ਮੁੰਬਈ (ਬਿਊਰੋ)— ਮੁਕੇਸ਼ ਅੰਬਾਨੀ ਦੇ ਬੇਟੇ ਆਕਾਸ਼ ਅੰਬਾਨੀ ਨੇ ਬੀਤੇ ਸ਼ਨੀਵਾਰ ਸ਼ਾਮ ਸ਼ਲੋਕਾ ਮਹਿਤਾ ਨਾਲ ਮੰਗਣੀ ਕੀਤੀ। ਦੇਸ਼ ਦੀ ਸਭ ਤੋਂ ਵੱਡੀ ਮੰਗਣੀ 'ਚ ਬਾਲੀਵੁੱਡ ਸਟਾਰਜ਼ ਤੋਂ ਇਲਾਵਾ ਬਿਜਨੈੱਸ ਟਾਇਕੂਨ ਅਤੇ ਸਿਆਸੀ ਆਗੂਆਂ ਨੇ ਵੀ ਸ਼ਿਰਕਤ ਕੀਤੀ।
ਅੰਬਾਨੀ ਦੀ ਪਾਰਟੀ 'ਚ ਸਭ ਤੋਂ ਜ਼ਿਆਦਾ ਸੁਰਖੀਆਂ ਅਮਿਤਾਭ ਬੱਚਨ ਦੀ ਦੋਹਤੀ ਭਾਵ ਨਵਿਆ ਨਵੇਲੀ ਨੇ ਬਟੋਰੀਆਂ।
ਨਵਿਆ ਨੂੰ ਤੁਸੀਂ ਸ਼ਾਰਟ ਡਰੈੱਸ ਅਤੇ ਬਿਕਨੀ 'ਚ ਤਾਂ ਕਈ ਵਾਰ ਦੇਖਿਆ ਹੋਵੇਗਾ ਪਰ ਇਸ ਵਾਰ ਉਹ ਸਾੜ੍ਹੀ 'ਚ ਕਹਿਰ ਢਾਹੁੰਦੀ ਦਿਖੀ।
ਇਸ ਮੌਕੇ ਨਵਿਆ ਨੇ ਗ੍ਰੀਨ ਕਲਰ ਦਾ ਲਹਿੰਗਾ ਪਾਇਆ ਹੋਇਆ ਸੀ। ਪਾਰਟੀ ਦੌਰਾਨ ਨਵਿਆ ਦੀਆਂ ਇਹ ਤਸਵੀਰਾਂ ਕਾਫੀ ਵਾਇਰਲ ਹੋ ਰਹੀਆਂ ਹਨ।
ਇਸ ਦੌਰਾਨ ਨਵਿਆ ਇੰਨੀ ਖੂਬਸੂਰਤ ਲੱਗ ਰਹੀ ਸੀ ਕਿ ਉਨ੍ਹਾਂ ਤੋਂ ਨਜ਼ਰਾਂ ਹਟਾਉਣੀਆਂ ਮੁਸ਼ਕਿਲ ਹੋ ਰਹੀਆਂ ਸਨ।
ਜ਼ਿਕਰਯੋਗ ਹੈ ਕਿ ਪਾਰਟੀ ਅੰਬਾਨੀ ਪਰਿਵਾਰ ਦੇ ਮੁੰਬਈ ਘਰ ਐਂਟੀਲੀਆ 'ਚ ਰੱਖੀ ਗਈ ਸੀ।
ਆਪਣੀ ਮੰਗਣੀ 'ਤੇ ਸ਼ਲੋਕਾ ਮਹਿਤਾ ਨੇ ਅਬੁ ਜਾਨੀ ਦਾ ਡਿਜ਼ਾਈਨ ਕੀਤਾ ਹੋਇਆ ਆਫ ਵ੍ਹਾਈਟ ਕਲਰ ਦਾ ਲਹਿੰਗਾ ਪਾਇਆ ਸੀ।
ਉੱਥੇ ਅੰਬਾਨੀ ਮਰੂਨ ਕਲਰ ਦੀ ਸ਼ੇਰਵਾਨੀ 'ਚ ਨਜ਼ਰ ਆਏ। ਈਸ਼ਾ ਅੰਬਾਨੀ ਅਤੇ ਨੀਤਾ ਅੰਬਾਨੀ ਵੀ ਵ੍ਹਾਈਟ ਕਲਰ ਦੀ ਡਰੈੱਸ 'ਚ ਦਿਖੀਆਂ।
ਬਾਲੀਵੁੱਡ ਸੈਲੀਬ੍ਰਿਟੀਜ਼ ਦੀ ਗੱਲ ਕਰੀਏ ਤਾਂ ਐਸ਼ਵਰਿਆ ਰਾਏ, ਸ਼ਾਹਰੁਖ ਖਾਨ, ਟਾਈਗਰ ਸ਼ਰਾਫ, ਰਣਬੀਰ ਕਪੂਰ, ਆਲੀਆ ਭੱਟ, ਅਰਜੁਨ ਕਪੂਰ, ਮਾਧੁਰੀ ਦੀਕਸ਼ਿਤ, ਸਚਿਨ ਤੇਂਦੁਲਕਰ, ਸ਼ਾਹਿਦ ਕਪੂਰ, ਸ਼ਰਧਾ ਕਪੂਰ, ਪਰਿਣੀਤੀ ਚੋਪੜਾ ਅਤੇ ਨਵਿਆ ਨਵੇਲੀ ਵਰਗੇ ਵੱਡੇ ਸਟਾਰ ਪਹੁੰਚੇ।