ਮੁੰਬਈ— ਜੇਕਰ ਤੁਸੀਂ 'ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ' ਦੇਖਦੇ ਹੋ, ਤਾਂ ਤੁਸੀਂ ਬਬਿਤਾ ਜੀ ਨੂੰ ਵੀ ਜਾਣਦੇ ਹੋਵੋਗੇ ਪਰ ਉਹ ਜਾਨ-ਪਛਾਣ ਸਿਰਫ ਉਨ੍ਹਾਂ ਦੇ ਬਬਿਤਾ ਦੀ ਦੇ ਰੋਲ ਤੱਕ ਹੀ ਸੀਮਤ ਹੋਵੇਗੀ। ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਛੋਟੇ ਪਰਦੇ ਦੀ ਇਹ ਬਬਿਤਾ ਜੀ ਅਸਲ ਜ਼ਿੰਦਗੀ 'ਚ ਮੁਨਮੁਨ ਦੱਤਾ ਦੇ ਨਾਂ ਨਾਲ ਜਾਣੀ ਜਾਂਦੀ ਹੈ।
ਹਾਲ ਹੀ 'ਚ ਉਨ੍ਹਾਂ ਦੇ ਰਿਲੇਸ਼ਨਸ਼ਿਪ ਦੇ ਬਾਰੇ 'ਚ ਇਕ ਖਬਰ ਆਈ ਹੈ। ਇਸ ਖਬਰ ਦੀ ਮੰਨੀਏ ਤਾਂ ਮੁਨਮੁਨ ਦੱਤਾ ਬਾਲੀਵੁੱਡ ਦੇ ਇਕ ਐਕਟਰ ਨਾਲ ਰਿਲੇਸ਼ਨਸ਼ਿਪ 'ਚ ਰਹਿ ਚੁੱਕੀ ਹੈ। ਹਾਲਾਂਕਿ ਇਹ ਰਿਲੇਸ਼ਨਸ਼ਿਪ ਵਧੇਰੇ ਨਹੀਂ ਚੱਲਿਆ ਅਤੇ ਉਨ੍ਹਾਂ ਦਾ ਬ੍ਰੇਕਅੱਪ ਹੋ ਗਿਆ। ਇਹ ਕਹਾਣੀ ਕੋਈ ਇਕ-ਦੋ ਸਾਲ ਪੁਰਾਣੀ ਨਹੀਂ ਹੈ।
ਸਾਲ 2008 'ਚ ਦੋਹਾਂ ਨੇ ਇਕ-ਦੂਜੇ ਨੂੰ ਡੇਟ ਕਰਨਾ ਸ਼ੁਰੂ ਕੀਤਾ ਸੀ। ਇਸੇ ਸਾਲ ਦੋਹਾਂ ਦਾ ਬ੍ਰੇਕਅੱਪ ਵੀ ਹੋ ਗਿਆ। ਮੁਨਮੁਨ ਦੀ ਕਹਾਣੀ ਦਾ ਇਹ ਹੀਰੋ ਸੀ ਅਰਮਾਨ ਕੋਹਲੀ। ਦੱਸਿਆ ਜਾਂਦਾ ਹੈ ਕਿ ਮੁਨਮੁਨ ਦੇ ਉਨ੍ਹਾਂ ਨਾਲ ਬ੍ਰੇਕਅੱਪ ਦਾ ਕਾਰਨ ਸੀ ਅਰਮਾਨ ਦਾ ਗੁੱਸਾ।
ਸੁਣਨ 'ਚ ਤਾਂ ਇੱਥੋਂ ਤੱਕ ਆਉਂਦਾ ਹੈ ਕਿ ਵੈਲੇਨਟਾਈਨ ਡੇ 'ਤੇ ਅਰਮਾਨ ਕੋਹਲੀ ਨੇ ਮੁਨਮੁਨ ਨੂੰ ਬੁਰੀ ਤਰ੍ਹਾਂ ਕੁੱਟਿਆ ਸੀ। ਹੁਣ ਤੁਸੀਂ ਸੋਚੇਂਗੇ ਕਿ ਹੁਣ ਇਨ੍ਹਾਂ ਸਾਰੀਆਂ ਗੱਲਾਂ ਦਾ ਕੀ ਮਤਲਬ! ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਹਾਲ ਹੀ 'ਚ ਡਾਲੀ ਬਿੰਦਰਾ ਨੇ ਇਨ੍ਹਾਂ ਗੱਲਾਂ ਦਾ ਖੁਲਾਸਾ ਕੀਤਾ ਹੈ।
ਉਨ੍ਹਾਂ ਨੇ ਤਾਂ ਇਹ ਵੀ ਕਿਹਾ ਕਿ ਅਰਮਾਨ ਮੁਨਮੁਨ ਦੇ ਨਾਲ ਹਮੇਸ਼ਾ ਗਲਤ ਵਿਵਹਾਰ ਕਰਦਾ ਸੀ। ਡਾਲੀ ਦਾ ਇਹ ਵੀ ਕਹਿਣਾ ਹੈ ਕਿ ਉਨ੍ਹਾਂ ਨੇ ਅਤੇ ਉਨ੍ਹਾਂ ਦੇ ਪਤੀ ਕੈਜਾਦਾ ਨੇ ਮੁਨਮੁਨ ਅਤੇ ਅਰਮਾਨ ਦਾ ਰਿਸ਼ਤਾ ਬਚਾਉਣ ਲਈ ਬਹੁਤ ਕੋਸ਼ਿਸ਼ ਕੀਤੀ ਪਰ ਅਜਿਹਾ ਮੁਮਕਿਨ ਨਹੀਂ ਹੋ ਪਾਇਆ।
ਪਰੇਸ਼ਾਨ ਹੋ ਕੇ ਮੁਨਮੁਨ ਨੂੰ ਅਰਮਾਨ ਦੇ ਵਿਰੁੱਧ ਪੁਲਸ 'ਚ ਸ਼ਿਕਾਇਤ ਵੀ ਦਰਜ ਕਰਾਉਣੀ ਪਈ। ਪੁਲਸ ਨੇ ਇਸ 'ਤੇ ਐਕਸ਼ਨ ਲਿਆ।
