ਮੁੰਬਈ(ਬਿਊਰੋ)— ਬਾਲੀਵੁੱਡ ਦੀ ਦੇਸੀ ਗਰਲ ਪ੍ਰਿਯੰਕਾ ਚੋਪੜਾ ਦੇ ਮੰਗੇਤਰ ਨਿਕ ਜੋਨਸ 16 ਸਤੰਬਰ ਨੂੰ ਆਪਣਾ 26ਵਾਂ ਜਨਮਦਿਨ ਸੈਲੀਬ੍ਰੇਟ ਕਰਨ ਜਾ ਰਹੇ ਹਨ। ਨਿਕ ਜੋਨਸ ਦਾ ਅਸਲੀ ਨਾਂ ਨਿਕੋਲਸ ਜੇਰੀ ਜੋਨਸ ਹੈ। ਨਿਕ ਗਾਇਕ ਹੋਣ ਦੇ ਨਾਲ-ਨਾਲ ਇਕ ਐਕਟਰ ਵੀ ਹੈ।
ਨਿਕ ਨੇ ਹਾਲ ਹੀ 'ਚ ਪ੍ਰਿਯੰਕਾ ਨਾਲ ਉਸ ਦੇ ਘਰ 'ਚ ਰੋਕਾ ਸੈਰੇਮਨੀ ਕੀਤੀ ਸੀ। ਸੂਤਰਾਂ ਮੁਤਾਬਕ ਪ੍ਰਿਯੰਕਾ ਚੋਪੜਾ ਤੇ ਨਿਕ ਅਮਰੀਕਾ 'ਚ ਹੀ ਵਿਆਹ ਦੇ ਬੰਧਨ 'ਚ ਬੱਝ ਸਕਦੇ ਹਨ। ਹਾਲਾਂਕਿ ਅਜੇ ਦੋਵਾਂ ਦੀ ਵੈਡਿੰਗ ਡੇਟ ਸਾਹਮਣੇ ਨਹੀਂ ਆਈ।
ਦੱਸ ਦੇਈਏ ਕਿ 25 ਸਾਲ ਦੇ ਨਿਕ ਜੋਨਸ ਦੀ ਕੁਲ ਸੰਪਤੀ 25 ਮਿਲੀਅਨ (177 ਕਰੋੜ) ਹੈ। ਇਸ ਤੋਂ ਇਲਾਵਾ ਨਿਕ ਮਹਿੰਗੀਆਂ ਗੱਡੀਆਂ ਦਾ ਮਾਲਕ ਵੀ ਹੈ। ਇਨ੍ਹਾਂ ਹੀ ਨਹੀਂ ਅਮਰੀਕਾ ਦੇ ਸਭ ਤੋਂ ਮਹਿੰਗੇ ਲੋਕੇਸ਼ਨ 'ਚ ਨਿਕ ਦਾ ਘਰ ਹੈ।
ਇਸ ਦੀਆਂ ਕੁਝ ਤਸਵੀਰਾਂ ਦੋਵਾਂ ਭੈਣਾਂ ਨੇ ਆਪਣੇ-ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤੀਆਂ ਹਨ। ਨਿਕ ਦਾ ਇਹ ਘਰ ਉਨ੍ਹਾਂ ਦੇ ਮਾਤਾ-ਪਿਤਾ ਦਾ ਨਹੀਂ ਸਗੋਂ ਨਿਕ ਦਾ ਖਰੀਦਿਆ ਹੋਇਆ ਹੈ।
ਨਿਕ ਨੂੰ ਵੱਡੇ-ਵੱਡੇ ਸਟੇਜ ਸ਼ੋਅਜ਼ 'ਚ ਪਰਫਾਰਮੈਂਸ ਕਰਨ 'ਤੇ ਵੀ ਮੋਟੀ ਰਕਮ ਮਿਲਦੀ ਹੈ। ਸੂਤਰਾਂ ਮੁਤਾਬਕ ਨਿਕ ਇਕ ਸ਼ੋਅ ਦਾ 35 ਤੋਂ 70 ਲੱਖ ਤੱਕ ਲੈਂਦਾ ਹੈ।
ਨਿਕ ਨੇ ਜ਼ਿਆਦਾਤਰ ਕਮਾਈ ਸੋਲੋ ਪਰਫਾਰਮੈਂਸ ਦੇ ਤੌਰ 'ਤੇ ਕੀਤੀ ਹੈ। ਨਿਕ ਦੇ ਪਿਤਾ ਪਾਲ ਜੋਨਸ ਦੇ ਦਿਵਾਲੀਆ ਹੋਣ 'ਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਕਿਸੇ ਵੀ ਪ੍ਰੇਸ਼ਾਨੀ ਦਾ ਸਾਹਮਣੇ ਨਹੀਂ ਕਰਨਾ ਪਿਆ।
ਨਿਕ ਜੋਨਸ ਇਕੱਲੇ ਹੀ 25 ਮਿਲੀਅਨ ਡਾਲਰ ਦੀ ਸੰਪਤੀ ਦੇ ਮਾਲਕ ਹਨ।
