ਮੁੰਬਈ(ਬਿਊਰੋ)— ਇੰਨੀ ਦਿਨੀਂ ਬਾਲੀਵੁੱਡ ਸਿਤਾਰਿਆਂ ਦੇ ਬੱਚੇ ਉਨ੍ਹਾਂ ਤੋਂ ਜ਼ਿਆਦਾ ਸੁਰਖੀਆਂ ਬਟੋਰ ਰਹੇ ਹਨ। ਇਸ ਦੀ ਤਾਜਾ ਉਦਾਹਰਨ ਇਹ ਹੈ ਕਿ ਸ਼੍ਰੀਦੇਵੀ ਦੀ ਬੇਟੀ ਜਾਹਨਵੀ ਕਪੂਰ ਤੇ ਸ਼ਾਹਰੁਖ ਖਾਨ ਦੀ ਬੇਟੀ ਸੁਹਾਨਾ ਖਾਨ ਇੰਨੀ ਦਿਨੀਂ ਇੰਟਰਨੈੱਟ 'ਤੇ ਸਨਸਨੀ ਫੈਲਾ ਰਹੀਆਂ ਹਨ। ਅਜਿਹੇ 'ਚ ਬਿੱਗ ਬੀ ਦੀ ਦੋਹਤੀ ਨਵਿਆ ਨਵੇਲੀ ਕਿਵੇਂ ਪਿੱਛੇ ਰਹਿ ਸਕਦੀ ਹੈ।
ਉਹ ਵੀ ਆਏ ਦਿਨੀਂ ਕਿਸੇ ਨਾ ਕਿਸੇ ਵਜ੍ਹਾ ਨਾਲ ਸੁਰਖੀਆਂ 'ਚ ਆ ਹੀ ਜਾਂਦੀ ਹੈ। ਹਾਲ ਹੀ 'ਚ ਨਵਿਆ ਮੁੰਬਈ ਦੇ ਕਿਸੇ 'ਮਸਾਜ ਪਾਰਲਰ' 'ਚ ਪੁੱਜੀ ਸੀ, ਜਿਥੇ ਉਹ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ।
ਉਸ ਦੀਆਂ ਇਹ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਇੰਟਰਨੈੱਟ 'ਤੇ ਉਸ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਲੋਕਾਂ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ।
ਅਸਲ 'ਚ ਦੇਸ਼ ਦੇ ਸਭ ਤੋਂ ਚਰਚਿਤ ਪਰਿਵਾਰਾਂ 'ਚ ਗਿਣੇ ਜਾਣ ਵਾਲੇ ਅਮਿਤਾਭ ਬੱਚਨ ਦਾ ਪਰਿਵਾਰ ਨਵਿਆ ਕਾਰਨ ਕਈ ਵਾਰ ਸੁਰਖੀਆਂ 'ਚ ਆ ਚੁੱਕਾ ਹੈ ਅਤੇ ਇਸ ਵਾਰ ਵੀ ਦੋਹਤੀ ਕਾਰਨ ਹੀ ਅਮਿਤਾਭ ਦੇ ਪਰਿਵਾਰ ਦੀ ਕਾਫੀ ਬੇਇੱਜਤੀ ਹੋ ਰਹੀ ਹੈ।
ਉਂਝ ਤਾਂ ਅਮਿਤਾਭ ਬੱਚਨ ਦਾ ਪਰਿਵਾਰ ਜ਼ਿਆਦਾਤਰ ਲਾਈਮਲਾਈਟ ਤੋਂ ਦੂਰ ਹੀ ਰਹਿੰਦਾ ਹੈ ਪਰ ਕਦੇ ਐਸ਼ਵਰਿਆ ਰਾਏ ਬੱਚਨ ਤੇ ਕਦੇ ਸ਼ਵੇਤਾ ਨੰਦਾ ਦੀ ਨਰਾਜ਼ਗੀ ਪਰਿਵਾਰ ਨੂੰ ਸੁਰਖੀਆਂ 'ਚ ਲੈ ਆਉਂਦੀਆਂ ਹਨ।
ਦੱਸਣਯੋਗ ਹੈ ਕਿ ਅਮਿਤਾਭ ਬੱਚਨ ਦੀ ਬੇਟੀ ਤੇ ਨਵਿਆ ਦੀ ਮਾਂ ਸ਼ਵੇਤਾ ਨੰਦਾ ਅਦਾਕਾਰੀ ਤੋਂ ਦੂਰ ਰਹਿੰਦੀਆਂ ਹਨ। ਨਵਿਆ ਮਾਮਾ ਅਭਿਸ਼ੇਕ ਬੱਚਨ ਤੇ ਮਾਮੀ ਐਸ਼ਵਰਿਆ ਰਾਏ ਦੇ ਨਕਸ਼ੇ ਕਦਮ 'ਤੇ ਚੱਲਦੇ ਹੋਏ ਇਕ ਸਟਾਰ ਕਿੱਡਜ਼ ਵਾਂਗ ਹਮੇਸ਼ਾ ਸੁਰਖੀਆਂ 'ਚ ਛਾਈ ਰਹਿੰਦੀ ਹੈ। ਖਬਰਾਂ ਮੁਤਾਬਕ ਨਵਿਆ ਵੀ ਬੱਚਨ ਪਰਿਵਾਰ ਵਾਂਗ ਐਕਟਿੰਗ 'ਚ ਹੀ ਆਪਣਾ ਕਰੀਅਰ ਬਣਾਉਣਾ ਚਾਹੁੰਦੀ ਹੈ।
