ਮੁੰਬਈ (ਬਿਊਰੋ) — ਟੀ. ਵੀ. ਅਦਾਕਾਰਾ ਸ਼ਰਧਾ ਆਰਿਆ ਹਾਲ ਹੀ 'ਚ ਇਕ ਹਾਦਸੇ ਦੌਰਾਨ ਵਾਲ-ਵਾਲ ਬਚੀ। ਦਰਅਸਲ, ਸ਼ਰਧਾ ਆਰਿਆ ਨਾਲ ਇਕ ਰਿਐਲਿਟੀ ਸ਼ੋਅ ਦੌਰਾਨ ਹਾਦਸਾ ਹੋਇਆ, ਜਿਸ 'ਚ ਉਸ ਦੇ ਸੱਟ ਵੀ ਲੱਗੀ। ਸ਼ੋਅ ਦੌਰਾਨ ਜਦੋਂ ਸ਼ਰਧਾ ਪਰਫਾਰਮ ਕਰ ਰਹੀ ਸੀ ਤਾਂ ਅਚਾਨਕ ਉਸ ਦੇ ਸਾਥੀ ਦੇ ਹੱਥੋਂ ਉਸ ਦਾ ਹੱਥ ਛੁੱਟ ਗਿਆ ਅਤੇ ਉਹ ਸਿਰ ਦੇ ਭਾਰ ਫਲੋਰ 'ਤੇ ਡਿੱਗ ਪਈ, ਜਿਸ ਕਾਰਨ ਉਸ ਦੇ ਸਿਰ 'ਤੇ ਸੱਟ ਵੀ ਵੱਜੀ ਪਰ ਗਨੀਮਤ ਇਹ ਰਹੀ ਕਿ ਇਕ ਦਰਦਨਾਕ ਹਾਦਸਾ ਟਲ ਗਿਆ ਕਿਉਂਕਿ ਸ਼ਰਧਾ ਕੁਝ ਸਮੇਂ ਲਈ ਤਾਂ ਅਚੇਤ ਹੋ ਗਈ ਸੀ।
ਸ਼ਰਧਾ ਦਾ ਕਹਿਣਾ ਹੈ ਕਿ 'ਰਿਹਰਸਲ ਦੌਰਾਨ ਵੀ ਸਾਨੂੰ ਸਾਰਿਆਂ ਨੂੰ ਬੜੀ ਹੀ ਸਾਵਧਾਨੀ ਨਾਲ ਸਟੈੱਪਸ ਕਰਨੇ ਪੈ ਰਹੇ ਸਨ ਪਰ ਪਰਫਾਰਮੈਂਸ ਦੌਰਾਨ ਜਦੋਂ ਦੋਵੇਂ ਡਾਂਸ ਕਰ ਰਹੇ ਸਨ ਤਾਂ ਆਲਮ ਦਾ ਹੱਥ ਅਚਾਨਕ ਫਿਸਲ ਗਿਆ ਅਤੇ ਮੈਂ ਥੱਲੇ ਡਿੱਗ ਪਈ। ਮੇਰੇ ਸਿਰ ਦੇ ਪਿੱਛੇ ਸੱਟ ਵੀ ਲੱਗੀ ਹੈ ਪਰ ਇਸ ਦੇ ਬਾਵਜੂਦ ਅਸੀਂ ਪਰਫਾਰਮ ਕੀਤਾ।'
