ਮੁੰਬਈ(ਬਿਊਰੋ)— ਨੀਤੂ ਕਪੂਰ ਨੂੰ ਹਿੰਦੀ ਸਿਨੇਮਾਜਗਤ 'ਚ 53 ਸਾਲ ਹੋ ਗਏ ਹਨ। ਨੀਤੂ ਕਪੂਰ ਨੇ ਬਾਲੀਵੁੱਡ 'ਚ ਬਤੌਰ ਬਾਲ ਕਲਾਕਾਰ ਦੇ ਰੂਪ 'ਚ ਐਂਟਰੀ ਕੀਤੀ ਸੀ ਅਤੇ ਉਹ ਪਹਿਲੀ ਫਿਲਮ 'ਸੂਰਜ' (1966') 'ਚ ਨਜ਼ਰ ਆਈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ 'ਦੱਸ ਲਾਖ', 'ਵਾਰਿਸ' ਅਤੇ ਪਵਿੱਤਰ ਪਾਪੀ' ਵਰਗੀਆਂ ਕਈ ਫਿਲਮਾਂ ਕੀਤੀਆਂ। ਸਾਲ 1973 'ਚ ਆਈ 'ਯਾਦਾਂ ਦੀ ਬਾਰਾਤ' ਫਿਲਮ 'ਚ ਨੀਤੂ ਕਪੂਰ ਨੂੰ ਇਕ ਡਾਂਸ ਨੇ ਸਟਾਰ ਬਣਾ ਦਿੱਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਨੀਤੂ ਕਪੂਰ ਅੱਜ ਆਪਣਾ 61ਵਾਂ ਜਨਮਦਿਨ ਮਨਾ ਰਹੀ ਹੈ। ਤਸਵੀਰਾਂ ਰਾਹੀਂ ਤੁਹਾਨੂੰ ਦਿਖਾਉਂਦੇ ਹਾਂ ਕਿ 53 ਸਾਲ 'ਚ ਨੀਤੂ ਕਪੂਰ ਕਿੰਨੀ ਬਦਲ ਗਈ ਹੈ। ਨੀਤੂ ਸਿੰਘ ਦਾ ਅਸਲੀ ਨਾਮ ਹਰਨੀਤ ਕੌਰ ਸਿੰਘ ਹੈ, ਜਿਨ੍ਹਾਂ ਨੂੰ ਅੱਜ ਲੋਕ ਨੀਤੂ ਕਪੂਰ ਦੇ ਨਾਮ ਨਾਲ ਜਾਣਦੇ ਹਨ। ਨੀਤੂ ਨੇ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ 8 ਸਾਲ ਦੀ ਉਮਰ 'ਚ ਕੀਤੀ ਸੀ। 15 ਸਾਲ ਦੀ ਉਮਰ 'ਚ ਨੀਤੂ ਕਪੂਰ ਨੇ 'ਰਿਕਸ਼ਾਵਾਲਾ' ਫਿਲਮ ਨਾਲ ਬਤੌਰ ਲੀਡ ਅਦਾਕਾਰਾ ਡੈਬਿਊ ਕੀਤਾ ਸੀ। ਹਾਲਾਂਕਿ ਉਨ੍ਹਾਂ ਦੀ ਇਹ ਫਿਲਮ ਬਾਕਸ ਆਫਿਲ 'ਤ ਬੁਰੀ ਤਰ੍ਹਾਂ ਫਲਾਪ ਰਹੀ। ਲਗਾਤਾਰ ਫਲਾਪ ਫਿਲਮਾਂ ਤੋਂ ਬਾਅਦ ਨੀਤੂ ਕਪੂਰ ਨੇ 'ਯਾਦਾਂ ਦੀ ਬਾਰਾਤ' ਫਿਲਮ 'ਚ ਡਾਂਸਰ ਦਾ ਕਿਰਦਾਰ ਨਿਭਾਉਣ ਦਾ ਫੈਸਲਾ ਕੀਤਾ। ਇਸ ਫਿਲਮ ਦਾ 'ਲੇਕਰ ਹਮ ਦੀਵਾਨਾ ਦਿਲ' ਗੀਤੀ ਸੁਪਰਹਿੱਟ ਹੋਇਆ। ਨੀਤੂ ਨੇ ਰਿਸ਼ੀ ਕਪੂਰ ਨਾਲ 11 ਫਿਲਮਾਂ 'ਚ ਕੰਮ ਕੀਤਾ। ਨੀਤੂ ਨੇ ਸਿਰਫ 21 ਸਾਲ ਦੀ ਉਮਰ 'ਚ ਹੀ ਰਿਸ਼ੀ ਕਪੂਰ ਨਾਲ ਵਿਆਹ ਕਰਵਾ ਲਿਆ ਸੀ। ਜਿਸ ਤੋਂ ਬਾਅਦ ਉਹ ਲੰਬੇ ਸਮੇਂ ਤੱਕ ਬਾਲੀਵੁੱਡ 'ਤੋਂ ਦੂਰ ਰਹੀ। ਨੀਤੂ ਅਤੇ ਰਿਸ਼ੀ ਦੀ ਲਵ ਸਟੋਰੀ ਕਿਸੇ ਫਿਲਮੀ ਕਹਾਣੀ ਤੋਂ ਘੱਟ ਨਹੀਂ ਹੈ। ਇਨ੍ਹਾਂ ਦੋਵਾਂ ਦੀ ਪਹਿਲੀ ਮੁਲਾਕਾਤ 'ਬਾਬੀ' ਫਿਲਮ ਦੀ ਸ਼ੂਟਿੰਗ ਦੌਰਾਨ ਹੋਈ। ਕਿਹਾ ਜਾਂਦਾ ਹੈ ਕਿ ਨੀਤੂ ਦੀ ਸਾਦਗੀ ਰਿਸ਼ੀ ਨੂੰ ਬਹੁਤ ਪਸੰਦ ਆਈ ਸੀ ਅਤੇ ਉਹ ਪਹਿਲੀ ਨਜ਼ਰ 'ਚ ਹੀ ਨੀਤੂ ਨੂੰ ਦਿਲ ਦੇ ਬੈਠੇ ਸਨ। ਨੀਤੂ ਕਪੂਰ ਆਖਿਰੀ ਵਾਰ ਰਣਬੀਰ ਕਪੂਰ ਦੀ ਫਿਲਮ 'ਬੇਸ਼ਰਮ' 'ਚ ਨਜ਼ਰ ਆਈ ਸੀ। ਇਸ ਫਿਲਮ 'ਚ ਨੀਤੂ ਕਪੂਰ ਤੋਂ ਇਲਾਵਾ ਰਿਸ਼ੀ ਕਪੂਰ ਵੀ ਸਨ। ਨੀਤੂ ਕਪੂਰ ਨੂੰ ਇੰਡਸਟਰੀ 'ਚ 53 ਸਾਲ ਹੋ ਗਏ ਹਨ। ਉਦੋਂ ਤੋਂ ਹੁਣ ਤੱਕ ਉਨ੍ਹਾਂ ਦੀ ਲੁੱਕ 'ਚ ਕਾਫੀ ਬਦਲਾਅ ਆਏ ਹਨ। ਇਸ ਸਮੇਂ ਨੀਤੂ ਕਪੂਰ ਰਿਸ਼ੀ ਕਪੂਰ ਨਾਲ ਨਿਊਯਾਰਕ 'ਚ ਹਨ।