ਮੁੰਬਈ (ਬਿਊਰੋ) : ਮਿਸ ਯੂਨੀਵਰਸ 2018 'ਚ ਭਾਰਤ ਦੀ ਨੁਮਾਇੰਦਗੀ ਕਰਨ ਵਾਲੀ ਮਿਸ ਇੰਡੀਆ 2018 ਨੇਹਲ ਚੁਦਾਸਮਾ ਇਸ ਰੇਸ 'ਚੋਂ ਬਾਹਰ ਹੋ ਚੁੱਕੀ ਹੈ। ਇਸ ਸੁੰਦਰਤਾ ਮੁਕਾਬਲੇ 'ਚ ਨੇਹਲ ਟੌਪ 20 'ਚ ਵੀ ਆਪਣੀ ਥਾਂ ਨਹੀਂ ਬਣਾ ਸਕੀ।
ਬੀਤੇ ਐਤਵਾਰ ਥਾਈਲੈਂਡ ਦੇ ਮੁਆਂਗ ਥਾਂਗ ਯਾਨੀ ਮਿਸ ਯੂਨੀਵਰਸ ਮੁਕਾਬਲੇ ਦਾ ਗਰਾਂਡ ਫਿਨਾਲੇ ਸੀ, ਜਿਸ 'ਚ ਨੇਹਲ ਨੂੰ ਕਰਾਰੀ ਹਾਰ ਮਿਲੀ। 2018 ਦਾ ਮਿਸ ਯੂਨੀਵਰਸ ਦਾ ਤਾਜ ਮਿਸ ਫਿਲੀਪੀਨਸ ਕੈਟਰੀਓਨਾ ਗ੍ਰੇ ਦੇ ਸਿਰ ਸਜਿਆ। ਇਸ ਮੁਕਾਬਲੇ 'ਚ 94 ਸੁੰਦਰੀਆਂ ਨੇ ਹਿੱਸਾ ਲਿਆ ਸੀ। 22 ਸਾਲਾ ਨੇਹਲ ਮੁੰਬਈ ਦੀ ਰਹਿਣ ਵਾਲੀ ਹੈ।
ਦੱਸ ਦੇਈਏ ਕਿ ਨੇਹਲ ਪੇਸ਼ੇ ਤੋਂ ਮਾਡਲ ਹੈ। ਮਾਡਲਿੰਗ ਦੇ ਨਾਲ-ਨਾਲ ਨੇਹਲ ਫਿੱਟਨੈੱਸ ਸਲਾਹਕਾਰ ਦਾ ਕੰਮ ਕਰਦੀ ਹੈ। ਇਸ ਤੋਂ ਇਲਾਵਾ ਉਹ ਇੰਡੀਅਨ ਸਪੋਰਟਸ ਨਿਊਟ੍ਰਿਸ਼ਨ ਬਰਾਂਡ ਦੀ 'ਬਰਾਂਡ ਅੰਬੈਸੇਡਰ' ਵੀ ਹੈ।
ਇੰਸਟਾਗ੍ਰਾਮ 'ਤੇ ਲਗਪਗ 83 ਲੱਖ ਫਾਲੋਅਰਸ ਵਾਲੀ ਨੇਹਲ ਪੁਲਸ ਸਰਵਿਸ 'ਚ ਜਾ ਕੇ ਦੇਸ਼ ਲਈ ਕੰਮ ਕਰਨਾ ਚਾਹੁੰਦਾ ਹੈ।