ਮੁੰਬਈ (ਬਿਊਰੋ) — ਸੈਲੀਬ੍ਰਿਟੀ ਸ਼ੈੱਫ ਤੋਂ ਫਿਲਮਮੇਕਰ ਬਣੇ ਵਿਕਾਸ ਖੰਨਾ ਦੀ ਪਹਿਲੀ ਫਿਲਮ 'ਦਿ ਲਾਸਟ ਕਲਰ' ਨੇ ਆਸਕਰ ਐਵਾਰਡਜ਼ ਦੀ ਫੀਚਰ ਫਿਲਮਸ ਦੀ ਲਿਸਟ ਵਿਚ ਜਗ੍ਹਾ ਬਣਾਈ ਹੈ। ਇਸ ਉਬਲੱਬਧੀ ਤੋਂ ਵਿਕਾਸ ਖੰਨਾ ਕਾਫੀ ਖੁਸ਼ ਹੈ ਕਿਉਂਕਿ ਉਸ ਦੀ ਡੈਬਿਊ ਫਿਲਮ ਹੀ ਆਸਕਰ ਲਈ ਨਾਮਜ਼ਦ ਹੋ ਗਈ ਹੈ।
ਵਿਕਾਸ ਖੰਨਾ ਨੇ ਆਪਣੇ ਟਵਿਟਰ ਹੈਂਡਲ 'ਤੇ ਲਿਖਿਆ, ''2020 ਦੀ ਸਭ ਤੋਂ ਵੱਡੀ ਸ਼ੁਰੂਆਤ, ਮਿਰੇਕਲ...ਯੂਨੀਵਰਸ ਤੁਹਾਡਾ ਸ਼ੁਕਰੀਆ। ਸਾਡੀ ਹੰਬਲ ਫਿਲਮ 'ਦਿ ਲਾਸਟ ਕਲਰ' ਪਿਓਰਹਾਰਟ ਹੈ।'' ਆਸਕਰ ਅਕੈਡਮੀ ਨੇ ਸਾਲ 2019 ਦੀਆਂ 344 ਬੈਸਟ ਫਿਲਮਾਂ ਦਾ ਐੈਲਾਨ ਕੀਤਾ ਹੈ।
ਫਿਲਮ ਦੀ ਅਦਾਕਾਰਾ ਨੀਨਾ ਗੁਪਤਾ ਨੇ ਵਿਕਾਸ ਖੰਨਾ ਦਾ ਟਵੀਟ ਰੀ-ਟਵੀਟ ਕੀਤਾ ਤੇ ਲਿਖਿਆ, ''ਵਿਸ਼ਵਾਸ ਨਹੀਂ ਹੋ ਰਿਹਾ, ਮੈਂ ਖੁਸ਼ ਹਾਂ।'' ਇਸ ਤੋਂ ਇਲਾਵਾ ਨੀਨਾ ਗੁਪਤਾ ਤੇ ਵਿਕਾਸ ਖੰਨਾ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਖੁਸ਼ੀ ਜ਼ਾਹਿਰ ਕਰਦੇ ਹੋਏ ਹੋਰ ਵੀ ਪੋਸਟਾਂ ਸ਼ੇਅਰ ਕੀਤੀਆਂ ਹਨ।
ਇਸ ਫਿਲਮ ਨੂੰ ਭਾਰਤ 'ਚ ਹਾਲੇ ਤੱਕ ਰਿਲੀਜ਼ ਹੋਣ ਦਾ ਮੌਕਾ ਨਹੀਂ ਮਿਲਿਆ ਹੈ, ਉਥੇ ਹੀ ਮੁੰਬਈ ਫਿਲਮ ਫੈਸਟੀਵਲ 2019 'ਚ ਇਸ ਫਿਲਮ ਦੀ ਸਕ੍ਰੀਨਿੰਗ ਰੱਖੀ ਗਈ ਸੀ।