ਮੁੰਬਈ(ਬਿਊਰੋ)— ਸਾਲ 2014 'ਚ ਪੀ. ਐੱਮ. ਮੋਦੀ ਦੇ ਸਹੁੰ ਚੁੱਕ ਸਮਾਗਮ 'ਚ ਦੇਸ਼ ਵਿਦੇਸ਼ ਦੀਆਂ ਕਈ ਮਸ਼ਹੂਰ ਹੱਸਤੀਆਂ ਮੌਜੂਦ ਸਨ। ਕਿਰਨ ਖੇਰ, ਹੇਮਾ ਮਾਲਿਨੀ ਅਤੇ ਸਲਮਾਨ ਖਾਨ ਵਰਗੇ ਸਿਤਾਰੇ ਉਸ ਦੌਰਾਨ ਇਸ ਸਹੁੰ ਚੁੱਕ ਸਮਾਗਮ 'ਚ ਨਜ਼ਰ ਆਏ ਸਨ। ਪੰਜ ਸਾਲ ਬਾਅਦ ਇਕ ਵਾਰ ਫਿਰ ਪੀ. ਐੱਮ. ਮੋਦੀ ਸਹੁੰ ਚੁੱਕਣ ਜਾ ਰਹੇ ਹਨ। ਇਸ ਪੰਜ ਸਾਲਾਂ 'ਚ ਕਾਫੀ ਕੁਝ ਬਦਲ ਚੁੱਕਿਆ ਹੈ। ਅਜਿਹੇ 'ਚ ਇਹ ਜਾਨਣਾ ਦਿਲਚਸਪ ਹੈ ਕਿ ਪੀ. ਐੱਮ. ਮੋਦੀ ਨਾਲ ਕਰੀਬੀਆਂ ਦੇ ਚਲਦੇ ਕਿਹੜੇ ਸਿਤਾਰੇ ਇਸ ਵਾਰ ਪੀ. ਐੱਮ. ਮੋਦੀ ਦੇ ਸਹੁੰ ਚੁੱਕ ਸਮਾਗਮ 'ਚ ਨਜ਼ਰ ਆ ਸਕਦੇ ਹਨ। ਅਨੁਪਮ ਖੇਰ ਦੀ ਪਤਨੀ ਚੰੜੀਗੜ੍ਹ ਤੋਂ ਬੀ. ਜੇ. ਪੀ. ਉਮੀਦਵਾਰ ਰਹੀ ਅਤੇ ਮੋਦੀ ਲਹਿਰ 'ਚ ਆਸਾਨੀ ਨਾਲ ਚੋਣ ਜਿੱਤ ਗਈ। ਅਨੁਪਮ ਖੇਰ ਪਿਛਲੇ ਪੰਜ ਸਾਲਾਂ ਤੋਂ ਮੋਦੀ ਸਰਕਾਰ ਨੂੰ ਹਰ ਛੋਟੇ-ਵੱਡੇ ਮੋਰਚੇ 'ਤੇ ਡਿਫੈਂਡ ਕਰਦੇ ਆਏ ਹਨ। ਅਜਿਹੇ 'ਚ ਅਨੁਪਮ ਖੇਰ ਇਸ ਸਮਾਗਮ 'ਚ ਸ਼ਾਮਿਲ ਹੋਣ ਤਾਂ ਕਿਸੇ ਨੂੰ ਹੈਰਾਨੀ ਨਹੀਂ ਹੋਣੀ ਚਾਹੀਦੀ ਹੈ। ਵਿਵੇਕ ਓਬਰਾਏ ਪੀ. ਐੱਮ. ਮੋਦੀ ਦੀ ਬਾਓਪਿਕ 'ਚ ਨਜ਼ਰ ਆਏ। ਉਨ੍ਹਾਂ ਦੇ ਪਿਤਾ ਸੁਰੇਸ਼ ਓਬਰਾਏ ਪੁਰਾਣੇ ਬੀ. ਜੇ. ਪੀ. ਸਮਰਥਕ ਰਹੇ ਹਨ। ਸਾਲ 2014 'ਚ ਵਿਵੇਕ ਨੇ ਪੀ. ਐੱਮ. ਮੋਦੀ ਲਈ ਕੈਂਪੇਨ ਵੀ ਕੀਤਾ। ਉਹ ਪੀ. ਐੱਮ. ਮੋਦੀ ਨੂੰ ਦੁਨੀਆ ਦੇ ਸਭ ਤੋਂ ਬਿਹਤਰੀਨ ਨੇਤਾ ਦੇ ਤੌਰ 'ਤੇ ਦੇਖਦੇ ਹਨ। ਕੋਈ ਹੋਰ ਹੋਵੇ ਜਾਂ ਨਾ ਹੋਵੇ ਪਰ ਵਿਵੇਕ ਨੂੰ ਇਸ ਸਹੁੰ ਚੁੱਕ ਸਮਾਗਮ 'ਚ ਹੋਣਾ ਚਾਹੀਦਾ ਹੈ। ਬੀ. ਜੇ. ਪੀ. ਦੇ ਆਫੀਸ਼ੀਅਲ 'ਮੈਂ ਵੀ ਚੌਂਕੀਦਾਰ' ਸਲੋਗਨ ਤੋਂ ਪਹਿਲਾਂ ਕਰਨ ਜੌਹਰ ਦੁਆਰਾ ਲੀਡ ਕੀਤੀ ਗਈ ਸਿਤਾਰਿਆਂ ਦੀ ਟੀਮ 'ਹਾਊਜ ਦਿ ਜੋਸ਼' ਕਰਦੀ ਨਜ਼ਰ ਆਈ ਸੀ। ਇਹ ਸਾਰੇ ਸਿਤਾਰੇ ਪੀ. ਐੱਮ. ਮੋਦੀ ਨੂੰ ਮਿਲਣ ਵੀ ਪਹੁੰਚੇ ਸਨ। ਰਣਵੀਰ ਸਿੰਘ ਅਤੇ ਕਰਨ ਜੌਹਰ ਆਪਣੇ ਇੰਸਟਾਗ੍ਰਾਮ 'ਤੇ ਪੀ. ਐੱਮ. ਨਾਲ ਤਸਵੀਰ ਵੀ ਸ਼ੇਅਰ ਕੀਤੀ ਸੀ। ਪੀ. ਐੱਮ. ਮੋਦੀ ਨਾਲ ਹੋਈ ਇਸ ਨਵੀਂ ਨਵੇਲੀ ਬਾਂਡਿੰਗ ਦੇ ਚਲਦੇ ਕਰਨ ਦੀ ਟੀਮ ਦੇ ਕੁਝ ਸਿਤਾਰੇ ਪੀ. ਐੱਮ. ਦੇ ਸਹੁੰ ਚੁੱਕ 'ਚ ਵੀ ਨਜ਼ਰ ਆ ਸਕਦੇ ਹਨ। ਸਾਲ 2014 'ਚ ਸਲਮਾਨ ਖਾਨ ਨਰਿੰਦਰ ਮੋਦੀ ਦੇ ਸਹੁੰ ਚੁੱਕ ਸਮਾਗਮ 'ਚ ਪਹੁੰਚੇ ਸਨ। ਇਸ ਵਾਰ ਵੀ ਇਹੀਂ ਲੱਗਦਾ ਹੈ ਕਿ ਸਲਮਾਨ ਖਾਨ ਇਸ ਸਮਾਗਮ 'ਚ ਆ ਸਕਦੇ ਹਨ। ਇਸ ਦੇ ਨਾਲ ਹੀ ਆਮਿਰ ਖਾਨ ਵੀ ਇਸ ਸਮਾਗਮ 'ਚ ਸ਼ਾਮਲ ਹੋ ਸਕਦੇ ਹਨ। ਇਸ ਦੇ ਨਾਲ ਅਦਾਕਾਰਾ ਕੰਗਨਾ ਰਣੌਤ ਪਿਛਲੇ ਦੋ-ਤਿੰਨ ਸਾਲਾਂ 'ਚ ਰਾਸ਼ਟਰਵਾਦ ਅਤੇ ਆਪਣੇ ਬੇਬਾਕ ਪਾਲੀਟਿਕਲ ਬਿਆਨਾਂ ਦੇ ਚਲਦੇ ਸੁਰਖੀਆਂ 'ਚ ਹੈ। ਉਹ ਕਈ ਮੌਕਿਆਂ 'ਤੇ ਪੀ. ਐੱਮ. ਮੋਦੀ ਦੀ ਤਾਰੀਫ ਵੀ ਕਰ ਚੁੱਕੀ ਹੈ। ਉਨ੍ਹਾਂ ਨੇ ਹਾਲ ਹੀ 'ਚ ਪੀ. ਐੱਮ. ਮੋਦੀ ਦੀ ਜਿੱਤ ਨੂੰ ਚਾਹ ਪਕੌੜੇ ਬਣਾ ਕੇ ਸੈਲੀਬਰੇਟ ਕੀਤਾ ਸੀ।