੰਗ ਰੱਖੀ ਗਈ ਸੀ। ਸ਼੍ਰੀਦੇਵੀ ਦੀ 55 ਵੀਂ ਬਰਥ ਐਨੀਵਰਸਰੀ 'ਤੇ ਬੋਨੀ ਕਪੂਰ ਆਪਣੇ ਅੱਥਰੂ ਰੋਕ ਨਾ ਸਕੇ। ਬੋਨੀ ਕਪੂਰ ਨੇ ਕਿਹਾ,''ਉਹ ਸ਼੍ਰੀਦੇਵੀ ਨੂੰ ਬਹੁਤ ਮਿਸ ਕਰਦੇ ਹਨ। ਹੁਣ ਉਨ੍ਹਾਂ ਦੀਆਂ ਯਾਦਾਂ ਹੀ ਮੇਰੀ ਲਾਈਫਲਾਈਨ ਹਨ।'' ਦੱਸ ਦੇਈਏ ਕਿ ਆਪਣੀ ਮਾਂ ਨੂੰ ਯਾਦ ਕਰਦੇ ਹੋਏ ਜਾਨਹਵੀ ਕਪੂਰ ਨੇ ਸ਼੍ਰੀਦੇਵੀ ਦੇ 55 ਵੇਂ ਜਨਮਦਿਨ 'ਤੇ ਇਕ ਪੁਰਾਣੀ ਤਸਵੀਰ ਸ਼ੇਅਰ ਕੀਤੀ ਸੀ। ਇਹ ਤਸਵੀਰ ਜਾਨਹਵੀ ਦੇ ਬਚਪਨ ਦੀ ਸੀ, ਜਿਸ 'ਚ ਸ਼੍ਰੀਦੇਵੀ, ਬੋਨੀ ਕਪੂਰ ਅਤੇ ਜਾਨਹਵੀ ਸੀ। ਇਸ ਦੌਰਾਨ ਜਯਾ ਪ੍ਰਦਾ ਵੀ ਨਜ਼ਰ ਆਈ। ਜਯਾ ਪ੍ਰਦਾ ਨੇ ਕਈ ਫਿਲਮਾਂ 'ਚ ਸ਼੍ਰੀਦੇਵੀ ਨਾਲ ਕੰਮ ਕੀਤਾ ਹੈ।