ਮੁੰਬਈ(ਬਿਊਰੋ)— ਬਾਲੀਵੁੱਡ ਦੇ ਸ਼ਹਿਨਸ਼ਾਹ ਅਮਿਤਾਭ ਬੱਚਨ ਦੀ ਦੋਹਤੀ ਨਵਿਆ ਨਵੇਲੀ ਨੰਦਾ ਅਤੇ ਸ਼ਾਹਰੁਖ ਖਾਨ ਦੇ ਬੇਟੇ ਆਰੀਅਨ ਦੇ ਲਿੰਕਅੱਪਸ ਦੀਆਂ ਖਬਰਾਂ ਲਗਾਤਾਰ ਕਈ ਸਮੇਂ ਤੱਕ ਸੁਣਨ ਨੂੰ ਮਿਲਦੀਆਂ ਰਹੀਆਂ ਸਨ।
ਮੀਜਾਨ ਜਾਫਰੀ ਨਾਲ ਆਈ ਨਜ਼ਰ
ਇਸ ਤੋਂ ਬਾਅਦ ਨਵਿਆ ਦੀ ਹੈਰੀ ਗਿਲਿਸ ਨੂੰ ਡੇਟ ਕਰਨ ਦੀ ਖਬਰਾਂ ਸਾਹਮਣੇ ਆਈ ਅਤੇ ਹੁਣ ਖਬਰ ਹੈ ਕਿ ਇਕ ਹੋਰ ਸਟਾਰ ਕਿੱਡ ਨਾਲ ਨਵਿਆ ਦੀ ਨੇੜਤਾ ਕਾਫੀ ਵੱਧ ਗਈ ਹੈ।
ਸੋਸ਼ਲ ਮੀਡੀਆ 'ਤੇ ਤਸਵੀਰ ਪੋਸਟ ਕਰਦੇ ਸਮੇਂ ਨਵਿਆ ਨੇ ਲਿਖਿਆ, ''#relationshipgoals 😘''. ਨਵਿਆ ਦੀ ਇਹ ਤਸਵੀਰ ਕਾਫੀ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਉਹ ਸਟਾਰ ਕਿੱਡ (ਮਿਸਟਰੀ ਬੁਆਏ) ਵੀ ਉਨ੍ਹਾਂ ਨਾਲ ਹੈ। ਦੋਹਾਂ ਦੀ ਤਸਵੀਰ ਸਾਹਮਣੇ ਆਉਣ ਤੋਂ ਬਾਅਦ ਇਕ ਵਾਰ ਫਿਰ ਨਵਿਆ ਦੇ ਅਫੇਅਰ ਦੀ ਚਰਚਾ ਜ਼ੋਰਾਂ-ਸ਼ੋਰਾਂ 'ਤੇ ਹੈ।
ਤਸਵੀਰ 'ਚ ਦੋਹਾਂ ਵਿਚਕਾਰ ਚੰਗੀ ਬਾਂਡਿੰਗ ਲੱਗ ਰਹੀ ਹੈ। ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇਹ ਲੜਕਾ ਕੌਣ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਸਟਾਰ ਕਿੱਡ ਕਾਮੇਡੀਅਨ, ਐਕਟਰ ਅਤੇ ਹੋਸਟ ਜਾਵੇਦ ਜਾਫਰੀ ਦੇ ਬੇਟੇ ਮੀਜਾਨ ਜਾਫਰੀ ਹਨ। ਵਾਇਰਲ ਹੋ ਰਹੀ ਇਸ ਤਸਵੀਰ 'ਚ ਦੋਵੇਂ ਕਾਫੀ ਕੋਜ਼ੀ ਪੋਜ਼ ਦਿੰਦੀ ਹੋਈ ਸਹਿਜ ਦਿਖ ਰਹੇ ਹਨ।
ਕਾਫੀ ਕਰੀਬ ਬੈਠੇ ਦੋਹਾਂ ਨੇ ਇਕੋਂ ਜਿਹੇ ਕੱਪੜੇ ਪਾਏ ਹੋਏ ਹਨ, ਜਿਸ ਨੂੰ ਲੈ ਕੇ ਦੋਹਾਂ ਦੀ ਡੈਟਿੰਗ ਦੀਆਂ ਖਬਰਾਂ ਫੈਲ ਰਹੀਆਂ ਹਨ। ਜ਼ਿਕਰਯੋਗ ਹੈ ਕਿ ਅਜਿਹਾ ਪਹਿਲੀ ਵਾਰ ਨਹੀਂ ਹੈ, ਜਦੋਂ ਨੂੰ ਇੱਕਠੇ ਦੇਖਿਆ ਗਿਆ ਹੋਵੇ। ਦੋਹਾਂ ਨੂੰ ਅਕਸਰ ਇਕੱਠੇ ਪਾਰਟੀ ਕਰਦੇ ਹੋਏ ਸਪਾਟ ਕੀਤਾ ਗਿਆ ਹੈ।
ਇੱਥੇ ਇਹ ਵੀ ਦੱਸਣਯੋਗ ਹੈ ਕਿ ਮੀਜਾਨ ਜਲਦ ਹੀ ਸੰਜੇ ਲੀਲਾ ਭੰਸਾਲੀ ਦੀ ਫਿਲਮ ਨਾਲ ਬਾਲੀਵੁੱਡ 'ਚ ਐਂਟਰੀ ਕਰਨਗੇ।