ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਅੰਗਦ ਬੇਦੀ ਤੇ ਨੇਹਾ ਧੂਪੀਆ ਨੇ ਇਸ ਸਾਲ ਵਿਆਹ ਦੇ ਬੰਧਨ 'ਚ ਬੰਝੇ ਸਨ। ਦੋਵਾਂ ਨੇ ਗੁਪਤ ਤਰੀਕੇ ਨਾਲ ਵਿਆਹ ਕਰਵਾ ਕੇ ਫੈਨਜ਼ ਦੇ ਨਾਲ-ਨਾਲ ਬਾਲੀਵੁੱਡ ਜਗਤ ਨੂੰ ਵੀ ਹੈਰਾਨ ਕੀਤਾ ਸੀ। ਇਸ ਤੋਂ ਕੁਝ ਸਮੇਂ ਬਾਅਦ ਹੀ ਨੇਹਾ ਦੇ ਪ੍ਰੈਗਨੈਂਟ ਹੋਣ ਦੀ ਖਬਰ ਆ ਗਈ, ਜਿਸ 'ਤੇ ਦੋਵਾਂ ਵੱਲੋਂ ਕੋਈ ਬਿਆਨ ਸਾਹਮਣੇ ਨਹੀਂ ਆਇਆ। ਹਾਲ ਹੀ 'ਚ ਅੰਗਦ ਫਿਲਮ 'ਸੂਰਮਾ' 'ਚ ਨਜ਼ਰ ਆਇਆ ਸੀ, ਜਿਸ ਦੇ ਪ੍ਰਮੋਸ਼ਨ ਈਵੈਂਟ 'ਚ ਅੰਗਦ ਨੂੰ ਨੇਹਾ ਦੀ ਪ੍ਰੈਗਨੈਂਸੀ ਬਾਰੇ ਪੁੱਛਿਆ ਗਿਆ ਸੀ ਤਾਂ ਉਸ ਨੇ ਇਸ ਖਬਰ ਨੂੰ ਗਲਤ ਦੱਸਿਆ ਸੀ। ਹੁਣ ਹਾਲ ਹੀ 'ਚ ਨੇਹਾ ਨੂੰ ਇਹੀ ਸਵਾਲ ਕੀਤਾ ਗਿਆ ਤਾਂ ਉਸ ਦਾ ਕੋਈ ਜਵਾਬ ਨਹੀਂ ਦਿੱਤਾ।
ਹਾਲ ਹੀ 'ਚ ਹੋਏ 'ਜੀ ਕਿਊ ਡਰੈੱਸਡ ਐਵਾਰਡ' 'ਚ ਜਦੋਂ ਮੁੜ ਇਹੀ ਸਵਾਲ ਆਇਆ ਤਾਂ ਦੋਵਾਂ ਨੇ ਕਿਹਾ ਕਿ ਅਜੇ ਅਜਿਹਾ ਕੁਝ ਨਹੀਂ ਜਦੋਂ ਅਜਿਹੀ ਕੋਈ ਖਬਰ ਹੋਈ ਤਾਂ ਅਸੀਂ ਆਪ ਹੀ ਗੱਲ ਕਰਾਂਗੇ। ਇਸ ਦੇ ਨਾਲ ਹੀ ਅੰਗਦ ਨੇ ਕਿਹਾ, ''ਫੈਮਿਲੀ ਪਲਾਂਨਿੰਗ ਤੋਂ ਪਹਿਲਾਂ ਅਸੀਂ ਇਕ ਸ਼ਾਨਦਾਰ ਘਰ ਖਰੀਦਾਂਗੇ।''
ਹੁਣ ਲੱਗਦਾ ਹੈ ਕਿ ਇਹ ਕੱਪਲ ਜਲਦ ਹੀ ਖੁਸ਼ਖਬਰੀ ਦਾ ਐਲਾਨ ਕਰਨ ਵਾਲਾ ਹੈ। ਸਭ ਨੂੰ ਉਡੀਕ ਹੈ ਦੋਵਾਂ ਵਲੋਂ ਇਸ ਖੁਸ਼ਖਬਰੀ ਦਾ ਐਲਾਨ ਕਰਨ ਦੀ। ਜੇਕਰ ਨੇਹਾ ਦੇ ਕੰਮ ਦੀ ਗੱਲ ਕੀਤੀ ਜਾਵੇ ਤਾਂ ਉਹ ਹਾਲ ਹੀ 'ਚ ਐੱਮ. ਟੀ. ਵੀ. ਦੇ ਸ਼ੋਅ 'ਰੋਡੀਜ਼' 'ਚ ਨਜ਼ਰ ਆਈ ਸੀ। ਜਲਦ ਹੀ ਨੇਹਾ ਕਾਜੋਲ ਦੀ ਫਿਲਮ 'ਹੈਲੀਕਾਪਟਰ ਈਲਾ' ਚ' ਵੀ ਨਜ਼ਰ ਆਵੇਗੀ। ਫਿਲਮ ਨੂੰ ਅਜੇ ਦੇਵਗਨ ਨੇ ਕੋ-ਪ੍ਰੋਡਿਊਸ ਕੀਤਾ ਹੈ ਤੇ ਇਸ 'ਚ ਲੀਡ ਰੋਲ ਕਾਜੋਲ ਨਿਭਾਉਂਦੀ ਨਜ਼ਰ ਆਵੇਗੀ।