ਜਲੰਧਰ (ਬਿਊਰੋ) — ਹਾਲ ਹੀ 'ਚ ਪੰਜਾਬੀ ਇੰਡਸਟਰੀ ਦੇ ਨਾਮੀ ਅਦਾਕਾਰ ਯੁਵਰਾਜ ਹੰਸ ਪਿਤਾ ਬਣੇ ਹਨ। 12 ਮਈ ਨੂੰ ਮਾਨਸੀ ਸ਼ਰਮਾ ਨੇ ਬੇਟੇ ਨੂੰ ਜਨਮ ਦਿੱਤਾ ਹੈ, ਜਿਸ ਤੋਂ ਬਾਅਦ ਹੰਸ ਰਾਜ ਹੰਸ ਦੇ ਪਰਿਵਾਰ 'ਚ ਵਾਧਾ ਤੇ ਰਿਸ਼ਤਿਆਂ 'ਚ ਤਰੱਕੀ ਹੋ ਗਈ। ਹੰਸ ਰਾਜ ਹੰਸ ਦਾਦਾ ਤੇ ਨਵਰਾਜ ਹੰਸ ਤਾਇਆ ਬਣ ਗਏ ਹਨ, ਜਿਸ ਦੇ ਚੱਲਦਿਆਂ ਸਾਰੇ ਪਰਿਵਾਰ 'ਚ ਖੁਸ਼ੀ ਦਾ ਮਾਹੌਲ ਹੈ। ਹਰ ਕੋਈ ਆਪਣੇ ਤਰੀਕੇ ਨਾਲ ਯੁਵਰਾਜ ਦੇ ਲਾਡਲੇ ਲਈ ਆਪਣਾ ਪਿਆਰ ਲੁਟਾ ਰਿਹਾ ਹੈ। ਅਜਿਹੇ 'ਚ ਨਵਰਾਜ ਹੰਸ ਤੇ ਉਨ੍ਹਾਂ ਦੀ ਪਤਨੀ ਅਜੀਤ ਮਹਿੰਦੀ, ਜੋ ਕਿ 8redaan ਦੇ ਤਾਇਆ-ਤਾਈ ਬਣ ਗਏ ਹਨ ਅਤੇ ਆਪਣੇ ਭਤੀਜੇ ਲਈ ਲੋਰੀਆਂ ਗਾ ਕੇ ਪਿਆਰ ਜ਼ਾਹਿਰ ਕਰ ਰਹੇ ਹਨ। ਇਸ ਤੋਂ ਪਹਿਲਾਂ ਹੰਸ ਰਾਜ ਹੰਸ ਨੇ ਵੀ ਆਪਣੇ ਪੋਤੇ ਲਈ ਲੋਰੀ ਗਾ ਕੇ ਵ੍ਹਟਸਐਪ ਰਾਹੀਂ ਯੁਵਰਾਜ ਹੰਸ ਨੂੰ ਭੇਜੀ ਸੀ।
ਦੱਸ ਦਈਏ ਟੀ. ਵੀ. ਅਦਾਕਾਰਾ ਮਾਨਸੀ ਸ਼ਰਮਾ ਤੇ ਪੰਜਾਬੀ ਐਕਟਰ ਯੁਵਰਾਜ ਹੰਸ ਲੰਬੇ ਸਮੇਂ ਤੱਕ ਇਕ-ਦੂਜੇ ਨੂੰ ਡੇਟ ਕਰ ਤੋਂ ਬਾਅਦ ਸਾਲ 2019 'ਚ ਵਿਆਹ ਕਰਵਾਇਆ ਸੀ। ਦੋਵਾਂ ਦਾ ਵਿਆਹ ਸਿੱਖ ਰੀਤੀ ਰਿਵਾਜਾਂ ਨਾਲ ਹੋਇਆ ਸੀ।