ਮੁੰਬਈ (ਬਿਊਰੋ) : ਫਿਟਨੈੱਸ ਬਲਾਗਰ ਨਵਪ੍ਰੀਤ ਬੰਗਾ ਦੀ ਲੁੱਕ ਕਾਫੀ ਹੱਦ ਤੱਕ ਬਾਲੀਵੁੱਡ ਤੇ ਹਾਲੀਵੁੱਡ ਦੀ ਦੇਸੀ ਗਰਲ ਪ੍ਰਿਅੰਕਾ ਚੋਪੜਾ ਵਰਗੀ ਲੱਗਦੀ ਹੈ। ਉਸ ਨੂੰ 'ਦੇਸੀ ਗਰਲ' ਦੀ ਹਮਸ਼ਕਲ ਵਜੋਂ ਵੀ ਜਾਣਿਆ ਜਾਂਦਾ ਹੈ। ਇਕ ਵਾਰ ਫਿਰ ਨਵਪ੍ਰੀਤ ਬੰਗਾ ਸੁਰਖੀਆਂ 'ਚ ਛਾਈ ਹੋਈ ਹੈ।
ਦਰਅਸਲ ਹਾਲ ਹੀ 'ਚ ਨਵਪ੍ਰੀਤ ਬੰਗਾ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ 'ਚ ਉਹ ਕਾਫੀ ਖੂਬਸੂਰਤ ਅੰਦਾਜ਼ 'ਚ ਨਜ਼ਰ ਆ ਰਹੀ ਹੈ। ਉਸ ਦਾ ਇਹ ਲੁੱਕ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ।
ਨਵਪ੍ਰੀਤ ਦੇ ਇਸ ਖੂਬਸੂਰਤ ਲੁੱਕ ਨੂੰ ਫੈਨਜ਼ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇੰਸਟਾਗ੍ਰਾਮ 'ਤੇ ਨਵਪ੍ਰੀਤ ਦਾ ਅਕਾਊਂਟ ਵੈਰੀਫਾਈਡ ਹੈ।
28 ਹਜ਼ਾਰ ਦੇ ਲਗਭਗ ਲੋਕ ਉਸ ਨੂੰ ਇੰਸਟਾਗ੍ਰਾਮ 'ਤੇ ਫਾਲੋ ਕਰਦੇ ਹਨ। ਦੱਸ ਦਈਏ ਕਿ ਨਵਪ੍ਰੀਤ ਬੰਗਾ ਰਣਜੀਤ ਬਾਵਾ ਦੀ ਫਿਲਮ 'ਭਲਵਾਨ ਸਿੰਘ' 'ਚ ਕੰਮ ਕਰ ਚੁੱਕੀ ਹੈ।
ਦੱਸ ਦੇਈਏ ਕਿ ਫਿਟਨੈੱਸ ਟਿਪਸ ਦੇ ਨਾਲ-ਨਾਲ ਉਹ ਅਕਸਰ ਫਿਟਨੈੱਸ ਵੀਡੀਓ ਵੀ ਪੋਸਟ ਕਰਦੀ ਰਹਿੰਦੀ ਹੈ। ਦੇਖਣ 'ਚ ਨਵਪ੍ਰੀਤ ਬੰਗਾ ਕਾਫੀ ਸਟਾਈਲਿਸ਼ ਤੇ ਖੂਬਸੂਰਤ ਨਜ਼ਰ ਆਉਂਦੀ ਹੈ।
ਇੰਸਟਾਗ੍ਰਾਮ 'ਤੇ ਉਹ ਇੰਡੀਅਨ ਲੁੱਕਸ ਦੇ ਨਾਲ-ਨਾਲ ਪੰਜਾਬੀ ਤੇ ਵੈਸਟਰਨ ਲੁੱਕ 'ਚ ਵੀ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ। ਨਵਪ੍ਰੀਤ ਨੂੰ ਪੰਜਾਬੀ ਫਿਲਮਾਂ 'ਚ ਕੰਮ ਕਰਨ ਦਾ ਆਫਰ ਮਿਲ ਚੁੱਕਿਆ ਹੈ।
ਉਸ ਨੇ ਕੁਝ ਪੰਜਾਬੀ ਵੀਡੀਓ 'ਚ ਵੀ ਕੰਮ ਕੀਤਾ ਹੈ। ਨਵਪ੍ਰੀਤ ਨੂੰ 'ਬਿੱਗ ਬੌਸ 11' 'ਚ ਬਤੌਰ ਕੰਟੈਸਟੈਂਟ ਬਣਨ ਦਾ ਵੀ ਆਫਰ ਆਇਆ ਸੀ ਪਰ ਉਸ ਨੇ ਇਹ ਆਫਰ ਠੁਕਰਾ ਦਿੱਤਾ ਸੀ।
ਨਵਪ੍ਰੀਤ ਨੂੰ ਹਮੇਸ਼ਾ ਡਰ ਰਹਿੰਦਾ ਹੈ ਕਿ ਕਿਤੇ ਇਸ ਵਜ੍ਹਾ ਕਰਕੇ ਉਹ ਆਪਣੀ ਯੂਟਿਊਬ ਸਟਾਰ ਦੀ ਹਸਤੀ ਨਾ ਗਵਾ ਲਵੇ।
