ਜਲੰਧਰ (ਬਿਊਰੋ) : ਸੁਰਾਂ ਦਾ ਮੱਲਿਕਾ ਨੇਹਾ ਕੱਕੜ ਤੇ ਹਿਮਾਂਸ਼ ਕੋਹਲੀ ਦਾ ਬ੍ਰੇਕਅੱਪ ਹੋ ਚੁੱਕਾ ਹੈ। ਜੀ ਹਾਂ, ਇਹ ਅਸੀਂ ਨਹੀਂ ਸਗੋਂ ਖੁਦ ਨੇਹਾ ਕੱਕੜ ਆਖ ਰਹੀ ਹੈ। ਦਰਅਸਲ ਨੇਹਾ ਕੱਕੜ ਤੇ ਹਿਮਾਂਸ਼ ਕੋਹਲੀ ਕਾਫੀ ਸਮੇਂ ਤੋਂ ਇਕ-ਦੂਜੇ ਨੂੰ ਫਾਲੋ ਕਰ ਰਹੇ ਸਨ ਪਰ ਅਚਾਨਕ ਦੋਵਾਂ ਨੇ ਇਕ ਦੂਜੇ ਨੂੰ ਇੰਸਟਾਗ੍ਰਾਮ 'ਤੇ ਅਨਫਾਲੋ ਕਰ ਦਿੱਤਾ ਹੈ। ਇੰਨ੍ਹਾਂ ਹੀ ਨਹੀਂ ਨੇਹਾ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਆਪਣੀ ਫੀਲਿੰਗ ਵੀ ਸ਼ੇਅਰ ਕੀਤੀ ਹੈ।
ਨੇਹਾ ਕੱਕੜ ਨੇ ਬੈਕ ਟੂ ਬੈਕ ਕਈ ਪੋਸਟ ਇੰਸਟਾਗ੍ਰਾਮ ਸਟੋਰੀ 'ਤੇ ਪਾਏ ਹਨ ਅਤੇ ਆਪਣੇ ਦਿਲ ਦੇ ਦਰਦ ਨੂੰ ਬਿਆਨ ਕੀਤਾ ਹੈ। ਨੇਹਾ ਨੇ ਇੰਸਟਾ 'ਤੇ ਕੁਝ ਸਟੋਰੀਜ਼ ਪੋਸਟ ਕੀਤੀਆਂ ਹਨ, ਜਿਨ੍ਹਾਂ 'ਚ ਉਸ ਨੇ ਲਿਖਿਆ, ''ਮੈਨੂੰ ਨਹੀਂ ਪਤਾ ਸੀ ਕਿ ਦੁਨੀਆ 'ਚ ਇੰਨੇ ਬੁਰੇ ਲੋਕ ਵੀ ਰਹਿੰਦੇ ਹਨ।
ਖੈਰ... ਸਾਰਾ ਕੁਝ ਗੁਵਾ ਕੇ ਹੋਸ਼ 'ਚ ਹੁਣ ਆਈ, ਮੈਂ ਜਾਣਦੀ ਹਾਂ ਕਿ ਮੈਂ ਇਕ ਸੈਲੀਬ੍ਰਿਟੀਜ਼ ਹਾਂ ਤੇ ਮੈਨੂੰ ਇਹ ਸਭ ਕੁਝ ਨਹੀਂ ਲਿਖਣਾ ਚਾਹੀਦਾ ਪਰ ਮੈਂ ਇਕ ਇਨਸਾਨ ਵੀ ਹਾਂ ਤੇ ਅੱਜ ਕੁਝ ਜ਼ਿਆਦਾ ਹੀ ਟੁੱਟ ਗਈ ਹਾਂ। ਇਸ ਲਈ ਆਪਣੀ ਫੀਲਿੰਗਸ ਨੂੰ ਕੰਟਰੋਲ ਨਹੀਂ ਕਰ ਸਕੀ। ਮੈਂ ਆਪਣਾ ਸਭ ਕੁਝ ਦਿੱਤਾ ਤੇ ਬਦਲੇ 'ਚ ਮਿਲਿਆ...ਸ਼ੇਅਰ ਵੀ ਨਹੀਂ ਕਰ ਸਕਦੀ ਕੀ ਮਿਲਿਆ।
ਦੱਸ ਦੇਈਏ ਕਿ 'ਇੰਡੀਅਨ ਆਈਡਲ' ਦੇ ਮੰਚ 'ਤੇ ਹਿਮਾਂਸ਼ ਕੋਹਲੀ ਨੇ ਨੇਹਾ ਕੱਕੜ ਨੂੰ ਸਰਪ੍ਰਾਈਜ਼ ਦਿੱਤਾ ਸੀ, ਜਿਸ ਤੋਂ ਬਾਅਦ ਦੋਵਾਂ ਨੇ ਰੋਮਾਂਟਿਕ ਤਰੀਕੇ ਨਾਲ ਇਕ-ਦੂਜੇ ਲਈ ਆਪਣਾ ਪਿਆਰ ਕਬੂਲਿਆ ਸੀ ਪਰ ਹੁਣ ਦੋਵਾਂ 'ਚ ਦੂਰੀਆਂ ਆ ਗਈਆਂ ਹਨ।
