ਮੁੰਬਈ (ਬਿਊਰੋ)— ਜ਼ੀ ਟੀ. ਵੀ. ਦੇ ਸੀਰੀਅਲ 'ਕੁੰਡਲੀ ਭਾਗਿਆ' ਜਦੋਂ ਤੋਂ ਸ਼ੁਰੂ ਹੋਇਆ ਹੈ, ਟੀ. ਆਰ. ਪੀ. ਦੀ ਰੇਸ 'ਚ ਨੰਬਰ 1 'ਤੇ ਛਾਇਆ ਰਿਹਾ ਪਰ 'ਨਾਗਿਨ' 3' ਦੇ ਸ਼ੁਰੂ ਹੁੰਦੇ ਹੀ ਇਹ ਸ਼ੋਅ ਦੂਜੇ ਨੰਬਰ 'ਤੇ ਆ ਗਿਆ ਹੈ।
ਹੁਣ ਸ਼ੋਅ 'ਚ ਖਤਰਨਾਕ ਟਵਿਸਟ ਆਉਣ ਵਾਲਾ ਹੈ, ਜਿਸ 'ਚ ਸ਼ੋਅ ਦੀ ਟੀ. ਆਰ. ਪੀ. 'ਚ ਫਿਰ ਤੋਂ ਵਾਧਾ ਹੋਣ ਦੀ ਉਮੀਦ ਕੀਤੀ ਜਾ ਰਹੀ ਹੈ।
ਸੀਰੀਅਲ 'ਚ ਚੱਲ ਰਹੀ ਕਹਾਣੀ 'ਚ ਇਕ ਨਵਾਂ ਕਿਰਦਾਰ ਆਉਣ ਵਾਲਾ ਹੈ।
ਦਰਅਸਲ 'ਚ ਸ਼ੋਅ 'ਚ 'ਨਾਗਿਨ 3' ਫੇਮ ਅਦਾਕਾਰਾ ਮਾਹਿਰਾ ਸ਼ਰਮਾ ਦੀ ਐਂਟਰੀ ਹੋਣ ਵਾਲੀ ਹੈ।
ਮਾਹਿਰਾ ਕਲਰਜ਼ ਚੈਨਲ ਦੇ 'ਨਾਗਿਨ-3' 'ਚ 'ਚੁੜੇਲ ਜਾਮਿਨੀ' ਦਾ ਨੈਗੇਟਿਵ ਕਿਰਦਾਰ ਨਿਭਾ ਚੁੱਕੀ ਹੈ।
ਮਾਹਿਰਾ 'ਕੁੰਡਲੀ ਭਾਗਿਆ' 'ਚ ਵੀ 'ਰੋਸ਼ਨੀ' ਨਾਂ ਦਾ ਨੈਗੇਟਿਵ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ।
ਸੂਤਰਾਂ ਮੁਤਾਬਕ ਮਾਹਿਰਾ ਸੀਰੀਅਲ 'ਚ ਮੁੱਖ ਨਾਇਕ 'ਕਰਨ' ਦੀ ਜ਼ਿੰਦਗੀ ਨੂੰ ਬਰਬਾਦ ਕਰਨ ਦੇ ਇਰਾਦਿਆਂ ਨਾਲ ਐਂਟਰੀ ਲੈਣ ਵਾਲੀ ਹੈ।