ਮੁੰਬਈ (ਬਿਊਰੋ)— ਬਾਲੀਵੁੱਡ ਐਕਟਰ ਸ਼ਾਹਿਦ ਕਪੂਰ ਤੋਂ ਬਾਅਦ ਹੁਣ ਸਲਮਾਨ ਖਾਨ ਦੇ ਆਨਸਕ੍ਰੀਨ ਭਰਾ ਭਾਵ ਨੀਲ ਨਿਤਿਨ ਮੁਕੇਸ਼ ਦੇ ਪਿਤਾ ਬਣਨ ਦੀ ਖਬਰ ਸਾਹਮਣੇ ਆਈ ਹੈ। ਨੀਲ, ਦਿੱਗਜ ਗਾਇਕ ਮੁਕੇਸ਼ ਦੇ ਪੋਤੇ ਹਨ। ਕਰੀਬੀ ਸੂਤਰਾਂ ਮੁਤਾਬਕ ਉਨ੍ਹਾਂ ਦੀ ਪਤਨੀ ਰੁਕਮਣੀ ਨੇ ਵੀਰਵਾਰ ਨੂੰ ਬ੍ਰੀਚ ਕੈਂਡੀ ਹਸਪਤਾਲ 'ਚ ਸ਼ਾਮ 3:30 ਵਜੇ ਬੇਟੀ ਨੂੰ ਜਨਮ ਦਿੱਤਾ ਹੈ।
ਜਾਣਕਾਰੀ ਮੁਤਾਬਕ ਅਪ੍ਰੈਲ 'ਚ ਨੀਲ ਨੇ ਇੰਸਟਾਗ੍ਰਾਮ ਰਾਹੀਂ ਦਰਸ਼ਕਾਂ ਨੂੰ ਇਸ ਬਾਰੇ 'ਚ ਦੱਸਦਿਆਂ ਕਿਹਾ ਸੀ ਕਿ ਉਹ ਤੇ ਰੁਕਮਣੀ ਮਾਤਾ-ਪਿਤਾ ਬਣਨ ਜਾ ਰਹੇ ਹਨ। ਉਨ੍ਹਾਂ ਨੇ ਅੱਗੇ ਕਿਹਾ, ''ਅਸੀਂ ਦੋਵੇਂ ਇਸ ਖੁਸ਼ੀ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਾਂ। ਭਾਵੇਂ ਲੜਕੀ ਹੋਵੇ ਜਾਂ ਲੜਕਾ, ਸਾਨੂੰ ਇਸ ਤੋਂ ਕੋਈ ਇਤਰਾਜ਼ ਨਹੀਂ ਹੈ।'' ਦੱਸ ਦੇਈਏ ਕਿ ਨੀਲ ਨੇ ਸਾਲ 2017 'ਚ ਰੁਕਮਣੀ ਨਾਲ ਰਾਜਸਥਾਨ ਦੇ ਉਦੈਪੁਰ 'ਚ ਵਿਆਹ ਕੀਤਾ ਸੀ।
ਜ਼ਿਕਰਯੋਗ ਹੈ ਕਿ ਨਵਜੰਮੇ ਬੱਚੇ ਨੂੰ ਲੈ ਕੇ ਫਿਲਹਾਲ ਨੀਲ ਜਾਂ ਉਨ੍ਹਾਂ ਦੇ ਪਰਿਵਾਰ ਵਲੋਂ ਕੋਈ ਬਿਆਨ ਸਾਹਮਣੇ ਨਹੀਂ ਆਇਆ ਹੈ। '7 ਖੂਨ ਮਾਫ', 'ਜਾਨੀ ਗੱਦਾਰ', 'ਆ ਦੇਖੇਂ ਜ਼ਰਾ', 'ਨਿਊਯਾਰਕ', 'ਪਲੇਅਰਸ' ਅਤੇ ਵਜ਼ੀਰ' ਵਰਗੀਆਂ ਫਿਲਮਾਂ 'ਚ ਨੀਲ ਨਿਤਿਨ ਮੁਕੇਸ਼ ਕੰਮ ਕਰ ਚੁੱਕੇ ਹਨ।