ਮੁੰਬਈ (ਬਿਊਰੋ)— ਅੰਗਦ ਬੇਦੀ ਦੀ ਫਿਲਮ 'ਸੂਰਮਾ' ਅੱਜ ਰਿਲੀਜ਼ ਹੋ ਗਈ ਹੈ। ਇਸ ਫਿਲਮ 'ਚ ਉਹ ਅਹਿਮ ਭੂਮਿਕਾ ਨਿਭਾਉਂਦੇ ਨਜ਼ਰ ਆ ਰਹੇ ਹਨ। ਨੇਹਾ ਧੂਪੀਆ ਨਾਲ ਵਿਆਹ ਤੋਂ ਬਾਅਦ ਉਹ ਪਹਿਲੀ ਵਾਰ ਸਕ੍ਰੀਨ 'ਤੇ ਨਜ਼ਰ ਆ ਰਹੇ ਹਨ। ਇਸ ਸਾਲ ਹੋਇਆ ਅੰਗਦ-ਨੇਹਾ ਦਾ ਵਿਆਹ ਕਾਫੀ ਚਰਚਾ 'ਚ ਰਿਹਾ। ਇਕ ਇੰਟਰਵਿਊ ਦੌਰਾਨ ਅੰਗਦ ਨੇ ਆਪਣੇ ਵਿਆਹ ਤੇ ਨੇਹਾ ਧੂਪੀਆ ਦੀ ਉਸ ਆਦਤ ਬਾਰੇ ਦੱਸਿਆ, ਜਿਸ ਨੂੰ ਉਹ ਬਿਲਕੁਲ ਪਸੰਦ ਨਹੀਂ ਕਰਦੇ। ਅੰਗਦ ਨੇ ਕਿਹਾ, 'ਨੇਹਾ ਦੀ ਈਮਾਨਦਾਰੀ ਤੇ ਬੇਬਾਕ ਹੋਣਾ ਮੈਨੂੰ ਪਸੰਦ ਹੈ ਪਰ ਇਹ ਵੀ ਸੱਚ ਹੈ ਕਿ ਮੈਨੂੰ ਨੇਹਾ ਦੀ ਇਸ ਆਦਤ ਤੋਂ ਨਫਰਤ ਵੀ ਹੈ। ਮੈਂ ਨੇਹਾ 'ਚ ਕੋਈ ਬਦਲਾਅ ਨਹੀਂ ਕਰਨਾ ਚਾਹੁੰਦਾ, ਉਹ ਜਿਸ ਤਰ੍ਹਾਂ ਦੀ ਹੈ, ਮੈਨੂੰ ਪਸੰਦ ਹੈ। ਹੁਣੇ ਬਦਲਾਅ ਕਰਾਂਗਾ ਤਾਂ ਮਜ਼ਾ ਨਹੀਂ ਆਵੇਗਾ।' ਦੱਸਣਯੋਗ ਹੈ ਕਿ ਅੰਗਦ ਤੇ ਨੇਹਾ ਪਿਛਲੇ 15 ਸਾਲਾਂ ਤੋਂ ਇਕ-ਦੂਜੇ ਨੂੰ ਜਾਣਦੇ ਹਨ। ਅੰਗਦ ਨੇ ਦੱਸਿਆ, 'ਜਦੋਂ ਮੈਂ ਵਿਆਹ ਬਾਰੇ ਪਰਿਵਾਰ ਨੂੰ ਦੱਸਣ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਹੁਣੇ ਕਰੋ ਜਾਂ ਸਰਦੀਆਂ 'ਚ ਕਰੋ, ਗੱਲ ਤਾਂ ਇਕ ਹੀ ਹੈ। ਅਸੀਂ ਦੋਵੇਂ 4 ਦਿਨਾਂ ਲਈ ਫ੍ਰੀ ਸੀ। ਇਸ ਲਈ ਸਾਡਾ ਵਿਆਹ ਜਲਦਬਾਜ਼ੀ 'ਚ ਹੋਇਆ।'