ਮੁੰਬਈ (ਬਿਊਰੋ)— ਪ੍ਰਿਯੰਕਾ ਚੋਪੜਾ ਅਤੇ ਨਿਕ ਜੋਨਸ ਦੇ ਇਸ਼ਕ ਦੇ ਚਰਚੇ ਦੁਨੀਆ 'ਚ ਜਦੋਂ ਤੱਕ ਮਸ਼ਹੂਰ ਹੋਏ, ਉਸ ਸਮੇਂ ਤੱਕ ਦੋਹਾਂ ਨੇ ਆਪਣੀ ਮੰਗਣੀ ਦਾ ਐਲਾਨ ਕਰ ਦਿੱਤਾ। ਬੀਤੇ ਦਿਨੀਂ ਹੀ ਨਿਕ ਜੋਨਸ ਆਪਣੇ ਪੂਰੇ ਪਰਿਵਾਰ ਨਾਲ ਭਾਰਤ ਆਏ ਅਤੇ ਪ੍ਰਿਯੰਕਾ ਚੋਪੜਾ ਨੂੰ ਆਪਣੀ ਬਣਾ ਗਏ। ਇਸ ਤੋਂ ਬਾਅਦ ਦੋਵੇਂ ਲਾਈਮਲਾਈਟ 'ਚ ਛਾਏ ਹੋਏ ਹਨ।
ਮੰਗਣੀ ਤੋਂ ਬਾਅਦ ਦੋਵੇਂ ਕੁਝ ਸਮੇਂ ਇਕੱਠੇ ਰਹੇ ਅਤੇ ਕੁਆਲਿਟੀ ਸਮਾਂ ਸਪੈਂਡ ਕੀਤਾ ਪਰ ਹੁਣ ਪ੍ਰਿਯੰਕਾ ਚਪੋੜਾ ਅਤੇ ਨਿਕ ਜੋਨਸ ਆਪਣੇ-ਆਪਣੇ ਪ੍ਰੋਜੈਕਟਾਂ 'ਚ ਰੁੱਝ ਗਏ ਹਨ। ਇੱਥੇ ਤੁਹਾਨੂੰ ਇਹ ਜਾਣ ਕੇ ਖੁਸ਼ੀ ਹੋਵੇਗੀ ਕਿ ਪ੍ਰੋਫੈਸ਼ਨਲ ਲਾਈਫ ਦੇ ਬਾਵਜੂਦ ਵੀ ਇਨ੍ਹਾਂ ਦੀ ਨਿੱਜੀ ਲਾਈਫ ਪ੍ਰਭਾਵਿਤ ਨਹੀਂ ਹੋਈ।
ਦੋਵੇਂ ਵੱਖ-ਵੱਖ ਦੇਸ਼ਾਂ 'ਚ ਰਹਿ ਕੇ ਵੀ ਇਕ-ਦੂਜੇ ਦੇ ਕਰੀਬ ਰਹਿੰਦੇ ਹਨ। ਦਰਅਸਲ ਇਨ੍ਹਾਂ ਦੀ ਇਕ ਤਸਵੀਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਨਿਕ, ਪ੍ਰਿਯੰਕਾ ਨਾਲ ਵੀਡੀਓ ਕਾਲ ਕਰਦੇ ਦਿਖਾਈ ਦੇ ਰਹੇ ਹਨ। ਨਿਕ ਜੋਨਸ ਕਿਸੇ ਰੈਸਟੋਰੈਂਟ 'ਚ ਨਜ਼ਰ ਆ ਰਹੇ ਹਨ।