ਮੁੰਬਈ (ਬਿਊਰੋ)— 60 ਦੇ ਦਹਾਕੇ 'ਚ ਬਾਲੀਵੁੱਡ 'ਤੇ ਰਾਜ ਕਰਨ ਵਾਲੀ ਦਿੱਗਜ ਅਦਾਕਾਰਾ ਮੁਮਤਾਜ਼ ਦਾ ਅੱਜ ਜਨਮਦਿਨ ਹੈ। 31 ਜੁਲਾਈ 1947 ਨੂੰ ਜਨਮੀ ਮੁਮਤਾਜ਼ ਦੀ ਮਾਂ ਨਾਜ਼ ਅਤੇ ਚਾਚੀ ਨੀਲੋਫਰ ਪਹਿਲਾਂ ਤੋਂ ਹੀ ਅਭਿਨੈ ਦੀ ਦੁਨੀਆ ਨਾਲ ਸੰਬੰਧ ਰੱਖਦੀਆਂ ਸਨ ਪਰ ਉਹ ਸਿਰਫ ਜੂਨੀਅਰ ਆਰਟਿਸਟ ਦੇ ਤੌਰ 'ਤੇ ਹੀ ਕੰਮ ਕਰਦੀਆਂ ਸਨ। 1960 ਦੇ ਦੌਰ 'ਚ ਮੁਮਤਾਜ਼ ਨੇ ਕਈ ਫਿਲਮਾਂ 'ਚ ਸਹਿ-ਅਭਿਨੇਤਰੀ ਦੇ ਕਿਰਦਾਰ ਨਿਭਾਏ।
ਕੁਝ ਹੀ ਸਾਲਾਂ 'ਚ ਉਨ੍ਹਾਂ ਨੂੰ ਸ਼ੋਹਰਤ ਹਾਸਲ ਹੋਣ ਲੱਗ ਪਈ ਅਤੇ ਉਹ ਲੋਕਾਂ ਦੀ ਧੜਕਨ ਬਣ ਗਈ। 1973 'ਚ ਮੁਮਤਾਜ਼ ਨਾਲ ਅਮਿਤਾਭ ਬੱਚਨ ਨੇ ਫਿਲਮ 'ਬੰਧੇ ਹਾਥ' 'ਚ ਇਕੱਠੇ ਕੰਮ ਕੀਤਾ ਸੀ। ਉਸ ਦੌਰ 'ਚ ਮੁਮਤਾਜ਼ ਨੂੰ ਬਾਲੀਵੁੱਡ ਦੀਆਂ ਟਾਪ ਅਭਿਨੇਤਰੀਆਂ 'ਚ ਸ਼ਾਮਲ ਕੀਤਾ ਜਾਂਦਾ ਸੀ, ਉੱਥੇ ਅਮਿਤਾਭ ਇੰਡਸਟਰੀ 'ਚ ਖਾਸ ਮੁਕਾਮ ਹਾਸਲ ਕਰਨ ਲਈ ਸੰਘਰਸ਼ ਕਰ ਰਹੇ ਸਨ।
ਹਾਲਾਂਕਿ ਫਿਲਮ ਦੀ ਸ਼ੂਟਿੰਗ ਦੌਰਾਨ ਮੁਮਤਾਜ਼ ਨੇ ਅਮਿਤਾਭ ਨੂੰ ਕਦੇ ਇਹ ਅਹਿਸਾਸ ਨਹੀਂ ਹੋਣ ਦਿੱਤਾ ਕਿ ਉਹ ਕਿਸੇ ਵੱਡੀ ਅਦਾਕਾਰਾ ਨਾਲ ਕੰਮ ਕਰ ਰਹੇ ਹਨ। ਉਸ ਦੌਰ 'ਚ ਮੁਮਤਾਜ਼ ਇਕ ਸ਼ਾਨਦਾਰ ਗੱਡੀ ਮਰਸਡੀਜ਼ ਦੀ ਮਾਲਕਨ ਸੀ। ਉਨ੍ਹਾਂ ਦੀ ਕਾਰ ਸੈੱਟ 'ਤੇ ਸਭ ਤੋਂ ਮਹਿੰਗੀਆਂ ਕਾਰਾਂ 'ਚ ਸ਼ਾਮਲ ਹੁੰਦੀ ਸੀ ਅਤੇ ਅਮਿਤਾਭ ਉਸ ਦੌਰ 'ਚ ਇਕ ਸਾਧਾਰਨ ਜਿਹੀ ਕਾਰ ਰਾਹੀਂ ਆਉਂਦੇ ਸਨ।
ਜ਼ਾਹਰ ਹੈ, ਸੈੱਟ 'ਤੇ ਮੌਜੂਦ ਕਈ ਲੋਕ ਇਸ ਕਾਰ ਤੋਂ ਬੇਹੱਦ ਪ੍ਰਭਾਵਿਤ ਸਨ ਅਤੇ ਇਨ੍ਹਾਂ 'ਚ ਅਮਿਤਾਭ ਦਾ ਨਾਂ ਵੀ ਸ਼ਾਮਲ ਸੀ। ਉਹ ਇਸ ਕਾਰ ਤੋਂ ਇੰਨੇ ਪ੍ਰਭਾਵਿਤ ਸਨ ਕਿ ਉਨ੍ਹਾਂ ਨੇ ਸ਼ੂਟਿੰਗ ਦੌਰਾਨ ਇਕ ਵਾਰ ਆਪਣੇ ਦੋਸਤਾਂ ਨੂੰ ਕਿਹਾ ਸੀ ਕਿ ਇਕ ਦਿਨ ਉਹ ਵੀ ਮਰਸਡੀਜ਼ ਰਾਹੀਂ ਸੈੱਟ 'ਚ ਆਉਣਗੇ।
