ਮੁੰਬਈ(ਬਿਊਰੋ)— ਸਿੰਗਰ ਨੀਤੀ ਮੋਹਨ ਐਕਟਰ ਨਿਹਾਰ ਪਾਂਡਿਆ ਨਾਲ ਵਿਆਹ ਦੇ ਬੰਧਨ 'ਚ ਬੱਝਣ ਜਾ ਰਹੀ ਹੈ। ਵਿਆਹ 14-15 ਫਰਵਰੀ ਯਾਨੀ ਅੱਜ ਅਤੇ ਕੱਲ ਤੱਕ ਸੰਪੰਨ ਹੋ ਜਾਵੇਗਾ। ਨੀਤੀ ਦਾ ਸਪੈਸ਼ਲ ਪ੍ਰੀ-ਬ੍ਰਾਈਡਲ ਫੋਟੋਸ਼ੂਟ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਨੀਤੀ ਨੇ ਆਪਣੀਆਂ ਪਿਆਰੀਆਂ ਭੈਣਾਂ ਨਾਲ ਵਿਆਹ ਤੋਂ ਪਹਿਲਾਂ ਖਾਸ ਫੋਟੋਸ਼ੂਟ ਕਰਵਾਇਆ ਹੈ। ਇਸ 'ਚ ਨੀਤੀ ਦਾ ਟ੍ਰੈਡੀਸ਼ਨਲ ਲੁੱਕ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਦੌਰਾਨ ਸਾਰੀਆਂ ਭੈਣਾਂ ਕਾਫੀ ਉਤਸ਼ਾਹਿਤ ਦਿਸੀਆਂ। ਫੋਟੋਸ਼ੂਟ ਦੌਰਾਨ ਸਾਰੀਆਂ ਹੀ ਬੇਹੱਦ ਖੂਬਸੂਰਤ ਦਿਖਾਈ ਦੇ ਰਹੀਆਂ ਸਨ। ਨੀਤੀ ਨੇ ਬਲੂ ਕਲਰ ਦਾ ਲਹਿੰਗਾ ਕੈਰੀ ਕੀਤਾ ਹੋਇਆ ਸੀ। ਉੱਥੇ ਹੀ ਉਸ ਦੀਆਂ ਭੈਣਾਂ ਕਰੀਮ ਕਲਰ ਦੇ ਆਊਟਫਿੱਟ 'ਚ ਦਿਖਾਈ ਦਿੱਤੀਆਂ। ਖਬਰ ਮੁਤਾਬਕ ਨੀਤੀ ਅਤੇ ਨਿਹਾਰ ਦਾ ਵਿਆਹ ਹੈਦਰਾਬਾਦ 'ਚ ਹੋਵੇਗਾ। ਇਸ ਤੋਂ ਬਾਅਦ ਦੋਵੇਂ ਮੁੰਬਈ 'ਚ ਰਿਸੈਪਸ਼ਨ ਪਾਰਟੀ ਕਰਨਗੇ। ਦੱਸ ਦੇਈਏ ਕਿ ਨੀਤੀ ਅਤੇ ਨਿਹਾਰ ਪਿੱਛਲੇ 4 ਸਾਲ ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ। ਨੀਤੀ ਤੋਂ ਪਹਿਲਾਂ ਨਿਹਾਰ ਦੀਪਿਕਾ ਪਾਦੂਕੋਣ ਨਾਲ ਰਿਲੇਸ਼ਨਸ਼ਿਪ 'ਚ ਸਨ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਨੀਤੀ ਨੇ ਬਾਲੀਵੁੱਡ 'ਚ ਕਈ ਮਸ਼ਹੂਰ ਗੀਤ ਗਾਏ ਹਨ।