ਜਲੰਧਰ (ਬਿਊਰੋ) : ਸੁਰਾਂ ਦੀ ਮੱਲਿਕਾ ਨੇਹਾ ਕੱਕੜ ਅੱਜ ਆਪਣਾ 30ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਉਨ੍ਹਾਂ ਦਾ ਜਨਮ 6 ਦਸੰਬਰ 1988 ਨੂੰ ਰਿਸ਼ੀਕੇਸ਼, ਉਤਰਾਖੰਡ 'ਚ ਹੋਇਆ। ਦਿੱਲੀ 'ਚ 'ਜਾਗਰਣ' ਤੇ 'ਮਾਤਾ ਦੀ ਚੌਕੀ' ਨਾਲ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ ਨੇਹਾ ਕੱਕੜ ਨੇ ਬਚਪਨ ਤੋਂ ਹੀ ਗਾਉਣਾ ਸ਼ੁਰੂ ਕਰ ਦਿੱਤਾ ਸੀ।
ਨੇਹਾ ਕੱਕੜ ਦੇ ਲੋਕਪ੍ਰਿਯ ਗੀਤ
ਨੇਹਾ ਕੱਕੜ ਦਿੱਲੀ 'ਚ ਹੀ ਵੱਡੀ ਹੋਈ। ਉਨ੍ਹਾਂ ਦੀ ਭੈਣ ਸੋਨੂੰ ਕੱਕੜ ਤੇ ਭਰਾ ਟੋਨੀ ਕੱਕੜ ਨੇ ਵੀ ਗਾਇਕੀ 'ਚ ਕਰੀਅਰ ਬਣਾਉਣ ਦਾ ਰਸਤੀ ਚੁਣਿਆ। ਸਾਲ 2016 'ਚ 'ਇੰਡੀਅਨ ਆਈਡਲ 2' 'ਚ ਪ੍ਰਤੀਯੋਗੀ ਰਹੀ ਨੇਹਾ ਕੱਕੜ ਫਾਈਨਲ ਤੱਕ ਪਹੁੰਚੀ।
ਨੇਹਾ ਕੱਕੜ ਨੇ ਬਾਲੀਵੁੱਡ ਗੀਤਾਂ 'ਚ ਵੀ ਦਿੱਤੀ ਆਪਣੀ ਆਵਾਜ਼
ਨੇਹਾ ਕੱਕੜ ਹੁਣ ਤੱਕ ਕਈ ਪੰਜਾਬੀ ਤੇ ਬਾਲੀਵੁੱਡ ਗੀਤਾਂ ਨੂੰ ਸੁਰੀਲੀ ਆਵਾਜ਼ 'ਚ ਗਾ ਚੁੱਕੀ ਹੈ। ਅੱਜ ਇਸ ਖਬਰ ਰਾਹੀਂ ਤੁਹਾਨੂੰ ਨੇਹਾ ਕੱਕੜ ਦੇ ਮਸ਼ਹੂਰ ਗੀਤਾਂ ਬਾਰੇ ਦੱਸਣ ਜਾ ਰਹੇ ਹਾਂ, ਜੋ ਲੋਕਾਂ ਵਲੋਂ ਅੱਜ ਵੀ ਖੂਬ ਪਸੰਦ ਕੀਤੇ ਜਾ ਰਹੇ ਹਨ।