ਮੁੰਬਈ(ਬਿਊਰੋ)— ਸ਼ਾਹਿਦ ਕਪੂਰ ਤੋਂ ਬਾਅਦ ਹੁਣ ਸਲਮਾਨ ਖਾਨ ਦੇ ਆਨਸਕ੍ਰੀਨ ਭਰਾ (ਪ੍ਰੇਮ ਰਤਨ ਧਨ ਪਾਇਓ) ਦੀ ਭੂਮਿਕਾ ਨਿਭਾਅ ਚੁੱਕੇ ਬਾਲੀਵੁੱਡ ਐਕਟਰ ਨੀਲ ਨਿਤਿਨ ਮੁਕੇਸ਼ ਵੀ ਪਿਤਾ ਬਣਨ ਵਾਲੇ ਹਨ। ਉਨ੍ਹਾਂ ਦੀ ਪਤਨੀ ਰੁਕਮਣੀ ਸਹਾਏ ਗਰਭਵਤੀ ਹੈ। ਉਨ੍ਹਾਂ ਨੇ ਇੰਸਟਾਗਰਾਮ ਪੋਸਟ ਰਾਹੀਂ ਇਹ ਗੁੱਡ ਨਿਊਜ਼ ਸ਼ੇਅਰ ਕੀਤੀ ਹੈ।
ਨੀਲ ਨੇ ਦੋ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਕ ਤਸਵੀਰ 'ਚ ਬੱਚਿਆਂ ਦੀ ਡਰਾਇੰਗ ਹੈ, ਜਿਸ 'ਚ ਲਿਖਿਆ ਹੈ— ਜਲਦ ਆਉਣਾ ਵਾਲਾ ਹੈ, ਦੂਜੀ ਤਸਵੀਰ 'ਚ ਨੀਲ ਅਤੇ ਰੁਕਮਣੀ ਛੋਟੇ ਬੱਚੇ ਦੀ ਜੁੱਤੀ ਨੂੰ ਆਪਣੇ ਹੱਥ 'ਚ ਫੜ੍ਹੇ ਹੋਏ ਹਨ।
ਦੋਹਾਂ ਦਾ ਵਿਆਹ ਪਿਛਲੇ ਸਾਲ 9 ਫਰਵਰੀ ਨੂੰ ਹੋਇਆ ਸੀ। ਨੀਲ ਦੇ ਪਰਿਵਾਰ ਨੇ ਉਨ੍ਹਾਂ ਨੂੰ ਪਸੰਦ ਕੀਤਾ ਸੀ। ਦੋਹਾਂ ਦੇ ਮਾਤਾ-ਪਿਤਾ ਇਕ ਦੂਜੇ ਨੂੰ ਲੰਬੇ ਸਮੇਂ ਤੋਂ ਜਾਣਦੇ ਹਨ।
ਰੁਕਮਣੀ ਦਾ ਜਨਮ 1989 'ਚ ਮੁੰਬਈ 'ਚ ਹੋਇਆ ਸੀ। ਉਹ 29 ਸਾਲ ਦੀ ਹੈ ਅਤੇ ਨੀਲ ਉਨ੍ਹਾਂ ਤੋਂ 6 ਸਾਲ ਵੱਡੇ ਹਨ। ਉਨ੍ਹਾਂ ਨੇ ਇੰਸਟੀਚਿਊਟ ਆਫ ਹੋਟਲ ਮੈਨੇਮੈਂਟ ਤੋਂ ਪੜ੍ਹਾਈ ਕੀਤੀ ਹੈ। ਫਿਲਮਾਂ ਦੀ ਗੱਲ ਕਰੀਏ ਤਾਂ ਨੀਲ ਬਹੁਤ ਜਲਦ 'ਸਾਹੋ' ਫਿਲਮ 'ਚ ਨਜ਼ਰ ਆਉਣਗੇ।