ਅਮਿਤਾਭ ਦੀ ਇਸ ਗੱਲ ਬਾਰੇ 'ਚ ਮੁਮਤਾਜ਼ ਨੂੰ ਪਤਾ ਲੱਗ ਗਿਆ ਸੀ ਪਰ ਉਨ੍ਹਾਂ ਨੇ ਉਸ ਦਿਨ ਉਨ੍ਹਾਂ ਨੂੰ ਕੁਝ ਨਹੀਂ ਕਿਹਾ। ਹਾਲਾਂਕਿ ਅਮਿਤਾਭ ਇਕ ਦਿਨ ਜਦੋਂ ਸ਼ੂਟਿੰਗ ਕਰਕੇ ਵਾਪਸ ਜਾ ਰਹੇ ਸਨ ਤਾਂ ਉਨ੍ਹਾਂ ਨੂੰ ਆਪਣੀ ਕਾਰ ਨਹੀਂ ਮਿਲੀ। ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਮੁਮਤਾਜ਼ ਉਨ੍ਹਾਂ ਦੀ ਕਾਰ ਲੈ ਗਈ ਹੈ ਅਤੇ ਉਸ ਜਗ੍ਹਾ ਆਪਣੀ ਆਲੀਸ਼ਾਨ ਮਰਸਡੀਜ਼ ਦੀ ਚਾਭੀ ਅਮਿਤਾਭ ਲਈ ਛੱਡ ਗਈ ਹੈ।
ਮੁਮਤਾਜ਼ ਨੇ ਅਮਿਤਾਭ ਲਈ ਇਹ ਸੰਦੇਸ਼ ਵੀ ਦਿੱਤਾ ਸੀ ਕਿ ਉਹ ਇਸ ਕਾਰ ਨੂੰ ਜਿੰਨੇ ਦਿਨ ਚਾਹੁਣ ਰੱਖ ਸਕਦੇ ਹਨ। ਅਮਿਤਾਭ, ਮੁਮਤਾਜ਼ ਦੇ ਇਸ ਅੰਦਾਜ਼ ਤੋਂ ਹੈਰਾਨ ਹੋ ਗਏ। ਅਮਿਤਾਭ ਅਤੇ ਮੁਮਤਾਜ਼ ਨੇ ਉਂਝ ਜ਼ਿਆਦਾ ਫਿਲਮਾਂ 'ਚ ਇਕੱਠੇ ਕੰਮ ਤਾਂ ਨਹੀਂ ਕੀਤਾ ਪਰ ਮੁਮਤਾਜ਼ ਦੇ ਇਸ ਅੰਦਾਜ਼ ਨੂੰ ਦੇਖ ਕੇ ਅਮਿਤਾਭ ਉਨ੍ਹਾਂ ਦੇ ਕਾਇਲ ਹੋ ਗਏ ਸਨ।
ਮੁਮਤਾਜ਼ ਨੇ ਇਸ ਗੱਲ ਦਾ ਫਾਇਦਾ ਚੁੱਕਿਆ ਅਤੇ ਦਾਰਾ ਸਿੰਘ ਨਾਲ 16 ਫਿਲਮਾਂ 'ਚ ਕੰਮ ਕੀਤਾ, ਜਿਨ੍ਹਾਂ 'ਚੋਂ 10 ਹਿੱਟ ਸਿੱਧ ਹੋਈਆਂ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਜੋੜੀ ਰਾਜੇਸ਼ ਖੰਨਾ ਨਾਲ ਬਣੀ, ਜੋ ਕਿ ਸੁਪਰਹਿੱਟ ਸਿੱਧ ਹੋਈ ਪਰ 70 ਦੇ ਦਹਾਕੇ 'ਚ ਇਕ ਘਟਨਾ ਨੇ ਸਿੱਧ ਕੀਤਾ ਸੀ ਕਿ ਮੁਮਤਾਜ਼ ਇਕ ਵੱਡੀ ਅਭਿਨੇਤਰੀ ਹੋਣ ਦੇ ਨਾਲ-ਨਾਲ ਵੱਡੀ ਦਿਲਵਾਲੀ ਵੀ ਸੀ।