ਮੁੰਬਈ(ਬਿਊਰੋ)— ਸ਼੍ਰੀਦੇਵੀ ਤੋਂ ਬਾਅਦ ਫਿਲਮਾਂ ਦੇ ਨਾਲ-ਨਾਲ ਕਈ ਸੀਰੀਅਲਸ 'ਚ ਕੰਮ ਕਰ ਚੁੱਕੇ ਮਸ਼ਹੂਰ ਐਕਟਰ ਨਰਿੰਦਰ ਝਾਅ ਦਾ 14 ਮਾਰਚ ਨੂੰ ਦਿਲ ਦਾ ਦੌਰਾ ਪੈਣ ਕਾਰਨ ਦਿਹਾਂਤ ਹੋ ਗਿਆ ਸੀ। ਐਤਵਾਰ ਨੂੰ ਮੁੰਬਈ 'ਚ ਉਨ੍ਹਾਂ ਦੀ ਪ੍ਰਾਰਥਨਾ ਸਭਾ ਦਾ ਆਯੋਜਨ ਕੀਤਾ ਗਿਆ।
ਇਸ ਸਭਾ 'ਚ ਬਾਲੀਵੁੱਡ ਦੇ ਕਈ ਕਲਾਕਾਰ ਪਹੁੰਚੇ ਤੇ ਨਮ ਅੱਖਾਂ ਨਾਲ ਉਨ੍ਹਾਂ ਨੂੰ ਯਾਦ ਕੀਤਾ। ਪ੍ਰਾਰਥਨਾ ਸਭਾ ਮੁੰਬਈ ਦੇ ਜੁਹੂ ਸਥਿਤ ਇਸਕਾਨ ਕਾਂਪਲੈਕਸ 'ਚ ਰੱਖੀ ਗਈ ਸੀ, ਜਿਸ 'ਚ ਬਾਲੀਵੁੱਡ ਤੋਂ ਇਲਾਵਾ ਟੈਲੀਵਿਜ਼ਨ ਇੰਡਸਟਰੀ ਦੇ ਕਈ ਸਟਾਰਜ਼ ਪਹੁੰਚੇ।
ਇਸ 'ਚ ਆਸ਼ੂਤੋਥ ਗੋਵਾਰੀਕਰ, ਕੇ. ਕੇ. ਮੇਨਨ, ਰਜ਼ਾ ਮੁਰਾਦ, ਮੋਹਿਤ ਰੈਨਾ, ਸੁਸ਼ਾਂਤ ਸਿੰਘ, ਅਮਿਤ ਬਹਿਲ, ਨੀਤੂ ਚੰਦਰਾ ਤੇ ਮਨੋਜ ਜੋਸ਼ੀ ਦਾ ਨਾਂ ਸ਼ਾਮਲ ਹੈ। ਨਰਿੰਦਰ ਝਾਅ ਨੇ ਕਈ ਸਾਰੇ ਅਜਿਹੇ ਕੋਲ ਨਿਭਾਏ, ਜੋ ਹਮੇਸ਼ਾ ਲਈ ਯਾਦਗਾਰ ਬਣ ਗਏ।
ਉਨ੍ਹਾਂ ਦੇ ਦਿਹਾਂਤ ਨਾਲ ਬਾਲੀਵੁੱਡ 'ਚ ਸੋਗ ਦੀ ਲਹਿਰ ਹੈ। ਕੁਝ ਸਮੇਂ ਪਹਿਲਾਂ ਰਿਤਿਕ ਰੋਸ਼ਨ ਨੇ ਟਵੀਟ ਕਰ ਕੇ ਦਿਲ ਦਾ ਹਾਲ ਬਿਆਨ ਕੀਤਾ। ਨਰਿੰਦਰ ਝਾਅ ਰਿਤਿਕ ਨਾਲ 'ਕਾਬਿਲ' ਫਿਲਮ 'ਚ ਨਜ਼ਰ ਆਏ ਸਨ, ਜਿਸ 'ਚ ਇਨ੍ਹਾਂ ਨੇ ਦਮਦਾਰ ਪੁਲਸ ਇੰਸਪੈਕਟਰ ਦਾ ਕਿਰਦਾਰ ਨਿਭਾਇਆ ਸੀ।
ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਨਰਿੰਦਰ ਨੇ ਪੰਕਜਾ ਨੂੰ ਸਾਲ 2007 'ਚ ਪ੍ਰਪੋਜ਼ ਕੀਤਾ ਸੀ। 8 ਸਾਲ ਦੇ ਰਿਲੇਸ਼ਨਸ਼ਿੱਪ ਤੋਂ ਬਾਅਦ ਤਿੰਨ ਸਾਲ ਪਹਿਲਾਂ ਵਿਆਹ ਕੀਤਾ ਸੀ।
ਨਰਿੰਦਰ ਝਾਅ ਮੁੱਖ ਰੂਪ ਨਾਲ ਬਿਹਾਰ ਦੇ ਮਧੁਬਨੀ ਜ਼ਿਲ੍ਹੇ ਦੇ ਰਹਿਣ ਵਾਲੇ ਸਨ। ਪਰਿਵਾਰ ਨਾਲ ਜੁੜੇ ਸੂਤਰ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਨਰਿੰਦਰ ਦੀ ਮੌਤ ਉਨ੍ਹਾਂ ਦੇ ਫਾਰਮ ਹਾਊਸ 'ਚ 14 ਮਾਰਚ ਸਵੇਰੇ 5 ਵਜੇ ਹੋਈ ਸੀ।
