ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਦੇ ਮੰਗੇਤਰ ਤੇ ਅਮਰੀਕੀ ਗਾਇਕ ਨਿਕ ਜੋਨਾਸ ਇਕ ਵਾਰ ਫਿਰ ਭਾਰਤ ਆਏ ਹਨ। ਬੀਤੇ ਦਿਨੀਂ ਉਨ੍ਹਾਂ ਨੂੰ ਮੁੰਬਈ ਏਅਰਪੋਰਟ 'ਤੇ ਦੇਖਿਆ ਗਿਆ। ਮੰਗਣੀ ਤੋਂ ਬਾਅਦ ਨਿਕ ਦਾ ਭਾਰਤ ਪਹਿਲਾ ਦੌਰਾ ਹੈ।
ਇਸ ਦੌਰਾਨ ਨਿਕ ਜੋਨਸ ਨੇ ਕਾਲੇ ਰੰਗ ਦੀ ਜੈਕੇਟ ਨਾਲ ਸਫੇਦ ਟੀ-ਸ਼ਰਟ ਪਹਿਨੀ ਸੀ। ਨਿੱਕ ਨੇ ਹੈਟ ਨਾਲ ਸ਼ਾਨਦਾਰ ਐਂਟਰੀ ਕੀਤੀ।
ਪ੍ਰਿਯੰਕਾ ਚੋਪੜਾ ਤੇ ਨਿੱਕ ਜੋਨਸ ਨੂੰ ਹਾਲ ਹੀ 'ਚ ਮੁਕੇਸ਼ ਅੰਬਾਨੀ ਦੀ ਧੀ ਈਸ਼ਾ ਅੰਬਾਨੀ ਤੇ ਆਨੰਦ ਪਿਰਾਮਿਲ ਦੀ ਮੰਗਣੀ ਸੈਰੇਮਨੀ 'ਚ ਦੇਖਿਆ ਗਿਆ ਸੀ। ਦੱਸ ਦੇਈਏ ਕਿ ਇਹ ਸੈਰੇਮਨੀ ਇਟਲੀ 'ਚ ਹੋਈ ਸੀ।
ਇਸ ਤੋਂ ਬਾਅਦ ਪ੍ਰਿਯੰਕਾ ਸਿੱਧਾ ਮੁੰਬਈ ਪਰਤ ਆਈ ਤੇ ਆਪਣੀ ਅਗਲੀ ਫ਼ਿਲਮ ਦੀ ਸ਼ੂਟਿੰਗ 'ਚ ਰੁੱਝ ਗਈ।
ਪ੍ਰਿਯੰਕਾ ਇਨੀਂ ਦਿਨੀਂ 'ਦ ਸਕਾਇ ਇਜ਼ ਪਿੰਕ' ਦੀ ਸ਼ੂਟਿੰਗ ਕਰ ਰਹੀ ਹੈ।
ਪ੍ਰਿਯੰਕਾ ਤੇ ਨਿੱਕ ਨੇ ਇਕ ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ ਰਵਾਇਤੀ ਤਰੀਕੇ ਨਾਲ ਮੰਗਣੀ ਕਰਾ ਲਈ ਸੀ।
ਮੰਗਣੀ ਤੋਂ ਪਹਿਲਾਂ ਨਿੱਕ ਤੇ ਪ੍ਰਿਯੰਕਾ ਨੇ ਆਪਣਾ ਰਿਸ਼ਤਾ ਦੁਨੀਆਂ ਤੋਂ ਬਚਾ ਕੇ ਰੱਖਿਆ ਸੀ।
