ਮੁੰਬਈ(ਬਿਊਰੋ)- ਸਾਲ 2002 ’ਚ ‘ਫੇਮਿਨਾ ਮਿਸ ਇੰਡੀਆ’ ਦਾ ਖਿਤਾਬ ਜਿੱਤਣ ਵਾਲੀ ਨੇਹਾ ਧੂਪੀਆ ਅੱਜ ਆਪਣਾ 39ਵਾਂ ਜਨਮਦਿਨ ਮਨਾ ਰਹੀ ਹੈ। ਉਨ੍ਹਾਂ ਨੇ ਕਈ ਫਿਲਮਾਂ ’ਚ ਕਾਫੀ ਬੋਲਡ ਰੋਲ ਕੀਤੇ। ਹਾਲਾਂਕਿ ਉਨ੍ਹਾਂ ਨੂੰ ਫਿਲਮਾਂ ’ਚ ਜ਼ਿਆਦਾ ਸਫਲਤਾ ਨਾ ਮਿਲੀ। ਫਿਲਮ ‘ਜੂਲੀ’ ਦੇ ਬੋਲਡ ਕਿਰਦਾਰ ਲਈ ਨੇਹਾ ਧੂਪੀਆ ਨੂੰ ਆਲੋਚਨਾ ਦਾ ਵੀ ਸਾਹਮਣਾ ਕਰਨਾ ਪਿਆ। ਨੇਹਾ ਨੇ ਅੰਗਦ ਬੇਦੀ ਨਾਲ 10 ਮਈ 2018 ਨੂੰ ਦਿੱਲੀ ’ਚ ਗੁਪਤ ਤਰੀਕੇ ਨਾਲ ਵਿਆਹ ਕਰਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ। ਹਾਲਾਂਕਿ ਅੰਗਦ ਬੇਦੀ ਨੇ ਨੇਹਾ ਨੂੰ ਬਹੁਤ ਪਹਿਲਾਂ ਪ੍ਰਪੋਜ਼ ਕੀਤਾ ਸੀ ਪਰ ਉਸ ਸਮੇਂ ਨੇਹਾ ਕਿਸੇ ਹੋਰ ਦੇ ਪਿਆਰ ’ਚ ਦੀਵਾਨੀ ਸੀ ਅਤੇ ਉਨ੍ਹਾਂ ਨੇ ਅੰਗਦ ਨੂੰ ਮਨ੍ਹਾ ਕਰ ਦਿੱਤਾ ਸੀ। ਦੱਸ ਦੇਈਏ ਕਿ ਵਿਆਹ ਤੋਂ ਪਹਿਲਾਂ ਨੇਹਾ ਦੇ ਅਫੇਅਰਸ ਦੇ ਚਰਚੇ ਬਹੁਤ ਮਸ਼ਹੂਰ ਰਹੇ ਹਨ। ਨੇਹਾ ਦਾ ਯੁਵਰਾਜ ਸਿੰਘ, ਸਕਵੈਸ਼ ਪਲੇਅਰ ਰਿਤਵਿਕ ਭੱਟਾਚਾਰਿਆ ਨਾਲ ਅਫੇਅਰ ਚਰਚਾ ’ਚ ਰਿਹਾ। ਰਿਤਵਿਕ ਨਾਲ ਤਾਂ ਨੇਹਾ ਧੂਪੀਆ ਦਾ ਕਰੀਬ 10 ਸਾਲ ਤੱਕ ਰਿਲੇਸ਼ਨ ਰਿਹਾ। ਇਹ ਦੋਵੇਂ ਅਕਸਰ ਹੀ ਇਕ-ਦੂਜੇ ਨਾਲ ਦੇਖੇ ਜਾਂਦੇ ਸਨ ਪਰ ਅਚਾਨਕ 2010 ’ਚ ਇਨ੍ਹਾਂ ਦਾ ਬ੍ਰੇਕਅੱਪ ਹੋ ਗਿਆ। ਹਾਲਾਂਕਿ ਦੋਵਾਂ ਨੇ ਬ੍ਰੇਕਅੱਪ ਕਾਰਨ ਕਦੇ ਨਹੀਂ ਦੱਸਿਆ । ਇਸ ਤੋਂ ਬਾਅਦ ਨੇਹਾ ਦਾ ਨਾਮ ਯੁਵਰਾਜ ਸਿੰਘ ਨਾਲ ਜੁੜਿਆ । ਦੋਵਾਂ ਦਾ ਅਫੇਅਰ ਕਾਫੀ ਚਰਚਾ ’ਚ ਰਿਹਾ। ਸਾਲ 2014 ਤੋਂ ਦੋਵੇਂ ਇਕੱਠੇ ਦੇਖੇ ਜਾਣ ਲੱਗੇ। ਕਈ ਪਾਰਟੀਆਂ ਅਤੇ ਇਵੈਂਟਸ ’ਚ ਉਨ੍ਹਾਂ ਨੂੰ ਇਕੱਠੇ ਦੇਖਿਆ ਜਾਣ ਲੱਗਾ। ਇਸ ਤੋਂ ਬਾਅਦ ਅੰਦਾਜ਼ੇ ਲਗਾਏ ਜਾਣ ਲੱਗੇ ਕਿ ਦੋਵੇਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ। ਹਾਲਾਂਕਿ ਬਾਅਦ ’ਚ ਨੇਹਾ ਨੇ ਇਸ ਦਾ ਖੁਲਾਸਾ ਕੀਤਾ। ਇਸ ਤੋਂ ਬਾਅਦ ਨੇਹਾ ਦਾ ਨਾਮ ਜੁੜਿਆ ਜੇਮਸ ਸਿਲਵੈਸਟਰ ਨਾਲ। ਹਾਲਾਂਕਿ ਦੋਵਾਂ ਦਾ ਰਿਸ਼ਤਾ ਜ਼ਿਆਦਾ ਨਾ ਚਲਿਆ ਅਤੇ ਕਰੀਬ 3 ਸਾਲ ਡੇਟ ਕਰਨ ਤੋਂ ਬਾਅਦ ਦੋਵਾਂ ਦਾ ਬ੍ਰੇਕਅੱਪ ਹੋ ਗਿਆ। ਇਸ ਰਿਲੇਸ਼ਨਸ਼ਿਪ ਦੇ ਬ੍ਰੇਕ ਹੋਣ ਨੂੰ ਲੈ ਕੇ ਕਿਹਾ ਗਿਆ ਸੀ ਕਿ ਇਨ੍ਹਾਂ ਵਿਚਕਾਰ ਇਹ ਲੌਂਗ ਡਿਸਟੈਂਸ ਹੀ ਮੁੱਖ ਕਾਰਨ ਸੀ। ਆਖ਼ਿਰਕਾਰ 10 ਮਈ ਨੂੰ ਅਦਾਕਾਰ ਨੇ ਬੈਸਟ ਫਰੈਂਡ ਅੰਗਦ ਬੇਦੀ ਨਾਲ ਵਿਆਹ ਕਰਵਾ ਲਿਆ। ਦੋਵਾਂ ਦੀ ਇਕ ਧੀ ਵੀ ਹੈ। ਫਿਲਮਾਂ ਤੋਂ ਦੂਰ ਨੇਹਾ ਧੂਪੀਆ ਇਨ੍ਹੀਂ ਦਿਨੀਂ ਆਪਣੇ ਪਰਿਵਾਰ ਨਾਲ ਸਮਾਂ ਬਿਤਾ ਰਹੀ ਹੈ। ਨੇਹਾ ਧੂਪੀਆ ਨੇ ਸਾਲ 2002 ’ਚ ‘ਫੇਮਿਨਾ ਮਿਸ ਇੰਡੀਆ’ ਦਾ ਖਿਤਾਬ ਜਿੱਤਿਆ ਸੀ। ਨੇਹਾ ਨੇ ‘ਕਿਆਮਤ‘, ‘ਜੂਲੀ‘ ਅਤੇ ‘ਸ਼ੀਸ਼ਾ‘ ਵਰਗੀਆਂ ਕਈ ਫਿਲਮਾਂ ’ਚ ਬਿਹਤਰ ਕੰਮ ਕੀਤਾ ਹੈ।