ਮੁੰਬਈ (ਬਿਊਰੋ)— ਬਾਲੀਵੁੱਡ 'ਚ ਆਪਣੇ ਗੰਭੀਰ ਅਭਿਨੈ ਲਈ ਮਸ਼ਹੂਰ ਨਵਾਜ਼ੂਦੀਨ ਸਿੱਦੀਕੀ, ਸੁਨੀਲ ਸ਼ੈਟੀ ਦੀ ਬੇਟੀ ਆਥਿਆ ਸ਼ੈੱਟੀ ਨਾਲ ਕਾਮੇਡੀ ਫਿਲਮ 'ਚ ਕੰਮ ਕਰਦੇ ਨਜ਼ਰ ਆਉਣਗੇ। ਫਿਲਮ ਦਾ ਨਾਂ 'ਮੋਤੀਚੂਰ ਚਕਨਾਚੂਰ' ਹੈ। ਇਸ ਫਿਲਮ ਦੀ ਸ਼ੂਟਿੰਗ ਜਲਦੀ ਹੀ ਲਖਨਊ 'ਚ ਸ਼ੁਰੂ ਹੋਣ ਜਾ ਰਹੀ ਹੈ। ਫਿਲਮ ਦੀ ਕਹਾਣੀ ਨੂੰ ਸੁਣਦਿਆਂ ਹੀ ਨਵਾਜ਼ੂਦੀਨ ਨੇ ਫਿਲਮ ਲਈ ਤੁਰੰਤ ਹਾਂ ਕਰ ਦਿੱਤੀ। ਉਹ ਚਾਹੁੰਦਾ ਹੈ ਕਿ ਇਸ ਸਾਲ ਉਸ ਸ਼ੂਟਿੰਗ ਪੂਰੀ ਹੋ ਜਾਵੇ। ਇਸ ਫਿਲਮ ਨਾਲ ਦੇਬਮਿੱਤਰ ਹਸਨ ਨਿਰਦੇਸ਼ਕ ਦੇ ਤੌਰ 'ਤੇ ਡੈਬਿਊ ਕਰਨ ਜਾ ਰਹੇ ਹਨ। ਫਿਲਮ ਨਿਰਮਾਤਾ ਰਾਕੇਸ਼ ਭਾਟੀਆ ਨੇ ਦੱਸਿਆ ਕਿ ਇਸ ਫਿਲਮ 'ਚ ਸਾਰਿਆਂ ਦਾ ਅੰਦਾਜ਼ ਮਜ਼ਾਕੀਆ ਹੋਵੇਗਾ। ਨਾਲ ਹੀ ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਨਵਾਜ਼ੂਦੀਨ ਤੇ ਆਥਿਆ ਇਕੱਠੇ ਨਜ਼ਰ ਆਉਣਗੇ। ਫਿਲਮ ਦੀ ਕਹਾਣੀ ਲਾੜੀ ਤੇ ਲਾੜੇ ਦੇ ਪਰਿਵਾਰਾਂ ਵਿਚਾਲੇ ਕਾਮੇਡੀ 'ਤੇ ਆਧਾਰਿਤ ਹੈ।