ਜਲੰਧਰ— ਸਾਲ 2007 'ਚ ਇਕ ਚੈਨਲ ਦੇ ਸ਼ੋਅ 'ਆਜਾ ਨੱਚ ਲੇ' ਨਾਲ ਪਛਾਣ ਬਣਾਉਣ ਵਾਲੇ ਪੰਜਾਬੀ ਅਭਿਨੇਤਾ ਨਵ ਬਾਜਵਾ 100 ਤੋਂ ਵੀ ਜ਼ਿਆਦਾ ਮਿਊਜ਼ਿਕ ਐਲਬਮ 'ਚ ਕੰਮ ਕਰ ਚੁੱਕੇ ਹਨ ਪਰ ਕੀ ਤੁਸੀ ਜਾਣਦੇ ਹੋ ਕਿ ਕਲਾਕਾਰ ਨਵ ਬਾਜਵਾ ਸਿਰਫ ਅਦਾਕਾਰੀ ਹੀ ਨਹੀਂ ਜਾਣਦ, ਉਹ ਇਕ ਲਾਇਸੈਂਸੀ ਪਾਇਲਟ ਵੀ ਹਨ। ਪਟਿਆਲਾ 'ਚ ਪੈਦਾ ਹੋਏ ਨਵ ਬਾਜਵਾ ਦੇ ਪਿਤਾ ਇੰਡੀਅਨ ਏਅਰ ਫੋਰਸ ਤੋਂ ਰਿਟਾਇਰ ਹੋਏ ਹਨ।
ਭਾਰਤ ਦੇ ਵੱਖ-ਵੱਖ ਆਰਮੀ ਸਕੂਲਾਂ ਤੋਂ ਪੜਨ ਵਾਲੇ ਨਵ ਬਾਜਵਾ ਦੀ ਭੈਣ ਜਿਮਨਾਸਟਿਕਸ ਦੀ ਖਿਡਾਰੀ ਹੈ ਅਤੇ ਭਾਰਤ ਦੇ ਲਈ ਕੋਮਨ ਵੈਲਥ ਗੈਮਜ਼ 'ਚ 8 ਸਾਲ ਤੱਕ 8 ਗੋਲਡ ਮੈਡਲ ਹਾਸਿਲ ਕਰ ਚੁੱਕੀ ਹੈ। ਪਟਿਆਲਾ ਦੇ ਨਾਮੀ ਕਾਲੇਜ ਤੋਂ ਪਾਇਲਟ ਦੀ ਟ੍ਰੇਨਿੰਗ ਕਰਨ ਤੋਂ ਬਾਅਦ ਉਹ ਆਪਣੇ ਜਨੂੰਨ ਯਾਨੀ ਕਿ ਅਦਾਕਾਰੀ ਲਈ ਪੂਰੇ ਜੋਸ਼ ਨਾਲ ਤਿਆਰ ਹੋਏ।
ਪਹਿਲੇ ਡਾਂਸ ਕੰਪੀਟੀਸ਼ਨ ਜਿਤਿਆ ਫਿਰ 100 ਤੋਂ ਜ਼ਿਆਦਾ ਮਿਊਜ਼ਿਕ ਵੀਡੀਓ 'ਚ ਕੰਮ ਕਰਨ ਤੋਂ ਬਾਅਦ 2012 'ਚ ਪੰਜਾਬੀ ਸਿਨੇਮਾ 'ਚ ਡੈਬਿਊ ਕੀਤਾ। ਫਿਲਮ 'ਪਿਓਰ ਪੰਜਾਬੀ' ਨਾਲ।
2014 'ਚ ਆਈ ਫਿਲਮ 'ਫਤੇਹ' ਲਈ ਬੈਸਟ ਐਕਟਰ ਲਈ ਵੀ ਉਨ੍ਹਾਂ ਦਾ ਨਾਂ ਨੋਮੀਨੇਟ ਕੀਤਾ ਗਿਆ। ਤੁਸੀਂ ਜਾਣ ਕੇ ਹੈਰਾਨ ਹੋ ਜਾਓਗੇ ਕੀ ਉਹ ਰੇਡੀਓ 'ਚ ਆਰ. ਜੇ ਦੇ ਤੌਰ ਤੇ ਵੀ ਕੰਮ ਕਰ ਚੁੱਕਾ ਹੈ।
ਸਾਲ 2012 ਤੋਂ ਫਿਲਮੀ ਕਰੀਅਰ ਸ਼ੁਰੂ ਕਰਨ ਵਾਲੇ ਨਵ ਬਾਜਵਾ ਨੇ 'ਮਿਸਟਰ ਪੰਜਾਬ 2015 ਸ਼ੋਅ' ਨੂੰ ਹੋਸਟ ਕੀਤਾ। ਹੁਣ ਨਵ ਬਾਜਵਾ ਪੰਜਾਬੀ ਸਿਨੇਮਾ ਦੀ ਪਹਿਲੀ ਸਾਈ ਫਾਈ ਫਿਕਸ਼ਨ ਫਿਲਮ ਲੈ ਕੇ ਆ ਰਿਹਾ ਹੈ, ਜਿਸ ਦਾ ਨਾਂ ਹੈ 'ਰੇਡੂਆ'।
ਨਵ ਬਾਜਵਾ ਦਾ ਕਹਿਣਾ ਹੈ ਕਿ ਉਹ ਹਰ ਸਮੇਂ ਤਿਆਰ ਰਹਿੰਦੇ ਨੇ ਕੁਝ ਵੀ ਸਿੱਖਣ ਲਈ ਅਤੇ ਸ਼ਾਇਦ ਇਸੇ ਲਈ ਇਸ ਕਲਾਕਾਰ ਦੀ ਕੋਸ਼ਿਸ਼ ਉਨ੍ਹਾਂ ਦਾ ਵੱਖ ਵੱਖ ਰੂਪ ਦਿਖਾ ਰਹੀ ਹੈ।
ਘੱਟ ਲੋਕਾਂ ਨੂੰ ਹੀ ਪਤਾ ਹੈ ਉਨ੍ਹਾਂ ਦੀ ਪੰਜਾਬੀ ਸਿਨੇਮਾ ਦੇ ਰਿਅਲ ਹੀਰੋ ਹਨ ਜੋ ਆਪਣੇ ਆਪ ਨੂੰ ਰਹ ਸਮੇਂ ਕੁਝ ਨਵਾਂ ਕਰਨ ਲਈ ਤਿਆਰ ਰਖਦੇ ਨੇ ਤੇ ਕਹਿੰਦੇ ਨੇ ਕੀ ਲੋਕਾਂ ਨੂੰ ਵੀ ਕਦੇ ਹਾਰ ਨਹੀਂ ਮੰਨਣੀ ਚਾਹਿਦੀ ਹੈ ਤੇ ਹਮੇਸ਼ਾ ਆਪਣੇ ਸੁਪਨੇ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ਕਰਨ ਲਈ ਜੋਸ਼ ਨੂੰ ਘੱਟ ਨਹੀਂ ਹੋਣ ਦੇਣਾ ਹੈ।
